يازين وقف واستمـع لـي دقيقـه
اسمع كلام القلب ينطق به لسـان
با زين وقتي صابنـي منـه ضيقـه
وقت(ن) يعاملني ولاكني انسـان
رماني بوسـط البحـور العميقـه
.واصبحت انا تايه ومن غير عنوان
ويوم ان وقتي شب فينـي حريقـه
حاولت اجامل وقتي اللي معي خان
اضحك له بسني واخفي الحقيقـه
واكتم معاناتي وهمـي والاحـزان
واليوم ياخلي جروحـي غميقـه
شكيت لك من وقتي اللي معي شان
شكيت لك شكوى الرفيق لرفيقـه
الشيب في راسي من الوقت قد بان
انا الدريك اللي نشف منـه ريقـه
وانا الطريح اللي تـولاه عـدوان
تجددت كـل الجـروح العتيقـه
من عقب فرقاكم الى اليوم سهران
احلـف لكـم بالله رب الخليقـه
ان الغلا والحب في قلبـي اخـوان
وانت الغلا والحب يا اجمل عشيقـه
ياللي بك الدنيا بها سبعـة الـوان
يا زين شف لي حل شف لي طريقه
جيتك وانا كلي امل انك انسـان