[قلم صريح]

المشاركة الأصلية كتبت بواسطة عذبة الصفات   مره كان معنا شروخه من النوع اللي كان يجي منول , و علشان تعرفون قوته , نحطه تحت قوطي و نولعه ثم شوي الين القوطي طاير في السماء , المهم أنا ولعت الشرخ و جدعته , أحتريه يضرب أحتريه , أبطئ , قربت لمه و العيال يقولون لا لا تراه يخدعك , ماصبرت , خذته و أرفعته لثمي علشان اطفيه بلساني كان فيه ضو , أنا حطيته على لساني الا و ينفجر في وسط اثمي , مادري وش صرت اشوف زول العيال يركضون مادري وش خافوا منه و الدنيا تضرب و نين في راسي و الفطره هي بس اللي وجهتني لم بيتنا و لا لو جت على دبرتي كان يمكن اروح في حفرة و انا اصيح بونين و سكوت ثمن ونين وسكوت مدري من انا و ليش انا و يني فيه , رحت للبيت و لأمي صياح , ارتاعت الضعيفه و فتحت اثمي و قامت تطلع قرطاس كله دم , تقول بعدين أني اطلع القرطاس و أنا احسب اني اطلع لسانك متقطع . إستانسوا علي و تشمتوا ؟ يالله والله ماألومها الضعيفه لو أرتاعت الحين أنا وأنا أقرا لما وصلت لكلمه و فتحت اثمي ارتعت أحسب لسانك جاه شي كنت قوي ولا في أحد يحط شروخ في أثمه ياحبهم هالعيال للشروخه وياكثر منول مايروعوني بالشروخه والضببه وبعدها خربوني وصرت أنافسهم ع الشروخه ورديت لهم الصاع صاعين

السالفه أني مابي الشرخ يضيع أبي أطفيه و استعمله ثانيه , الا شرخ يروح هدر, منين القروش , ياكون بايع حمامه و لا كعابه و هذا مصدر رزقنا في الحاره ماحد يعطي عياله قروش يشترون شروخه كلها تهريب و تتدسيس في شقوق حوش البقره .
و انتم ياهالبنات بعضكم كان راس براس عند العيال ابن امه يسوي شيء لها تاكله اكل
و سلامتكم و الله يبارك باللي حطت هالمتصفح نتذكر فيه غِبراتنا و حوستنا في ذيك التربات و يبارك باللي يشارك و اللي يبي يشارك