ابد والله..سمعت بطاري عيونك وجيت اغليـك
يقول القلب سلملـي عليـه ويطلـب وصالـك
حبيبي وش تقول بعاشقٍ قصـة غرامـه فيـك
نسا الدنيا ومن فيها وجا ينشـد عـن احوالـك
حبيبي جيت لمصافح مواعيـد الفـرح بيديـك
وجيت اعطي يمينك حـب ماتدريبـه شمالـك
اشوفك واسمعك قبل اعرفك واشتاقلـك وابيـك
واحس آمال عمري من عرفتـك تشبـه امالـك
انا ماعشت قبل اعيش بحساسك وقبـل اجيـك
حبيبي جيتـك بقلبـي ولـو ماجيتلـك جالـك
احاسيسي كريمه وانت تستاهـل كـرم غاليـك
ترى لوماشرقت شمسك وصل رحت اتبع ظلالك
يقولـون العـرب دارٍ بـلا مغليـك ماتغريـك
واقول انك بليـا حـب كنـك عايـش لحالـك
انا لاجيت اسولف عن شعوري قمت اسولف فيك
وانا ادري رغم كل الشوق ما مريت في بالـك
دريت ان الغلا مثل القـدر يرضيـك لويبكيـك
ولاينفعـك بعلـوم الغـلا عمـك ولاخـالـك
ما بين الحلم والواقع يصيبك حظـي ويخطيـك
متى تصبح نصيب اللي وقـف بآمالـه اقبالـك
ولاتزعل من اللي لازعل منّك رجـع يرضيـك
ولا تطري كلام البعـد .. فـال الله ولا فالـك
انا لوماتذكرتك غلا .. جـاب الغـلا طاريـك
تعيش وتسلم لقلـبٍ علـى كـف الغـلا شالـك
اطالع وجهك المشرق امل .. وعيونـي تناديـك
واقــول الله ثــم الله لا يـحرمــنــي وصــالــك
^
قصيده للشآعر منآدي..سعد آل سعود
من القصآيد اللي علقتني باالشعر