وش سدير بلياهـــــــــــــــا؟ يا يمه وينك؟
وين رحتي؟ رحلتي بعيد وما جيتي
يايمه
تعالي حاكيني تعالي شوي وضميني
تعالي وكفي دموع(ن) ضناها الشوق
في احبابك تعالي سولفي في دارك
تعالي نوري هالبيت غدى مظلم من فراقك
تعالي شوفي سديرغدت موحشة بدونك
ألا يا حزنك يا سدير فقدت (نور) ذاك البيت
وش سدير بلياها؟ عجزت استوعب غيابك
عجززت استوعب الدنيا بليا ( أميمتي نوره )
إلا يا ليتني شفتك ولكن سيارة الاسعاف
حكت لي قصة أشجانك أطالعها وودعها
ولا غاب ذاك الصوت إلا يا زين جمعتــنا
في بيتك وأنت ( شمعتنا ) ولكن ما يدوم الزين
طفت شمعة بهذا البيت أو طفا نور يجمعنا
طفت بعيون احبابك وصار الظلام يلف
وحزن الكون بخلانك
من احنا صغاارتجمعنا تلاعبنا وتمازحنا تضحكنا
وفي أوقات تهاوشنا هواش ( نعشقه منها) وبقلب كله حنيه
دقائق ثم تراضينا إلا يا زين ذاك العيد يوم أنا حولك ورود(ن)
وانت الخير والبستان
سوالف وبحة ذاك الصوت ترن دائم بكل آذااان
رحلتي وغابت الفرحة ترى بيتك ودولابك سريرك وكل أغراضك
تراها تبكي ثم تنوح تناديك بصوت البوح
يا يــــــــمه
ذكرتي ... ( سجادتـك ) تراها تبكي أحزانك تراها يايمه اشتاقت
لجبين العز .. يلمسها
إلا يا ذاك ((العصر )) اببك ترجع أبي أدخل لغرفتها زي ما كنت
الاقيها تمشط شعرها تحط الكحل والديرم ثم تناديني
يا عبدالرحمن شوف وش الأزين ؟
أجاوبها إلا يا يمه هذا أزين ألا يا زين
ترى ( أميمه ) تحب الزين ياجعلك سيدة للحور
ويلبسك الكريم
لباس سندس وأستبرق ..
ويسكنك قصروقصور
وشراب حلو من الكوثر ..
يا سدير
أعزي نفسي وأعزيك ..
ترهاكانت
تحبك
تحب ترضيك .
وليا غادرت أرضك
تحن بسرعة ثم تجيك ..
ولما نقول لها (يمه )
تعالي عندنا .. نامي
تقول .. (( بيتي ))
نمازحها
وش تبغين من بيتك ؟!!
وش تبغين باسدير ؟!!
ترد وتقول
يا سدير
ألاياجعل قبــــــــــري فيه ..
يا سدير
غابت عنك أحلى شمس
ومعاد أظنها تشرق ..
يا سدير
غابت عنك أكرم (( أم ))
ومعاد أظنها ترجع ..
ألا يا ســــــــدير اسمح لي
حان الوقت بترخص ..
وبلملم عفشي وبمشي
بأحلى ذكريات الأمس
يا ســـــــــــــدير
ترى دائم نظل نهواك
مدام أمي في أحضانك ولا والله ما ننساك
مدامك ضمها ترابك .