من اللى قد شاالوا ضرس العــقل ؟ ؟ تعالوا وااسوني

[سديراوية]

تهي تهي تهي

فيني الصيحه من هالضرس اللى رفع ضغطي

انا مسويه اشعه قبل سنه تقريبا وكانت اسنان العقل اللى تحت

مهيب حووول طلعت ولا كانت توجع ولا شي ,,

بس الدكتوره قالت ان اسنان العقل اللى تحت ماااااايله مره ,, ومافيه امل تعتدل

ولااااازم لها خللللللللللللللع

انا يوم قالت خلع قمت ارجف مكاني من الرووعه


قالت بس مهوب وقته نخلعها الحين خل ننتظر الين ماتقرب تطلع

ونشوف وش يصير وقتها


المهم انا لي الحين تقريبا شهر كل مااال الوجع يزيد

واحس ان السن مايل على جهه الخد >>> مو قااله انه طاالع غلط مره مره

وصداااااااااااااااااع مهوب طبيعي


والمشكله انه الى الأن ماطلع ,, يعني الى الحين هو تحت اللثه

وانا اخاااف من العمليات ومن الشق والخياط >> امحق تعبير

فـ اللى شالوا ضرس العقل يجون ويقولون وش صار لهم

وهل سوو عمليه والا بس بنج وخلع عاااد

وهل هو يوجع ؟

وانا سمعت ان اللى يشيل ضرس العقل تجيه صخونه ,,

صدز هالكلام والا لا ؟ ؟

[فروحة]

اقوووووووووووول وراك خوافة خخخخخخخخخخخخخخ

(بس اخس عقلتي )


اكيد يوجع اي ضرس تقلعينة بيوجع

اقول يوجعك يومين ولا كل يوم

للمعلوميه توني ماعقلت ............. يعني توني ما جرب

[سديراوية]

اييه خواافه

وش اسوي عااد ,, جا هالضرس بيعقلنا والظاهر انه بياخذ العقل معه

[زهرة]

والله مابعد طلعلي ضرس العقل

اصبري لين يطلع واعلمك

ميخالف تحملي وانا اختس

[سديراوية]

هلا زهره ,,

اجل توك انتي ,, ريضه

الله لايوريك اللى جايني الحين


هلا شريك ,,

خخخخخخخخخخخخخخخخخخ

حلوه لازم يطلع ,, ايه اكيد لازم يطلع

وبااا يعورك والا ماايعورك

انت وحظك



هلا بك ابو وليد


يااربيه وينكم

مقووول كلكم ماطلع لكم ,, ؟؟

[annjdee]

رحت للمجمعة لمستوصف الدرر ابخلع ضرس العقل وقالو لي هذا خلعه مشكلة لازم بوجود الجراح والجراح مسافر
ثم رحت لللباكستاني في مركز صحي عشيرة والله ما حسيت به إلا وهو يورينيه يقول شوف ضرسك سوس كثير

وانا قبل ما انام الليل منه ومثلك يا اختي طاقني الزمل لانهم يقولون ان خلعه من العمر
توكلي على الله وروحي له ويسهل الله وما تشوفين شر ان شاء الله

[زهرة]

شريك المشاكس

ماتلاحظ إنك طاقها حنك في مملكة الحرمه

ممنوع مشاركة الرجال هنا

[volcano]

تراني جايه طايره أول ماشفت طاري ضرس العقل
قمت انتفض سبحان الله مشكلتي نفس مشكلتس
وهاذاني احتريه يطلع
والله رايحه المستشفى مب عشان يقلعه بس عشان يشوف الإشعه
وأنواع النفضه والرجفه الله يستر بس
لا وأنا شارطه على أمي تقلعونها كلها والبنج كامل ومير يعي الدكتور
وأطلع من عنده وأنا ادعي عليه لا وجايبيني من الجامعه في عز الظهر
... ومضيعين ملفي
جعله منيب قايله
والله إني شايلة همه وقعدت اهذر من حرتي على ذا الخايس

[سديراوية]

مشكور يا النجدي على كلامك , ,

الدعوى فيها جرااااااح !!! >> خخخخ

هلا بك فولكانو

اجل انتي مثلي !!؟

عااد قبل شوي وحدة قالت لي ترى خلق ضرس العقل اللى تحت اقوى من اللى فوق

ولازم تدورين على دكتوره شاطره

والله خرعتني مره ,,

انا اذا سمعت طاري دكتور اسنان قمت ارجف

فـ شلون والسالفه فيها خلع

[لهفة الخاطر]

اقول وخيتي سديراويه لا تخافين ولا شئ
انا اصلاً اول ماطلع لي هالضرس ماشفته وسوى لي انواع العذاب
بسسب هالضرس سويت عمليه وجلست شهر مااقدر آكل شئ غير السوائل
بس شوفي شيليه الحين احسن ماتصيرين مثلي وتكون العاقبه مريعه
الله يكون في عونك صح الإبره ومواجعه بس في النهايه تكون البدايه

[ورود]

اجل طلع لك ضرس العقل !!

خليني اقولك سالفتي مع أسنان العقل

طلع سني الأولاني مايل و ضاغط على الاسنان اللي جنبه و بسبة هالضغط جاني ألم لا يحتمل و لا يطاق

لجهة خدي و اذني.. المهم .. سويت له خلع يعني تخدير => شق => خياطة غرز

على فكرة تراني كنت اول مرة بحياتي اروح لدكتور اسنان و فكرة الخلع روعتني بس والله الدكتور كان ممتاز

و مشهور بشطارته ( كل عايلتنا عنده) و ما حسيت باي شي ثلث ساعة وانا خالصة ما شاء الله عليه..

بدون أي مشكلة.. يوم واحد سوائل و بدون خد منتفخ و لا صداع و لا يحزنون

بعدها بسنة ضرب سني العقل الثاني مايل برضو

(كلهم تحت - و على كلام الدكتور إن اللي تحت أصعب في التخدير من اللي فوق )

لقيت الدكتور راجع لديرته منذ مبطي و قلت خليني أروح لدكتورة استر لي يوم شافته بالأشعة قالت لي

هذا يمكن ينكسر قلت لها وين الباب ؟

رحت لدكتور قلت له اخلع لي سني قال لا دا الخلع طريقة قديمة ( يقول ان الدكتور اللي فوق دارس معه )!!!!

و الجديد هو ( كحت ) السن ..!!

هو كحت !! هو بقــّر خدي من داخل و حاسني حوسة

بعدها جلست فترة ما اقدر اكل و الم و مرهم لخدي المبقر و اشياء

طبعا هو كحت الجزء اللي كان طالع من سني و فعلا راح الالم

بعد سنة الحين طلع الباقي من سني. ما في الم الحمدلله لكن يبي له عناية خاصة بعد الأكل .

يا ليته بس خلعه أزين لي

هذي سالفتي أتمنى إني قدمت شي يفيدك و أسفة على الاطالة

و كل سن وانتي بخير !!

[volcano]

ورود

والله خرعتيني انا ماعندي مكان لضرس العقل وشكله بيجيني مثل ماجاس
الله يستر
طيب بسألك سؤال :
الدكتور اللي تمدحينه سافر هو بيرجع من سفرته ؟
الله يعافيك اذا كان بيرجع ارسليلي على الخاص رقمه ولا موقع عيادته
تراني متبهذله وضايق صدري مره من ذا الضرس

ومشكوره اختي سديراويه على ذا الموضوع المهم

[ورود]

لا اختي بركانة

للأسف الدكتور استرزق هنا و فتح له عيادة في مصر و راح لها

و إلا لوهو هنا كان ما خليت ذاك يلعب في سني الثاني

بس انتي لا تخافين .. الدعوة ما يبي لها خوف

خليه يسوي لك أشعة و إذا هو العقل خليه يخلعه و لا يسوي لك كحت << صرت دكتور << ما لي شغل إذا

صار لك شي من هذي النصيحة .. إخلاء مسؤلية