بعض البشر لاقال كلمة سمعناه
وبعض البشر مانسمعه لو ينادي
وبعض البشر لوغاب لحضة فقدناه
وبعض البشر لوغاب سنين عادي
وبعض البشر لاراح عنا لحقناه لوبيننا وبينه ثمانين وادي
وبعض البشر لو ماقعدت انت وياه ان قلت: وينك؟ قال: بين الايادي
وبعض البشر في ساعة الفود نلقاه
وبعض البشر لا فادنا ولا استفادي
وبعض البشر مركى هل الطيب مركاه
وبعض البشر مركاه بين النوادي
وبعض البشر دايم على الخير مسعاه
وبعض البشر مسعاه خبص العبادي
وبعض البشر ما يندرى وين ممشاه مثل الفحل لاصار وقت الهدادي
وبعض البشر والله لو يسرح بشاة لاينعرف ولا يندرى وين غادي
وبعض البشر لو مات عايش بذكراه
وبعض البشر ذكراه وقت الحدادي
وبعض البشر عقب العزا بيوم ننساه
وبعض البشر نلبس عليه السوادي
وبعض البشر روس العلالي توطاه
وبعض البشر من قاع وادي لوادي
وبعض البشر ماتنطق العيبة اشفاه
وبعض البشر العيب امر اعتيادي
وبعض البشر نص الدلو صعب يملاه
وبعض البشر محيط هندي وهادي
وبعض البشر مايغير الوقت مبداه
وبعض البشر ما يعرف معنى المباديء
وبعض البشر والله والله والله لو ينشرى بمليون تشريه عادي
هذي افعال الزمان وسوا ياه الدون دوني والريادي ريادي
الكفو يلقاله خوي كفو يكفاه والا الردي يزبن على كل حادي
المرجلة والطيب والدين والجاه اجناد للي ما لقاله جنادي