يا ونتي مما بقلبـي مـن اوجـاع
مفجوع من فرقا هوى البال مفجوع
الصاحب للي شاري الود مـا بـاع
امشي على طوعه ويمشي لي بطوع
لا شـك تحكمنـا تقاليـد واطبـاع
ويا حسرت اللي عن مناويه ممنوع
عقب الهنا ضايع ويائـس وملتـاع
ما قوى ومن يقوى على سلم متبوع
الوقت لو يضحك لـك ايـام خـداع
واللي يحاول يخدع الوقت مخـدوع
كان الامل عندي وضاع الامل ضاع
يا وقت وقف ليت ما فات مرجـوع
نهيت قلبي لكن القلـب مـا طـاع
حكمه يمشيني علـى درب مقطـوع