قالوا لي الحب حلو ولا مر ؟
قلت والله ما رسيت فى الحب يوم على بر .
وما عرفت يوم الحب خير ولا شر .
بس لما بتحب بتحس بالبرد فى عز الحر .
وتلاقى اليوم فى ثوانى مر .
ساعات بحس ان الحب ذنب لا يغتفر .
وساعات بحس ان الكون كله بيحب حتى اسال القمر .
هيقولك اسرار عن حب الزرعه لنقطه المطر
وتسمع احلى شعر من نقطة الندى اللى بتداعب اوراق الشجر
وهتعرف ظلم البشر
الحب حلو واحنا مراره
احنا اللى بنضيع عمرنا في انتظاره
ولما بيجينا بنهرب من اختياره
الحب حلو ومش اي حد يجنى ثمارة
بنهرب للاسهل ونقول مش قرارنا هذا قراره
عمرنا بيضيع واحنا بندور عليه ولما بنلاقيه بنهرب منه ليه ؟
قسمه ونصيب ولا دا قدر ولا الهروب هذا طبع البشر ؟
عايشين تايهين ماشين في الف سكه ومش عارفيين رايحيين على فين ؟
الدنيا ظلمة ولا نور ؟
بنهرب من نفسنا وبنقتل احلامنا وحبنا
وفي الاخر نقول الحب مر.....
الحقيقه احنا اللى مررنا كاسه... واحنا اللى ظلمنا ناسة .... الحب حلو واحنا اللى شوهنا احساسه