&&لازانيــــــــــــا&&(من يدياتي)

مشــاعر · 11-08-2006, 12:01 PM

السلام عليكم

(طباخة المنتدى)

والله أمس في بيتنا أشتهيت أسوي الغداء,, وحبيت أساعد الوالده ,, واخليها ترتاح شوي,,

دخلت المطبخ الساعه2 ,, وخلصت من المطبخ الساعه4وثلث ,, يعني وقت طويل ,, وهذا يبين ان الي طبخته صعب ,,
انتوا بتشوفون شكله بتقولون سهل ,, بس والله انه قلق,,

طبختي كانت ((اللازانيا))بس اما ايييييييه !! يعني طعمها لذييييذ جدا,, وراح اقولكم الاخطاء الي ارتكبتها عشان تنتبهون وماتسوونها,,

بسم الله أبدأ :

المقادير:

16حبة لازانيا تسلق في ماء بصينيه مستطيله على النار مع قليل من الزيت والملح والليمون ,, وتحرك بين الحين وآخر حتى لاتلتصق ببعضها ثم تصفى كما في الصوره ,,
--------------------------------

الحشوه:

3 صدور دجاج فيليه مقطعه مكعبات صغيره .
3جزر مبشور.
2فلفل بارد مقطع مثل الأعواد.
2فص ثوم.
1بصل يقطع صغار.
مكعب ماجي.
نصف كأس ماء.
2ملعقة زيت او زبده .ملح.
2حبة طماطم مقطعه صغار.
ملعقة صلصه .
بهارات.

***

كأس ونصف جبنه مازوريلا مبشوره .

-----------------------------

باشاميل متوسط الكثافه :

2كأس ماء .
4ملاعق حليب.
4ملاعق دقيق.
حبة ماجي.
ملح.
فلفل أسود.

الصينيه:

صينيه بايركس حجم كبير,,

********************************************

الطريقه :

*نقوم بتحضير الحشوه:نحمس البصل والثوم في الزيت

,,ثم يضاف البهارات والدجاج ويقلب قليلا ثم يضاف الطماط والجزر والفلفل الرومي وبقية المقادير وتحرك على نار هادئه حتى تنضج كما في الصوره

#####################

*تخلط مقادير الباشميل بعد ان تنضج الحشوه في الخلاط,,

ثم توضع على النار حتى تثخن..

###################

* نضع في اسفل الصينيه طبقة لازانيا ثم طبقه من الحشوه ثم طبقه من الباشاميل ثم ترش بقليل من الجبن المبشور
(في الصوره مابعد حطيت الباشاميل )
ثم مره اخرى طبقة لازانيا ثم حشوه .....وهكذا ,,

وتكون آخر طبقه لازانيا ثم باشاميل حتى تتغطى الصينيه ثم جبن مبشور وتدخل الفرن مدة ثلث ساعه ,,

###################

]الشكل الأخير:

وبعد ماطلعناها,, تكون بهالشكل,,

وهذا صحني,,

وبالعـــــــــــــــافيه على قلوبكم,,

%%%%%%%%%%%%%%%%%

الاخطاء الي ارتكبتها:

1_سلقت الازانيا وخليتها وماتحركت ’’ وتلازقت اغلبها ,, لازم تحركين حبه حبه ,, والا فضل انك تسوينها مجموعات عشان ماتتلازق,,

2_قطعتها وهي حاااره مره وهي لازم تبرد بس مو كثير عشان الباشميل يتجمد شوي ,,

وبس..

عاد انتوا سووها واي شي يصعب عليكم انا حاضره ,, أسالوني,,

تحيتي لكم

أنــ(تويمي)ــا · 11-08-2006, 03:11 PM

السلام عليكم

يمال العافيه يا

مشــاعر

ما شاء الله عليك

طباخة بارعة

يا سلااااااااااااااااام بالعافيه عليك

وان شاء الله بنتظر تطبيقنا في البيت عشان اتذوقها اااا ااااا

والسلام عليكم

*ملاحظة تم حفظ الصفحه

بنت المجمعه · 11-08-2006, 03:17 PM

واااو

ما شاء الله عليك مبين انها روعه

والله اشتهيت لازانيا >> تحب المكروناات بشكل (( وما تغدت ))

سويتها مره بس ما ارتكبت مثل غلطاتك

لأن غلطتي كانت اشد منك

ما حطيت الملح p:

لأني تعيجزت اعزل شي بملح وشي بدون للوالد فقلت خليها كلها بدون ملح اريح

وأهم ما علي الوالد - الله يحفظه - يذوقها

و الملاحه قريبه : )

مشاعـر تسلم يدينك على هالطبخه

بحفظ الله

سديراوية · 11-08-2006, 10:07 PM

ايه والله يا مال العــافيه

ماا شاء الله عليك يا مشاعر

طبااااخه درجه ولى

تسلم ايدينك حبيبتي

أبوفاتن · 12-08-2006, 12:02 AM

الاخت مشاعر
الله يعطيك العافيه

زهرة · 12-08-2006, 12:05 AM

يمال العفيه يامشاعر على هالسنع

بسمة فرح · 12-08-2006, 12:35 AM

[FRAME="15 70"]السنـــــــــــــــــــــــــــــــــــــــــ عه
مشـــــــــــــــــــــــــــــــــــــــــاع ر
الــــــــــــــــــــــــــله يعطيك الصحه[/FRAME]

عَندليب · 12-08-2006, 04:01 AM

يسلمووووووووو عزيزتي على الطبق الروووووعه

ان شاء الله بجربها

مشــاعر · 12-08-2006, 02:46 PM

السلام عليكم..

اشكركم على المرور,,

واحفظها عندك ياتويمي عادي خذ راحتك,.,,

يعطيكم العافيه ,,

تحيتي لكم

مرهف · 12-08-2006, 04:56 PM

السلام عليكم

تسلم ايدك أختي مشاعر ..

هذا السنع والا بلاش اللي تعودناه من السديراويات ..

طباخة ولا أشهى من اختيارك للاكلات ..

ميـــشــــو

miss sudeer · 12-08-2006, 05:53 PM

لازانيا!!! يممممممممم !!

تعودت عليها صرت اصلحها في ساعه وحده بس!

بس استخدم الحشوه لحمه مفرومه مع ثوم وبصل وصلصه فقط ..

شكرا لك مشاعر ومبروك عليك الاشراف.