وعليكم السلام ورحمه الله وبركاته..
شكرا لدعوتك ..
بالنسبه للمعلمين والمعلمات سابقا فلاشك أنهم أفضل بكثير مع اني لم أجربهم
بس سألت الي جربوهم وبلخص الفروق الي أخذتها من كلامهم ..
المعلم في السابق له هيبه ويفرض احترامه على الطلاب من خلال تعامله معهم ..
من ناحيه الامانه كان اكثر امانه وحتى في الحضور والغياب كان يحرص على الحضور من اجل طلابه اما المعلم والمعلمات الآن الاغلبيه منهم يجي يوقع ويطلع خاصه اذا كان بينه وبين المدير معرفه والمنهج والطلاب اخر اهتمامه
خالتي معلمه وتقول لنا للاسف مليان معلمات مايهتمون بالحضور ويغابون كثير ويشترون تقارير طبيه حتى مايخصم من رواتبهم والضحيه الطالبات اذا جا اخر الترم يتكدس المنهج واخرتها تجي وتقول يالله افتحوا الكتاب نخطط سوا وماتشرح بس تقرا ..
انا ايضا شفت بنفسي لما كنت اطبق في مدرسه ثانوي شفت كم معلمه ماتجي الا لما يروح ربع ساعه واكثر من الحصه والمشكله من غير سبب أبد جالسه تتقهوى مع المعلمات وحش في خلق الله ؟؟؟؟
ولما تجي بس تشرح على السريع كأنها مغصوبه وتطلع !!
ايضا شفت بنفسي طالبه دخلت لغرفه المعلمات تبغى من معلمه الرياضيات تشرح كم نقطه مافهمتها
وش ردت عليها المعلمه؟؟ قالت ليش ماانتبهتي وانا اشرح ؟ ردت الطالبه قالت كنتي تشرحين بسرعه وماامداني افهم وعصبت المعلمه ولاشرحت لها !!!!
طبعا في الحاله راح يلجأون الطالبات للمعلمه الخصوصيه وطبعا منتشرين بكثره في هالزمن بعكس الماضي ..
معلم الماضي كان فعلا مربي أجيال ولهم الدور الكبير بعد الله في تربية أبنائنا وتنشئتهم التنشئة السليمة
ايضا الي كنت أستغرب منه ان اذا كانت بتحضر المشرفه للمعلمه نشوفها تتحمس وحتى تقول لنا قبل بكم يوم واذا دخلت مشرفتها يطلع لنا الشرح الي يكون بذمه وضمير واذا راحت المشرفه طلع الشرح الشرح السريع 
واللوم على الوزاره لازم يستبعدون اي معلم عديم الفائدة واستبدله بمعلم متميز
شكرا استاذ مارد ..