اليكم طريقة الحوشيه في المشوي والحمص ( بالصور )

[الحوشية]

[align=center]مرحبا بالجميع
اليكم طريقه عمل المشوي والحمص ( ماركة الحوشيه )
عموما اليكم المقادير
المشوي / دجاج - بهارات - ملح - صوبا
الحمـــص / حمص - مايونيز - زبادي - سائل الطحينه - قشطة - ليمون

وهذه صورة للمقادير





المشوي يقطع الدجاج ارباع وبعد ذلك تاتي بقدر ياخذ دجاجتين وتحط نصف بياله صويا وتحط ملعقة بهارات وملعقة صغيره ملح واخلطهن زين وعلى هذا الحال

الحمص حط علبه كبيرة وواحده صغيره واضف عليهن علبه زبادي وعلبه قشطه وملعقتين مايونيز وملعقة ونصف سائل الطحينه وبعدين اخلطهن زين واذا جيت تقلط حط حبتين ليمون

وهذه صورة للطبقين





وانت تبهر ولم الجمر والمنقد خاص تصميم ( الحوشيه ) عمق 10سم طول 125سم وعرض 35 سم وحط رجلين بطول 12 سم

والسبب في هذا التصميم
العمق( 10 سم )حتى لاتخسر جمر واجد اذا زاد العمق

الطول ( 125سم ) لان جميع الشبوك مال الشوي بهذا المقاس

العرض ( 35 سم ) لان جميع الشبوك بهذا المقاس

وهذه صورة للمنقد






وبعدين جب الدجاج وحطه على الجمر واذا كان الدجاج واجد حط الرجلين في شبك والصدور في شبك لان الصدور تاخذ وقت اكثر في الشوي






وانت حاط الدجاج اهم شيء انك تقلب الدجاج كل دقيقة او اقل عشان ما يحترق ويصبح اسود ويطلع اشقر
عموما سياخذ منك الشوي ربع ساعة ومع القلبه الخامسه ابدا ( بتنخيج ) الدجاج بسكين

وهذه صورة للدجاج شف وشلون طالع اشقر







بعدين قلط العشاء وحط مايونيز وكتشب وبصل ابيض حسب الرغبه






وهذا حال الدجاج بعد ان تم القضاء عليه







تحياتي لكم[/align]

[عبدالعزيز]

ماشاء الله تبارك الله

بالعافية يابعدي

موضوع خطير والصور حلووه مره

تسلم يابعدي على نشاطك المتواصل

[مشــاعر]

[align=center]
.
.

والله شغل نظيف ومرتب..

تسلم يمينك على هالشوي التمام ,,

بس ماشاء الله شكل الشغل كان خطير والا ماكان تنتف العظم

بالعافيه على قلوبكم,,

.
.
.

[/align]

[شوشة منفوشة]

ماشاء الله ..

شغل عدل مدل ..

بالعافية ..

[in my dream]

اموت بالشوي مشكور حبيب قلبي وكثير اسوي نفس طريقتك

[الحوشية]

سرني مروركم وتعليقكم وهذا بعض مماعندكم

تحياتي لكم

[أم فيصل]

ماشاء الله تبارك الله ..

شغل مرتب ..

ولون الدجاج متساوي في التحمير ماشاء الله ..

يعطيكم العافيه ..

[الحوشية]

شكرا مشرفتنا على مرورك وتعليقك

[سعود الخليل]

نبي نسميك الشيف الحوشية


ماشاء الله عليك صاير شامي على هالشوي والشغل الحلو ..

تسلم يمناك .. وألف شكر على هالحركات الحلوه ...

[الحوشية]

شكرا مشرفتنا على مرورك وتعليقك

[سديراوية]

ما شاء الله

وش هالسنع كله

شوي يجنن

تسلم الأيادي

[خٍُآَفٍيً آٍلهُمٌٍَسٌٍُ]

ماشاء الله تبارك الله

بالعافية يابعدي

[بسمة فرح]

[الحوشية]

سرني مروركم وتعليقكم
تحياتي لكم

[иσᴚч ♥~]

أيه أنا حدي بنات المذن



بارك الله فيكم اخوي