[القيصـــر]

المشاركة الأصلية كتبت بواسطة اليتيمه   مســــــــــاكم الله بالخير يالغالين أعتذر منك أستاذي القيصر على تأخري لأسباب خارجه عن أرادتي لاهنت شاكره لكم طول بالكم,, معنى اليتيمه؟ أنا اليتيمه عقبها وش بقالي ضاقت علي الأرض كني بتابوت أمي بليا روح صارت قبالي عزي لحالي صار شنات وخبوت من أنت؟ أنا الدانه ولي بالفخر قيمه يحق لي الفخرمادمت راعي أبوي الشيخ وقفاته عظيمه سعى للطيب وله الطيب ساعي كريم وكل أبو أفعاله حكيمه من قروم خذوا العزه شراعي تحزم للشديدات ببريمه وشال المعضله شبر وباعي فتح بابه ولاشي يضيمه سنى ناره لهبها له شعاعي أبوي اللي يتعزوا به غريمه إلآمن الردي للطيب باعي وبأخواني تقويت العزيمه حلاحيل بهم يطرب سماعي أنابأهلي رفعت الراس شيمه وهامت راسي أسعدهاأرتفاعي حبك لوالدتك؟ فراغ وهموم وأحزان ومعاثير كلش تغير عقب منتي رحلتي ظلام والدنيا غدت بيتن صغير ضاقت علينا"يووه"من عقب متي المرأه في نظرك؟ الحرمه أصل الكون والرجل نصفه هي زوجته أمه وأخته وبنته آدم وحواء رجحوا فيه كفه الحرمه الأغصان والرجل نبته ديوان مقروء؟ ديواني لساني وخطي قريته أكتب وماكثر من واقعي قل ديوان دانه لابغيته لقيته دانة قصيد أبحث عليها بقوقل في منتدى سديرلامنك لفيته أقره وعن رايك في ماكتب قل منتديات سدير؟ المنتدى وأهله كرام"ن"عزيزين المنتدى شامخ بوقفت رجاله سديرمنزلها على الراس والعين وللمنتدى وأهله علينا جماله كارثة جدة؟ يارب ترحم من توفوا غريقين في كارثة جده وتجبر عزانا في كارثة جده فقدنا الكثيرين والحمد للي بالمقدر بلانا تعليقك؟ يابرج أيفل ويني ووينك الحين ياما حلاشوفك ويابعد قربك هذي ثلاث سنين وحنا بعيدين يرتاح بالي كل ماجيت جنبك وسلامة الجميع اعذروا عجالتي فيماكتبت وتأخري عليكم بالحضور..فديتكم الدانه

الله .. الله يالدانه
إحساس فريد .. وشعور آخاذ
آخاذ نحو الهمه العاليه .. والطموح الأكيد
الطموح بإنفراد حرف في القمه .. القمه القمه
ردود جميلة .. ووصف عجزت أنا عن التعبير عنه
حضور لافت يالدانه .. وبكل أمانه إستمتاع غير عادي
بهكذا حرف .. يُنبأ عن إسم جميل مهّذب
في سماء الشعر وهنا في منتديات سدير
سلمتِ لنا .. وسلم بنانك الأنيق
الذي خط أعذب الحرف وأمتعه
أحسنتِ تواجداً فلكِ إحترامي وتقديري
موفقه يارب ...