[سعود الخليل]

[poem=font=",5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
هذي خشوم طويق يا جاهل طويـق=هذي الخشوم اللـي يـذري ذراهـا
هذي الخشوم اللي تفرج عن الضيق=لازادت همـوم المعـنـى رقـاهـا
ولاضقت من وقتي على رجمه أويق=ويطرد عن النفس الشقيـة شقاهـا
كم مرة عديتهـا وخاطـري ضيـق=وحولت منهـا سالـي مـن عناهـا
وكم مرة جريـت فيهـا الطواريـق=وإليا رفعت الصوت جـاوب صداهـا
وكم حي عداها علـى فكـة الريـق=وكم واحد تحت الثرى قـد وطاهـا
وياما تعلووا فـي حجاهـا التفايـق=للصيد يـوم الصيـد ياطـا ثراهـا
احبهـا حـب يـخـج المعالـيـق=لـو كانهـا صـم يـروع حصاهـا
حـب قديـم معتـق الـود تعتيـق=واكبر ويكبر وسـط قلبـي هواهـا
ومن لا مني في حبهـا دون تبريـق=معـذور حيثـه مـا تعـلا حجاهـا
ولا بطيت عن هاك الرجوم الشواهيق=كنـي مظيـع حاجـة مـا لقـاهـا
وجعل الخيال اللي بروقه شواعيـق=لاجا علـى ذيـك النوايـف سقاهـا
يسقي مداهيـل الرجـال المطاليـق=اللـي فعايلـهـم بعـيـد رداهــا
هذا جوابي يوم تنشد عـن طويـق=وينبيك عن عالـي حجاهـا ذراهـا

[/poem]
للشاعر عبدالله الدغيثر