اتفقنا للمفارق واجتمعنا للوداع
آه ياشين الموادع والحبيب تودعه
حارت الخطوة ورجلين المفارق في امتناع
كنها الرجلين تبغى هالمفارق تمنعه
والعيون الي تهامت فوق خد البعد ماع
دمعة العاشق لياجا البعد تحرق مدمعه
هوحضني في يدينه واحتضنته بالذراع
والنحيب الي تأوه بالمحاني نسمعه
بين شهقات الحنين وبين زفرات الضياع
خاطر القلب المتيم كان حبك مطمعه
لكن الفرقا قدرنا والقدر امره مطاع
حكمة الله في غرام ماقدرنا نجمعه
وابتدأ ليل الموادع والمشاعر في صراع
لين شفت الوصل فينا طايح في مصرعه
قلت ياخطوة لقانا اقتلي هذا النزاع
واحزمي لحظة وداعك مع بقايا الأمتعه
جيت ابنطق بالموداع لكن المنطوق ضاع
والكلام الي جمعته في خفوقي ضيعه
مابقى غيرالسكوت ونظرة فيها التياع
والحكي ذاب وتبخر بالكفوف وفي اصبعه
والخطا ردت ورانا لين زاد الأتساع
لحظة الصمت الرهيبة في عيوني تتبعه
والخفوق الي هواه بصمت للفرقا شجاع
ودعه والصمت في قلبه يقول الله معه
بوحي