عسى ماشر يالغالي عسى خير انشغال البال
عساك تكون لي دايم وبالك منشغل فيني
تغيب اليوم والثاني ولا تسال عن الاحوال
ولاحتى تحس انك مقصر وانت ناسيني
تغير وانقلب طبعك وحالك لاحشا مو حال
محال تكون لي وافي وغدرك بان في عيني
انا عيبي معك عاشق مااسمع فيك مهما انقال
وانت اللي عرفت شلون ملكت قلبي وسنيني
ترى حبل الكذب والله قصير ومهما طال وطال
فضحك اللي تصورته جمع مابينك وبيني
تفضل روح وانساني اذا قلبك لغيري مال
عساك تحس باحساس ناره حيل تكويني
انا والليل واشواقي كتبنا لك هالموال
جعل قلبي فدا للحب وعسى ربي لك يعيني