[هوجاس]

[c]أجهــلك [/c]


[c]
أجهلك .. ولي سنين أتخيلك

أتمثلك في كل طيف ..

وألقاك في قسمات ضيف

كل المشاعر له تقول ..

حنا هلك



أجهلك .. ولي سنين أتخيلك

ألقاك في بعض الوجيه ..

ويمرني طيفك وأجيه

يا باكر اللي أجهله ..

أرقتني الأسئلة

وأبطى العمر يستعجلك ..



أجهلك .. ولي سنين أتخيلك

بالعيوب وبالمزايا .. بالألم

لامن هجرتي يجتاحبي ضلوعي وحنايا

أتخيل شكوكك وظنك ..

أتخيل التقصير منك

حتى الجفى أتخيله ..

وكيف أنا باتحمله .. وأتحملك



أجهلك .. ولي سنين أتخيلك

وجهك اللي قد حبسته داخلي

في غمضة عيوني

واللي ياما قد رسمته ..

من عبث طيشي وجنوني

وجهك اللي دوم يظهر ..

لما ألقى ..

نشوة الفكرة الجديدة داهمتني

لما ألقى ..

انكساراتي قصيدة واكتبتني

وجهك اللي دوم يظهر في أعاصيري وسكوني

في الجبال الشاهقة في أجمل خيالي

في السفوح الخافقة بين نبضي وانفعالي

وجهك اللي قد نحته في عظامي والجوارح

وجهك اللي قد حفظته وبتفاصيل الملاح



بالنهار في بسمته ..

بالضيا اللي في وروده

بالعبوس في غضبته ..

بالتضاريس وحدوده

من جنوحه في البها ..

لين أقصى نقطة في كاسر جماله

للعذوبة .. من شروق النور في ضيّه

للشعر في غروبه

من شطوط الكحل في عيونك لنحرك

من بياض الثلج في خدك

لجمر ٍ قاد في ثغرك

وجهك اللي ما أبد يوم لمحته ..

أو عرفته

لي سنين أتخيله .. وأتخيلك

ياللي كلي بك معرفة .. وأجهلك



ما أصعبك .. كيف ألاقيك

ما أسهلك .. لو ألاقيك

ياللي دوم أتخيلك

مملكة حسن الزمن

وأنا الملك


[/c]