أحــبــك مابها زيف وخداع
انا احبك مابها زيف وخداع
رغم الذي نخفيه واللي نخافه
أودعك ليت الالم لحظة اوداع
والى مضت ننسى الالم والحسافه
أفارقك كان السفر يم واشراع
وبعد الفراق اللي نحبه تعافه
لا صار مافي البعد راحه لملتاع
بالله وش نفع التعب والكلافه
من الجفا والصد .. يكفيني اذراع
لا جف نهر الحب ماتت أضفافه
أي والذي خلا لي عيونك أوساع
بدونك تصير الارض ضيق وكسافه
املي يدك رمل وترى هذي القاع
ومدى النظر تدرين وشهي المسافة