الحب وشو دون صوتك وطاريك
ياغايب عن شوف عيني فقدتك
قلبي يسولف لك وعيني تناديك
وفي غيبتك مايوم خنت وخذلتك
قلبي /حياتي /منوتي /كيف اخليك
وانت معي حب(ن) بروحي نقشتك
اعشق وجودك ياحياتي واداريك
خايف تغيب لو ثواني تركتك
ماظنتي بـ ألقى بديلٍ يساويك
وماظنتي انساك دآمي عشقتك
اهواك كلمه بالهوى ماتوفيك
تبطي معاني الحب تكتب وصفتك
تعال شفني في غيابك آحاتيك
مشغول بال وفرحتي لا وجدتك
وانا بدونك حالتي حيل ترجيك
في كل يوم وكل لحظه ذكرتك
كنت الفرح والحلم دايم يطرّيك
وعلى كتاب اشواقنا كم كتبتك
هذا انا للحين / قلبي يناديك
ليتك تحس بحالتي لا فقدتك