[بنت الاصول]

السلام عليكم ورحمة الله وبركاته

أقدم لكم مجموعة قصائد للشاعر الكبير / عوده بن رده الشرطي الثبيتي

رحمه الله وهو من خامس الشروط من اللصه من الثبته .

وقد عاش في الفترة مابين عام 1280هـ الي عام 1340هـ

هذا من خلال الاحداث التي اشار اليها في

بعض قصائده ..............

و قدتميز شعره بالقوه والجزاله وقد طرق هذا الشاعر العلم

اغلب أغراض الشعر واجاد فيها وخاصةً قصائده الحماسيه

التي يتضح من خلالها قوة اعتزازه وفخره بقبيلته

وهم أهل لذلك ولا شك .....

يقول عوده الشرطي في قصيده غزليه :

اليوم آطا الشوك ماكني آطاه====وامشي وانا كن السحايب دموعي

من بعد لامى ابالثمان المجلاه====اللي نهب قلبي من اقصى ضلوعي

واعيني اللي نومها ماتهناه====من يوم شافت عشقها طار شوعي

يامن كماالمحمل والالباس تزهاه====واليا مشى صكت عليه الجموعي

وان انزلوا خوف القواويس تحماه====ولا هو بصيد اللي قليل البتوعي

والله لالا الخوف من رب يدراه====لنوع له مثل البعير النزوعي

اللي ليا شاف البوادي ومرعاه====ينشطه لوكان قبله قنوعي

هذه قصيده للشاعر عوده الشرطي الثبيتي رحمة الله عليه عندما ناوله

احد اخوياه فنجال القهوه وقال له ســـــــــــــــــم /

قال:

سلمت يمينك يامسويلي الكيف====وانا ليا ماخذت كيف كفاني

وانا مضرالي بشغل وتكليف====اربع من الكيف الحلو عن ثماني

شفي ليا ضلا النجر له غطاريف====في ربعه ينشط لها كل واني

بالصبح ولا مع عصار التراهيف====في محضر لهل الفكر والمعاني

ما حافها خطو الرخوم العضاليف====الا يقع ضفرن بشغله شفاني

والدله الطبخا وماها بتشفيف====تشفيف هين يغدي اللون حاني

خاني دلال من عيون مراديف====رديف ريش مجليات الثماني

وانته لبيب وعارفن واجب الضيف====صحنن رزين ومن خيار السماني

وهذه غزليه رائعه ايضاً :

يقوله الي بدى في راس مضياح====في قرنة ماحدت مكه يمينا

واخيل عذب اللما بالهرج مزاح====على البهايق وحنا واردينا

ابو خزام عباله في منه داح====واليا تبسم يضليله دنينا

والله لالا حكايا كل دماح====لاغدي دريويش وبل المستحينا

واقول ياهل العطايا مرزقي باح====وارجى العطايا تجي في كل حينا

واقيم في حله اهله سبعه اصباح====واعاينه لين غراته تبينا

واسري بسيدي ليا من القمر طاح====وازبنه من ورا الطايف يمينا

سمي سيدي نهار الحرب ذباح====مايافر القوم ضاري بالفتينا

بيحت باسمه وهو فالصدر ماباح====وابين من الشمس للقلب الفطينا

هذه قصيده للشاعر عوده الشرطي الثبيتي في مدح آلاد ثابت ( الثبته ) :

يانديبي فوق حر مايبا الراكب يسوقه====من ركاب اهل الحسا مدري ركاب اهل الشمالي

يوم يبديلك قمر عشرين مع طلعه شفوقه====وانت سارح من طرف شوقب بعد قهوه وفالي

وطها درب الفراع وزل ماها لاتذوقه====لين ماتشرب يقع من ما على جم زلالي

ثم خصه عزوتي كم وادي ترعى شفوقه====مركز الطالات والعلم الجميل اول وتالي

نزلهم تلقاه من قاعه قضين اليا وسوقه====ينطحونك بالفراش وبالصفاط وبالدلالي

والسمين اللي صحنها كن ثوب الشاش فوقه===ما توانو في وجوب الضيف يوم السعر غا لي

كم صبي فا اللقى حنا تسابيبه وعوقه====نفتله فتل الحديد وننقضه نقض الحبالي

ودي اوصيك ياعواض بالهرج ونطوقه====تنقده نقد الذهب قدام تنقدك الرجالي

المره لا تطّلع في سدك الخافي تبوقه====ما عليها منك وهي اعن الفضيحه ما تسالي

لعنبوا من يامن الانثى نضرها من عشوقه====صبح تمرح لك صبى الليل تمرح لك عوالي

ايضاًقصيده غزليه :

لاقيل من رد المثايل وغنى===

غنى بقاف فيه زين المعاني

اول هنا هنّيت للي تهنى===

شرب الهنا من كف صافي الثماني

ابو شفيّات بالبسم هرجنا===

منهم سبب قلبي ومنهم هواني

والموت يوم العيون اطرقنا===

ايضا بسهم الود سيدي رماني

شكل الهوى ورد وعطر وحنا===

والمسك والعنبر وخضب البناني

واونس عظامي بعدهن سرقلنا==

واونس حميم الموت والموت جاني