هذي المره مرت علينا
وكانت أختي لوحدها في البيت ، وضربت الباب وقالت جيرانكم ، ولما نزلت اختي تستفزع بأخوي اللي كان بالملحق لقتها دخلت داخل البيت ، وع طول قالت أنتم ليه ما تعرفون بعض يالجيران ، ردت أختي بكل براءه أيه ما نحب أحد يجينا ولا يزورنا فيه ناس يدخلون يحطون سحر ، وناس يجون يشحذون لذلك نخاف ولا ندخل أحد ولا نتعارف
قالت أنا رحت لفلان وللفلان ودلوني عليكم وهي تكذب هالناس ما حصل دخلوا بيتنا او زورونا ،
هذا شيء المهم ، بعد ما رجع الدم لجسم أختي قالت لها أجلسي بأقص القصه ، وأختي تطالع يديها تنتظر تطلع شيء خنجر أو سحر أو أو ...
المهم كل ما قالت شيء قالت أحنا مثلكم .. أبونا تعبان وفيه جلطه ووووكل الأمراض ، وعليه ديون
ما صدقت أختي وراحت للجيران تسألهم معقول هالناس أبوهم فيه جلطه ، والأمراض اللي ذكرتها وووو .
المهم أختي قالت وين أنتم ساكنين ، وتريد أختي تفصل فالاسئله لكن خايفه تطلع شيء ، ردت فالسوق تحت وقالت أنا وأمي فقط عند أبوي ، والمشكله ريحتها كانت رائحة سجائر قويه ، ما تدري أختي من وين جت هالريحه إذا الأبو فيه جلطه والأم والبنت لوحدهم ..
هذا شيء ، وهالبنت نفسها كانت جايه قبل عشر سنين تقريبا لبيتنا وقالت أيضا بيتنا في السوق ووووو الخ .
المهم تقول سددنا 360 بقي أربعين أو الظاهر سددنا 240 وبقي ستين
واليوم اللي هو يوم 13/ 7/ كانت جايه تقول الضابط بيجي يستلم المبلغ اللي باقي واللي وافقت الشرطه أن أبوي يقسطه وهو 1400 نهاية كل شهر أو بعد كل شهر ، وفي الحقيقة ما كملنا شهر ، وسمعنا أنها رايحه لناس وقالت أن الضابط راح يجي اليوم بعد المغرب يحصل المبلغ ، وامس التاريخ 29/ 7/ هل قالت لك يادلع نفس الكلام ،
.ز وغير كذا سألتها أم جيرانا عن عنوانهم وقالت ما عندنا عنوان ولا أرقام ولا ولا ..وساكنين في السوق
وع العموم
هي مليون بالميه تكذب
لأنها سألت أختي أيضا أنتي تدرسين وفي أي مرحله
وسألت بنت جيرانا
وش دخل هذا في السالفه
وقالت لأختي أنتي حلوه ليه ما تزوجتي
وسألت البنت أختي عن جيرانا ، قالت لا تروحين لهم الناس ما يريدون أحد يدخل بيوتهم
وراحت أختي تتصل على بعض الجيران تحذرهم وتريد تقول لهم قولوا ما عندنا شيء غدا نجيب لبيتكم المبلغ دلينا عليه
وكل ما راحت لناس قالت دلونا عليكم الفلان وهم أجواد وأنتم أجواد
المهم : عيونها طايره في كل زاويه من زوايا البيت ، والتمثيل باين عليها ، ومن ثم قبل كم سنة نفس البنت جايه وشمت في أختي ريحة عطر قالت الله ياحلو ريحة هالعطر ، وقصة قصة مفبركه
المهم أنها إما مجبره من أبوها تسرق يمكنه راعي مخدرات أو بلاوي ، لأن هم من أهل الطايف وتقول أمي بخاريه وأبوي حارثي ، كل هذي تفاصيل وش دخلنا فيها
وإما أنهم يجمعون دراهم بطريقه جديدة
وإما أنها جرارة وناويه جريمة ، لأنها جريئة وتدخل بدون ما تسأل هذا بيت عزاب أو عوائل ، وتلزم الناس تسمع قصتها
ومن ثم سألت أختي وين أبوك ليه مارحتوا للطايف ، قالت أبوي في البيت نوكله ونشربه أنا وأمي وقالوا حالته ما تسمح نسافر به ، من متى هالفوضى ، اللي أعرفه لو أنه لو كذا المفروض ما يطلع من المستشفى ، ولو طلع معناه حالته صح ما تسمح لكن من الممكن نقله ..
ومن ثم وين الأخوال والعمان والجد والجده ..
هذي طريقة احتيال جديدة
ليت من يتأكد من وضعهم فقط لنأمن أنها ليست جرارة تنقي بنات ، او تخطط لجريمة ، هالاشكال ما ينوثق بها ليه كل بيت تسأل انتي تدرسين وفي أي صف ..
وليه تمشي بدون صكوك إثبات دين
وليه الضابط هو اللي يحصل الديون أو حتى يجي قبل ما يكمل شهر لو صدق
وليه تتنقل من الحوطه للروضه ومن حي لحي ، من اللي ينقلها بسيارته تشحذ إذا أبوها مجلوط
أكيد هنا فيه جمع أموال بطريقه غير مشروعه
ياليت أي أحد بالشرطه أو الهيئة يمسكها يحقق معها ، عيب يا ناس أحنا أهل ديره ، وإذا هالصعلوكه تسرح وتمرح وتستغبينا وأحنا فوق الثلاثين ألف نسمه .. ونعطيها بلا حساب .ز فإننا نخدمها لتفسد في الأرض لأن ريحة الدخان ما تجي من فراغ ..
ونسيت كانت تقول أبوي كداد يسوق تريلات وصدم .. المهم ناس راحت لهم قالت يسوق باص وناس قالت تريله ، وأظن فيه فرق