الهجيني هو لون من الوان الشعر الشعبي يردده الركبان وهم على ظهور الابل
مما يخفف عنهم وحشة الطريق وعناء السفر وقد سمي هجيني نسبة ً للهجن
وتفعيلة بحر الهجيني الرئيسيه هي :
مستفعلن فاعلن فعلن = مستفعلن فاعلن فعلن
وهناك اوزان مشتقه كثيره
وقد اخترت لكم العديد من النماذج عسى ان تلامس ذائقتكم
هذه هجينيه للشيخ طراد الملحم
البارحه شفت انا عربـــيـد ... مخوي كما حس طيــــاره
صادق يسوقه على مايريد ... والقرم ماضاعت افكاره
ياضرب ربعي بهم تركيد ...... يوم المعادين بالقاره
وصبحي خذاله له زميغيد .... وربعه على الكون صباره
--------------------------------------
وهذه هجينيه قديمه
يا ربعنـا مابهـا كنـه ....... اغدوا على الرجم زافاتي
الجيش مظمي وله حنـه .... ما من عذر يالعماراتـي
ذبيحنـا اليـوم للجنـه ....... ولا ينعَي واحـدٍ ماتـي
---------------------------------------
وهذه هجينيه قديمه
يا ونتـي ونـة الجالـي .... اللي جلى عن بني عمه
من اولٍ عندهم غالي .... واليـوم مطلـوبهم دمه
--------------------------------
وهذه هجينيه عن الشياب
يابنت صدي عن الشايب ... يـم الجهـل لا تشدينـه
لا هو مودي ولا جايـب .... وراحت لياليـه وسنينـه
العود عن الهـوى تايـب .... يبي يحافظ علـى دينـه
------------------------------
وهذه هجينيه للمرحوم ذياب الرميح الملحم
نطيت انـا نابـي التلـــــه .... ماهو فضا بس من ضيقي
كل يوم متمثنـي مظلـَـة ... واعزتـي للعشاشيـقــــــــي
حطيت بي يالغضي علـة ... عليـك ياذابـل الريقـــــي
---------------------------------------
وهذه هجينيه اخرى
ولايه مـن واحـدٍ شفتـه .... عوده من الزين رويانـي
القرن الاشقـر منسفتـه .... ياتي محاقيـب وبطانـي
والنهـد للثـوب شايلتـه .... كنـه طلاليـع رمـانـي
الاولـه ليـت مـا شفتـه .... والثانيه ليـت مـا جانـي
والثالثـه يـوم واجهتـه .... تـل المعاليـق وابكانـي
-----------------------------------
ويقول احدهم
يالبيض ما انتن على ملــه .... ولا انتن على مذهبن صافي
اللـي بعيـدٍ تعشقنـــــــــه .... واللـــــــــي قريـب للاذلافـي
----------------------------
ويقول احدهم
نطيت انـا راس ميقوعـي .... من عرض من نط وارقبّـه
سقيت انا الطعس بدموعـي .... مثـل الهماليـل منصـبـه
قلبي فرا الجيب وضلوعـي .... والقلب لا فـرّ وش طبـه
يا اللي تريـدون منفوعـي .... حطوا على القلب له ضبـه
شيروا على القلب يا ربوعي .... ليـه الخـونـدات تلعـبّـه
-----------------------------------
وهذه هجينيه قديمه
ياطير يامومي الجنحـــــان ..... يا ناثر الريـش هنيتـك
لو اطمعك تاصل العربان .... على اريش العين وصيتك
----------------------------
وهذا احدهم يصف جيش قلوب باشا (0ابوحنيك )
يابو حنك هب دورن لك 000 ولاحنا دورنا فاتي
كل النشاما عبيدن لك 0000 حطو على العقل نجماتي
وعندما ارسل قلوب باشا في طلبه وسأله عن الهجينية قال:
ياقلوب ماقلتها ياقلــــــــوب 0000 وحياة خلاق الانفاسي
لالبس زبونك واجر الثوب 000 واحط تاجك على راسي
-------------------------------------
ويقول احدهم
فرحان جانا على التنبيل .... شاره على ناقةٍ خدعـا
تنطحوا له قبول الليـل ..... جانا تقل غيمـةٍ تدعـا
يا لابته كلهـا جهيـل ...... قاموا تناخوا هل الجدعا
-----------------------------------
وهذه هجينيه اخرى
الطيب ياللي تدورونه ......... رجم ٍ زما براس له قاره
مير البلا شعيَب ٍ دونه ...... كله خناتيج00 وحجاره
--------------------------------------------
ويقول : عاصي ابن مجيت الكويراني السبيعي العنزي
ياركب اللي تبت الجيد ..... حمرا تقل روج شيهاني
الشيخ من ردني لفهيد ..... دريت انا فهيد خلاني
ابا الخلا عامل ٍ مايريد .... يوم اسأله تقل زعلاني
يابشيت ماينفع التمجيد .... والشيح ماصار بستاني
والطيب مثل لقاف الصيد ... اليا اعرضت مالها اثماني
يوم المراجل لهن تمديد .... بعضنا مثل القمر ثاني
يابا الخلا والزمان يعيد .... افطن ترى ما انت شعلاني
ثلاث سنين ٍ من عيد لعيد .... مثل السحايل بالاكواني
البيضا تصلح لوجه عبيد .... اللي ارخص المال من شاني
والسودا تصلح لوجه فهيد .... ليا عاد له معتنن عــاني
ياربعنا مابهـــــا تصديد .... ردو بروغات الاذهــاني
-------------------------------------------
وهذه هجينيه اخرى
ياصفوق كان الرضم قاسي ..... ياخوك والله مليعينا
اما نجيكم بالافلاسي ......... والله نجي الكيس مالينه
-----------------------------------------------
ويقول احدهم
راكان بالك تطب الكوم ......... الكوم بالك تطبونه
ترى الصخاني عليكم قوم ....... كلن تحيزم بكبسونه
------------------------------------------
هجينيه اخرى
الله على البنت يا غديّر ....... ياعلنـي مـن قرايبهـا
تاخذ من العقل وتطيـر ...... قلبي غدا من سبايبهـا
عذروبها نهيدها صغير .... ومغطياته ذوايــبهــــــــا
--------------------------------------------
وهذه اخرى
ابوي راعي واهلك شيوخ ....... والشيخ مايناسب الراعي
شفلك هنوف تجر الجوخ ........ ولا انا عكفاي بذراعي
---------------------------------------------------------
ويقول احدهم
ياصاحبي لايجيك خليف ..... ومخضبن عشر الاصباعي
لايعجبونك عيال الصيف .... حشو الزلق عقب مرباعي
----------------------------------------------------
وهجينيه اخرى
ياراكب الكدلك الماشي ...... جلي ماحنا معازيبك
كم الجهد وانت منحاشي ..... وكل المخاليق تدريبك
يادمعنا سيل الطاشي ..... يوم اقرشن به دواليبك