[أسد نجد]

محاوره سعود بن كليب مع منصور الحجازي
شاعر الملك سعود بن عبدالعزيز رحمه الله

هذه محاوره دارت احداثها مابين عام 1935 و1936 ميلادي في الرياض في ديوان الملك سعود بن عبدالعزيز ال سعود وسبب هذه المحاوره ان الشاعر سعود بن كليب قال قصيدة مدح في الملك سعود بن عبدالعزيز وكان الشاعر لا يتجاوز 19 من عمره ولقوة القصيدة وجودة معانيها شك الملك في ان تكون هذه القصيدة له وذلك لصغر سنه فساله هل تلعب المحاوره وذلك امتحان له فاجاب شاعرنا :نعم فامر الملك سعود بن عبدالعزيز شاعره منصور الحجازي وكان عمره 45 عاما تقريبا ودارت هذه المحاوره


قال منصور الحجازي :
ياسعود يالعازمي عرب جواب(ن) صحيح ....لاترهبك ترهقك ندير عقبانها
الليله الملعبه بهاالضعيف يطيح .... الخيل قرح وجيت اليوم ميدانها

قال سعود بن كليب :
يالله دخلناك عن شوفة إهدوم الذبيح .... لاوالله إلا حضر عفريت شيطانها
.................................................. .........................................

قال منصور :
اصبر اشويه ولزمنه يجيلك فحيح ...... من بين وجه الجموع وبين خيلانها

قال سعود :
والله ما جنبك لينك تقوم وتطيح ..... واكثر حرا الخيل ياطنك بحذيانها

قال منصور :
انت كما الجربه اللي بان فيها النظيح ..... وانا كما البركه اللي حدر ليوانها

قال سعود :
اليا كثرتها الوورود وكل من جا يميح ..... اليا ارهجتها الدلي تبين جيلانها

قال منصور :
الغرب ما بنسني من غير حبل وسريح ... ولا تنضبط بندقن من غير نيشانها

قال سعود :
ناطحك في حد سيفن عادين به مضيح ... الراس يقطعه والهامه وحنكانها

فقام الملك سعود بن عبدالعزيز رحمه الله
بوقف المحاوره بعد ماقتنع بشاعرنا وجودة شعره وقام بضيافته وإكرامه والمحاوره اطول من ذلك .