[ابراهيم الغنام]

[align=center]بسم الله الرحمن الرحيم
اخواني مدير ومشرفى واعضاء ومشاركين هذا المنتدى المميز

السلام عليكم ورحمة الله وبركاته

بتواجدكم وابداعاتكم اتقدم بجزيل الشر للجميع هذا واشكر اخي العزيز القيصر على طرحة المميز فليس غريب ان يأتي التميز من تميز والابداع من مبدع اشكره جزيل الشكر على استضافتي في هذا الطرح المميز والشكر موصول للجميع على تفاعلهم ويسعدني ويشرفني ان اشارك في هذا الطرح اسوة بإخواني الشعراء المبدعين الذين سبقوني بهذه المشاركه

(من انت )


[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
انا من ينظم أشعاره يسطرها على القرطاس=حريص ٍفي معانيها لجل ارفع بها راسي
انا في هقوتي شعري أقوله موقعه لاباس=اسيّرمركبي وسط البحور وموجها قاسي
ولو بحر الشعر غبه ولا يدخل باليا قياس = إلى من هاجت أمواجه يصير الفكر محتاس[/poem]





( الكويت )

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
كويت يعني غلاي وحبي الراسي = قضيت انا اجمل سنين عشتها فيه
من يوم عمري صغيرٍ فيه مجلاسي =يزيد حبه إلى من مر طاريه
هذا ولا انسى بلاد العز نوماسي = اللي سقتني قراح ٍعد صافيه
لو رحت عنها يصير الفكر محتاسي = ارجع لنجد الغلا جرحي تداويه[/poem]

(الرواية )

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
انا هواي السالفه والروايه = هي عشقتي لامن رويته بلاشعار
عشقي سوالفهم هويته هوايه =والنفس ماتهوى فلاشك تختار
احس فيها الصدق ماهي دعايه = فيها علوم للمراجل والاخيار[/poem]

(الشعر القديم )

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
الشعر حكمه من عصور قديمه = وانا هويت اشعار ناس ٍ اقداما
في شعرهم مافيه شتم ونميمه =ولاهيب مبنيه بحبكة ادراما[/poem]

(الغزل )

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ترى الغزل يوصف على شكل الازهار= كلن تناقا من زهوره ثمرها
والفاكهه كلن بلا انواع يحتار= وانا قطفت انواعها من شجرها
كلن هوى نفسه من الزين يختار= وانا خذيت الغاليه في مهرها[/poem]


(عبدالعزيز بن منصور)

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
من صغرتي غربت عن ديرةٍ لي = وأبعدت عن أهلي وعمري بدايته
سكنت مابين أخوالي وعمتي = والكل منهم مبدي طيب غايته
عشت برعايتهم سنين طويله = فيها التزم خالي لأبوي بوصايته
عبدالعزيز الخال والأب والاخو = اللي بعد ربي شملني برعايته
أخذت من طبعه صفات كثيره=من حبي لخالي مشيت بهوايته[/poem]



( الحكمة)


[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
صحيح ابلاغ قول في ذكر الأمثال = في ذكرك الحكمة دليلك على القول
هذا كلام اللي سبقنا بلا قوال = والتجربه برهان لاصرت مسئول
نذكر من الماضي حكايات الأجيال = لعل تبقى لجيل خير مدلول[/poem]




(الاطلال )

اخي العزيز القيصر في اختيارك الصوره الخاصه لي اخترت الأطلال وهذه الصوره هي مايشدني إلى الوراء وذكرى الأهل والأجداد وأماكنهم فلاشك أنها تؤثر علي ونقلتني إلى الوراء

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يادار كم جيل سكن فيك وارتحل = نشتها بالله شلي جرالها
نشتها عما مضالها وماجرها = في صمت ردت لي حزنت لسؤالها
ياليتني مارحت يمها وجيتها = شفت الحزن يضفي بعالي اتلالها
تبكي على جيلٍ عمرها وصانها = ماباقي الاذكرهم في ضلالها
كم عاش فيها من رجال بطيبهم = تحرص بطيبتهم تورث عيالها
الطيب فيهم والكرم من صفاتهم = ماحسّبو للقل عسرة ليالها
هذا مشب النار وهذا بساطهم = وهذي مجالسهم وهذي ادّلالها
وهذا هو الليوان وهذا سراجهم = لاقبل سواد الليل نوره ظوالها
وهذا حصير يفرشونه على الثرى= بالقيض بطن البيت هو مقيالها
وهذي هي الصفة وفي ذاك نومهم =لاجت ليال البرد هبت شمالها
هذي أماكنهم وهذي حياتهم = يابرد قربتهم ومحلا زلالها
اليوم ماباقي سوا كود ذكرهم = هذي مساكنهم وباقي اطلالها
راحت هدام الدور معاد تندخل = اطلال صارت توحش اللي عنالها
الله يرحمهم ويغفر ذنوبهم = يارب تقبل دعوت اللي دعا لها
نروي من الماضي حكايات عصرهم = على جبين الوقت نرسم دلالها [/poem][/align]