إلــى حدانــي مــن عنــى الوقــت صكّـه
وأبطــى زمـــان الجور يثقــل كما الديــن
يممــت وجهــي فــي صلاتــي لمكــــه
ركعــه مــع ركعــه وركعــه وثنتيــن
واللـــه كريــم الضيــق عنــي يفكــه
لــو إن عنـدي خاطــر لا انكسـر شيـن
أضحــك وهــو يطحــن بنابــه وفكــه
وأطحــن ويضحــك والحكايـه موازيـــن
وأصبـر وفــي جنبي مــن الوقـت حكـه
والهـــم حمـــل ولــه كتوفــي بعاريــن
العمــــر يبنينـــا بلكـــه بلكــه
والمــوت يفنينـا ويفــرح بنـا الطيـن
والخاتمـــه كــل يوجـــه لسكــه
أمـــا بعلييــن وإلا بسجيــن
طريـــق حــق ومالنــا فيــه شكـه
يـااللــه تخارجنـا ليـا نامــت العيــن
وإستقبلــت لحــد لعظمــك يلكـــه
قولــوا وأنــا بقــول يـا ربنـــا آميــن
واللــي شكى مــن جايـر الوقـت صكـه
تــرى الـــدواء ركعــه وركعــه وثنتيــن