بسم الله الرحمن الرحيم
راعي خثاريق؟!!
[poem=font="Simplified Arabic,7,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
كنت أحسب إنك شاعرٍ تسخر القاف=وأثرك على ماقيل راعي خثاريق
ياواحدٍ في ناظري مالك أوصاف=غريتني في نظم بعض الطواريق
ما أنته بلا شاعر ولاأنته بعراف=ولا أنته من احساب الوجيه المطاليق
ولا أنته من أصحاب الفضيله والأوقاف=ولا أنته من اللي يحفظون المواثيق
ولانلت مرتبة الشرف مثل الاشراف=ولا أنته مثل حرٍ طويل المسابيق
راحت حياتك تجمع أرباع وأنصاف=ضاقت عليك أعوذ بالله من الضيق
واتقول انا للغيد عاشق وميلاف=وقلبك تقطّع مابقى له معاليق
وتشكي على صاحبك في كل ميقاف=وصاحبك مثلك مارقى قمة اطويق
وعرفه مثل عرفك مخالف للاعراف=ويقول أنا شاعر وفاهم وعشيق
وأنته على الدبكه معا كل محراف= تحسب دلال الكيف مثل الاباريق
والشعر تالي الوقت ياناس ينعاف=عاثوا به المستشعره والمطافيق
ولاعاد أشوفك بعدها تنظم القاف=مدام صرت اليوم راعي خثاريق
[/poem]