مراااااااااااااااااااااااااااحب اليوم جايبة لكم حلى إنما إيه حلى الكوكتيل المقداير: #فواكه ( حسب الرغبة ) بس اللي معنا موز وتفاح وعنب وكيوي #عصير مانجو #عصير فراولة طبعا الكمية غير مقدرة لأنها على حسب أعداد العيلة الكريمة للكريمة: قشطة دريم ويب وطبعا لازم يكون فيه كاسات عشان نحط فيه البتاع ويفضل تكون الكاسات شفافة عشان تطلع الكشخة أول شي نسويه نخلط القشطة والدريم ويب ونحط الخليط في الثلاجة بعدين نبدا بتقطيع الموز شرايح ويحبذ تكون رقيقة بعدين نوزعها على الكاسات ونصب فوقه عصير الفراولة ملاحظة: لازم نقطع الموز بسرررررررررعة ونحطه بالكاسات ونصب فوق العصير بسررررررررعة لانه بسرعة يسود لاحتوائه على الحديد بعديها نقطع العنب ونشيل الحبوب اللي بوسطه لكل كاس عنبة وحدة بس نقطها أرباع أرباع بعديها نقشر التفاح ونحطه في الماء لانه يسود إذا تعرض للهوا نقطع التفاح شرايح احرصو تكون صغيرة قطعوه إربا إربا نتفوه تنتف همن نحط التفاح في الكاسات فوق العنب ونصب فوقه عصير المانجو الحين شوفوا شكله وشلون صار يجنننن بعدين قبل لا ناكله بعشر دقايق نقص الكيوي شرايح ونحطه ونحط عليه الكريمة ولا نطلع إلا إذا جينا هه بناكله عشان يصير بارد وش زينه تراه يهببببببببببببببل شوفو وشلون قضي عليه انتظر رايكم بعد ما تسوونه وتذوقونه ولا يزعل علي وادي سدير لاني ما نيب فالحة إلا بذا