[poem=font=",5,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
يبه وانا من بعدك ابـو التناهيـت=مامـر طعـمٍ للحـزن مانهمـتـه
يبه ( يبه ) كلمه وانا كل مااوحيت=كلمة ( يبه ) صديت والوقت لمته
يبه ( يبه ) كلمه وانا كم تمنيـت=اهدم بها وابني بها اللـي هدمتـه
يبه وانا لاضقت رحت وتهجيـت=ركون بيـتٍ ضـم حلـمٍ حلمتـه
يومـك تعلمنـي الامـن تحاكيـت=درس الحياه اللي كبرت وفهمتـه
هنـاك كانـت دلتـك لاتقهويـت=وهناك كان يساق طيـبٍ حشمتـه
وهناك ايه اذكرني هنـاك خليـت=طفلٍ مـلا بالدمـع دربٍ رسمتـه
هناك جاني علمـك انـك توفيـت=وهناك خاويت الشقـا واحتزمتـه
[/poem]