[المغترب]

.
.
هذه أبيات على الماشي حبيت أشارك بها :
.
وش قصتك من وين ما رحت وياي .... زاحمت حتى الدم داخل عروقي
.
ياليتني وياك في راس مرقاب .... الصيد يطبخ والإجازه طويله
.
ما حدد الله بالجسد موقع الروح .... يمكن معك ياسيد الناس روحي
.
أخفي عذابي عنك وأظهر لك الزين .... ودموع عيني بالخفا تبكي غيابك
.
الثقل عمره ما فتح للغلا باب .... والصد يطعن مثل طعن الخناجر
.
لك بالغلا قلب عشق طيب ذكراك .... ولك بالمعزه خافق دوم يطريك
.
الناس تبكي من غلا الحي لا مات .... وأنا تحدر دمعتي من غلا حي موجود
.
شوقي لساعات اللقا والمواصيل .... شوق الغريق اللي تحرى سفينه
.
حاربت أنا الدنيا وخذت البطولات ....وحاربت حبك وذقت طعم الهزيمه
.
إن غاب غيرك يفقد الكون إنسان .... وإن غبت عني أفقد الكون كله
.
القلب لك يا صاحبي شيك مفتوح .... سجل من أرقام الغلا ما طرالك
.
إن كان صدر اللي أحبه وسعني .... ما همني ضيق الزمن واتساعه
.
لاتكثر الهقوات في بعض الاصحاب .... حتى ليا صدوا تهون المصيبه
.
لك الله لما حبيتك عشقت الكون بحضورك .... تصدق حتى بغيابك حقوق العشق محفوظه
.