|
باركوا لي !!!!!
السلام عليكم ورحمة الله
هل تحقيق الطموح والرغبة يعد أمرأً مستغرباً وغير مقبول في مجتمعنا ؟ بأقول لكم سالفتي وأحكموا ... أنا تخرجت من الكلية .. ورحت اقدم ماجستير في احد الجامعات .. طلبوا مني توصية من الكلية اللي تخرجت منها .. رحت للكلية ,, واستقبلتني رئيسة القسم ( أزفت ) أستقبال !! asb: قلت لها موضوعي .. قعدت تطالع فيني باستحقار !! وتقول .. انتي ليش تكملين دراسات عليا من أصل >>طبعاً الدكتورة مصرية !!!!!! مستواك مو ممتاز .. قلت أوكي أنا أعرف منك بمستواي .. أنا راح أكمل في مواد تربوية ( تقنيات التعليم ) مو في مواد التخصص ! مع العلم أني الخامسة ع الدفعة وتقاديري في غير مواد التخصص .. ممتاز وجيد جداً ...... قاااالت ببرود : آسفة .. ماراح اكتب لك ...! طبعاً مع المحاولات .. والاقناع لكل اللي في الكلية .. تعاونت معي الوكيلة الله يجزاها خير .. ولقيت من يوقعها لي غير رئيسة القسم ...! و بعد ماخلصت اوراقي بطلوع الروح ... خلص وقت التسجيل للماستر ...!! ..... والمشكلة الآن يقولون نبي شباب مثقف وواعي .. وهم حتى دراستي للماجستير رافضينها .. أجل شلون لو أني طالبة ابتعاث ..؟ لكم حرية الرأي ..................................... |
رد: باركوا لي !!!!!
:(
وش جنينا من المصريات إلا المشاكل عسى الله يزيلهن من كلياتنا عقب سالفة التزوير في كلية بنات الحوطة رفض التوصيات للطالبات هنا :( أمر محزن ولله المشتكى طبعا اتمنى منك تقدمين شكوى لإدارة كليات البنات مع تحفظي عل ... لعلها خيره أختي والله يوفقك في التقديم مرة ثانية وحاولي وإن شاء الله بتتيسر أمورك تحية طيبة |
رد: باركوا لي !!!!!
السلام عليكم
والله هناك مشاكل تخفى علينا كثيراُ وعويصة في التعليم العالي مدري ليه بعض الناس يتلذذ بتعقيد امور ومعاملات الناس بلا سبب ومن المفترض ان يكون النصيب الاوفر للاهتمام للتعليم وخاصة العالي لاننا بأمس الحاجة لهم والوطن بآمس الحاجة لهم وبالتوفيق لكم |
رد: باركوا لي !!!!!
وأنت صادق اخوي أنا تويمي
لو تشوف حالة السعوديات هناك يرثى لها ... كأننا أحنا اللي ندرس عندهم في ديرتهم !!!!!!!!! |
رد: باركوا لي !!!!!
أخوي يزيد
يعطيك العافيه بس الكلام كثيييييييييير والفعل مافيه !!! يعني تشجيع ع الفاضي |
رد: باركوا لي !!!!!
صدى
يمالك من الصعوبات في التعليم العالي خاصة من قِبل الكليات ورئيسات الأقسام الأجنبيات (المصريات بالذات) عن نفسي في مجال تخصصي كان المساند لي دكتور الله يجزاه الجنه وقف وقفة معي حتى عطاني توجيهات مهمه في التخصص أما رئيسة القسم شانت نفسها تخاف إني أجي مكانها واذا اخذتي الماجستير يالله صعوبات ثانيه للدكتوراه لين تطق نفس الطالب من الدراسه!!!! وللمعلومه الأسبوع الجاي يوم الثلاثاء موضوع برنامج جلسه في قناة المجد عن التعليم عن بعد |
رد: باركوا لي !!!!!
<<< من الناس اللي عانت من هالمشكله :(
يبخلون حتى بالمعلومه !! واذا جيت تقدم تسحب الكلام سحب منهن .. وترى موب الأجنبيات بس حتى بنات البلد الله يصلحهن كأنهن بيصرفن شي من جيبهن .. مدري ليه هالمعامله :( اقتباس:
هل هو حسد وحقد ؟! أو حالات نفسيه ؟! |
رد: باركوا لي !!!!!
اختي زهرة ..
والله لو كنتي شفتي اللي شفته ماتصدقين .. فيه محاضرة شجعتني .. وعطتني التوصية على طوووووول ورئيسة القسم .. تقولين كاني جاية اقدم على الكلية ابي مكانها !!! عصبت وارتفع ضغطها .. وفي الاخير رفضت أصلاً تعطيني التوصية .. وتقول لو كتبتها لك خليتها كلهااااا مو حلووووة ....!!!!!!!!!!! يا الله خليها على ربك .. |
رد: باركوا لي !!!!!
يعطيك العافية أم فيصل
تقولين رايحين نقدم على وظايف مو على دراسة !! |
رد: باركوا لي !!!!!
أبشركم ..
رحت السبت .. وقدمت اوراقي .. كان فيه تعاون من الكلية لمن هم من خارج الرياض دعواتكم لي بالقبول ....( في الدنيا والآخرة ) |
رد: باركوا لي !!!!!
الله يسهل لك أمورك امييييييييييين ..
ويسهل لي أموري ادعي لي .. :)) |
رد: باركوا لي !!!!!
اولا الله يوفقك ياصدى انا اعاني نفسك لاني توي متخرجة وعلى قولتك مافيه تشجيع
والمشكلة يحسبونك بتاخذين مكانهم والله اللي يوزع الارزاق وعموما هالوكيلة المصرية الله يعينها على حساب الاخرة ياما ظلمت بنات والشرهة على اللي معينها كأن ماعندنا بنات مؤهلات وعندهم شهادات اكبر |
رد: باركوا لي !!!!!
هلا بالجميع
معاناة للاسف الكثيرات يتعرضن لها ابنصحكن نصيحه لله في الله اللي عندها مشكلة واي مشكله تعليميه توثقها وعى طول تنشرها اعلاميا صار القضايا والمشاكل التي تطرح بالجرائد تعالج بسرعه وبالتوفيق للجميع يارب |
رد: باركوا لي !!!!!
الله يوفقنا واياااااك يا ام فيصل
|
رد: باركوا لي !!!!!
مشكووورة العنود
بس الوكيلة سعودية وهي الوحيدة الي عطتني وجه وذا المصرية ( حسبي الله عليها ) كانها ظالمتني ! |
| الساعة الآن 05:03 PM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه