روائع جميلة .... احترت وأنا اقرأ في هذا الموضوع ...
وأحببت المشاركة بهذا الإنتقاء عله يحوز على إعجابكم :
امتلك قلبي قبل ماأمتلك حزن الغياب =قبل لايسافر حلفت اوفي ولا اخون العهد
قال: انا راحل وبرجع لك على متن السحاب=قلت : ابنتظرك وتلقاني على متن الرعد
قال : افكر كيف في بعدك أبقوى هالعذاب=قلبي في يدّك أمانه وارفقي به ياوعد
قلت : ارحل دربك اخضر وسط صحرا الاغتراب =انت غالي ورحت غالي وجيت غالي يافهد
سافر وعدّى خياله في ربوع الكون ذاب =صرت زهرة جرح تنزف دمها بين الشهد
كل يوم اقرا طيوفه فوق اوراق السراب=وكلما جيت اكتبه .. سطر المسافات ارتعد
من ضياعي شفت دمعه سالت بخد الضباب = ثايرٍ بركان عشقي في غيابه ماخمد
مابقى غير الرسايل تمحي آثار العتاب=والقصايد والهدايا تقتل آثار النكد
لين جت آخر رساله من حبيبٍ غاب غاب=قال فيها : ياحياتي .. عندكم يوم الأحد
دون مااشعر صرت أغني للملا شيخ الشباب =وصرت اغني & إنتظرت ازمان في ظل الوعد &
ودي اشكر درب جابه واشكر احساس التراب =آه ياقلبٍ سبقني انحنى لربي وسجد
جا حبيبي وفي عيونة بسمة وحيرة خطاب =وفي عيوني شمعة الأشواق مدمعها وقد
كان صامت..كان متغيّر وفيه الحب شاب =قلت يمكن ماقدر يستحمل الموقف ابد
قلت : تكفى بعد هذا اليوم لا تطري الغياب =لا الزمن بعدك زمان ( ولا البلد ) بعدك بلد
قال : انا مااغيب عنها مع هواها لي إياب = لي معاها ذكريات وشوق مايحصى بعدد
ياوعد انتي صبيّه .. وفاهمه ذوق الشباب = شوفي صورتها وقولي فيها رايك ياوعد !!!!!!!!!!