**
السلآم عليكم ورحمة الله وبركاته ,
صبآح \ مساء , الأمل والفرح والأمطار بإذن الله
,
جآيه اليوم ومعي طبق صغير وحلو ومفيد ومقرمش ودائماً نشوفه بمحل الحلويات والأهم انه يدفي
,
نبداء بسم الله بالمقادير :
![](http://www.s-maj.net/mlfat/files/29721.png)
كوب ونص دقيق ابيض ,
ملعقة صغيرة زنجبيل + حبة سودا + كركم + شوية ملح ,
ثلآث ملاعق كبيرة حليب بودرة ,
2 فنجال سكر ,
للعجن , كوبين حليب سايل ..
الطريقة :
نخلط جميع المقادير ونعجنها بالحليب السايل , لين يصير معنا الخليط سايل ومتجانس
والأهم تصير طالعه لنا الحركة الشريطية
< تبع الكيك ,
نشبك الألة على الكهرب ونبدا نزين طبقنا ,
![](http://www.s-maj.net/mlfat/files/29722.png)
طبعاً الألة هي الة الشباتي ,
اللي ماتعرف شكلها تكتبها بقوقل وتطلع لها < تعيجزت اصورها
,
نسكر عليها لين نحس انها استوت بعدها نطلعها وهي حاره ونلفها بمنديل على شكل اسطواني
لأن لو طلعناها من الألة وتاخرنا بلفها بتاخذ شكلها ,
على العموم تبينها اسطوانية او دائرية الأمر رآجع لك , انا سويتها اسطوانيه
عقب مامليت سويتها دائريه اسرع
,
وبعدها ناكلها مع كاس شاهي يعدل الرآس ,
![](http://www.s-maj.net/mlfat/files/29723.png)
![](http://www.s-maj.net/mlfat/files/29724.png)
وبالعافيه على قلوبكم ,
ولآتنسون الرد + التقييم + أعجبني ,
كل الشكر لمروركم
..
,