السلام عليكم ورحمة الله وبركاته
يااخيي ((ابو إبراهيم)) هالشباب الله يصلحهم ويهديهم ويعظم أجر أهلهم
ماينفع فيهم قبض إذا ما طبق عليهم حكم شرعي !!
لأنهم ينصادون من هنا ويطلعون بعد فترة وجيزة!!
تخيل كثرت سرقاتهم للبيوت بشكل مو طبيعي أبدا!!
أحدى قريباتي زوجها رايح لسدير في نهاية الأسبوع ورجعت من عند أهلها ليلة
الخميس وأول مرة تنام لوحدها في البيت عندها 3 أطفال 2 بغرفتهم نايمين ورضيع معاها في غرفتها
وخادمة في غرفتها,,,,الساعة 3 الفجر تسمع طقطقة مكتومة ولا تدري من وين مصدرها صحت على
الطقطقة!!
جت تفتح الأباجورة الا الكهرب طافي بدا الخوف يدخلها ياعمري تقول وانور بالجوال وأروح للشباك
وأفتح الستارة بشويش وأشوف واحد يدور برى في داخل البيت لأن غرفتها مطلة على الواجهة
طبعاً عرفت انهم حراميه تخيل تتصل على زوجها مايرد أهلها أخوانها أخواتها ما أحد يرد!!!!!
ما أدري وش فايدة الجولات إذا حطت على الصامت!!؟
المهم تدرون ليه صوت الطقطقة مكتوم لانهم حاطين فوطة وهم يفكون حديد الشباك علشان الجيران
ما يسمعون الصوت!!
حسبي الله ونعم الوكيل,,,
تتصل على الشرطة وتقولهم بيتي في حرامية من زمان يطقون وتراهم يبي يدخلون علي ولا حياة لمن
تنادي
قاعد يسألها الشرطي بكل برود وين بيتكم فيه وين أبوك وين زوجك وصفي لنا البيت!!
أنتي متأكدة ولا بس شك !!آآآآآآه يالقهرتقوله أشوف الرجال داخل بيتي في الحديقة يدور
والثاني يطقطق ويقولها هالكلام!!!
المهم يوم شافت مافيه أمل وتتصل على الجيران ويجي أبوهم وعياله الله يجزاهم بجنات النعيم
وهم من أهل الجنوب ((عزا الله أنهم رجاجيل وبس)) تخيل وقت وصول أبو الجيران شافهم اللي
يراقب تحت ,,والحرامي الثاني توه يدخل ويحرك يد الباب حق غرفة النوم الا ويجيه تنبيه من خويه
أنزل,,,وينحاشون والفجر يأذن والشرطة توها توصل وأخوانها توهم يصحون علشان الصلاة
تخيل بس الموقف لولا الله سبحانه وتعالى ثم جيرانها الأفاضل وأمهم الرائعة بيض الله وجيههم
كان الله يعلم وش يبي يصير!!
ياربي لك الحمد والشكر،،سبحان الله تقول قبل ماننام كنت
جالسة مع أطفالي الأثنين في غرفتهم ونقرأ وردنا اليومي لدرجة أن أطفالها ما دروا عن شئ نايمين
وهذا بسبب حفظ الرحمن الرحيم لهم ,,,
أعتذر على الأطالة بس حبيت أورد هالقصة لما فيها من العبر والله المستعان ’’
تحياتي وتقديري