سؤال للرجال مهم جدا

[نــــــورهـ]

اولا انا صريحه وعشان كذا ماابغى احد يزعل مني



ثانيا انا اعرف انا الرجال مو سواسيه

ســـــــــــــؤالــــي :

ليش الواحد منكم اذا تزوج وكأنه اصبح ملك
ينسى امه واخواته وادنى كذبه تنقال له يصدقها
تلقاه يخاصمهم واذا زعلت المدام يزعل معها
وينسى ان الزوجه بدالها زوجه بس الام لا وكمان الاخت
وخاصه اذا كانوا خادمينه ومريحينه سؤال اتعبني؟؟؟

ليييييه كذا يصير ؟؟؟


قلنا بدون زعل !!!


يهمني ردكم وللاخوات حريه الرد .....

[طالبة المعالي]

أول شيء أعتقد مافيه سبب يستدعي الزعل .. فنحن هنا لسنا نعمم بل نخص البعض .. وأعتقد أنه موضوع مهم نناقش فيه مشكلة لعلنا نجد لها حلاً ..
وصدقت أختي نورة بعض الرجال هداهم الله بمجرد زواجهم يتنكرون للأهل بمن فيهم أعظم اٍنسانة وهي الأم التي ربت وتعبت وشقيت وضحت من أجل اسعاد ابنها حتى جاء اليوم الذي تكتمل فيه سعادتها وتراه عريساً ..

ثم يأتي ذلك الاٍبن ويجحد وينكر معروف أمه وفضلها الكبير عليه بعد الله .. ويفضل الزوجة عليها ! ويعامل والدته معاملة جافة قاسية فلا يراعي شعورها ولا يقدر معروفها والله اٍنه شيء مؤسف جداً .. والحقيقة اللي مافيه خير لأمه وأهله مافيه خير لزوجته فلا بد أن يأتي اليوم الذي يجحد فيه تلك الزوجة وينساها كما نسي ببساطة أعظم اٍنسانة في حياته وجحدها ..
فلتتق الله كل زوجة ولتكن سبباً في ابعاد الزوج من أهله بل عليها أن تكون خير معين له على البر بوالدته وأهله اٍن أرادت سعادة الدنيا والآخرة ..

مشكورة أختي نورة عافاك الله وبارك فيك .. الكلام عن مثل هذه القضايا والمشاكل يطول لكن ندع الفرصة لغيرنا ..

[7moody]

بسم الله الرحمن الرحيم

وزي ماقلتي الرجال مو زي بعض

والله في ناس كثير كذا

وفي ناس مستهترين مرة ولكنو متزوج ابدا سهر مع اخوياه الى الصبح

واستهتار

[ابو كادي]

بعلق على كلامك ادنى كذبة

انا اتوقع انك تتكلمين بصفتك اخت

ومصيرك متزوجة إن شاء الله ومجربة

المهم مثل ما تقولين انت تقول الزوجة

ليش خليتي الزوجة هي الكذابة

ليه ما فيه اخوات يكذبن على الزوجة

الكل حاصل كذا وكذا

لكن المطلوب من الجميع التثبت وعدم الظلم حتى وان كانت الام

حق الوالدين ما احد يجادل فيه

لكن

ما يظلم زوجته على حساب امه ولا ينسى حق الوالدين العظيم

كما أن البعض يظلم امه على حساب زوجته فهناك من يعكس ضنا منه انه بر

الله لا يجعلك في هذا الموقف

[نــــــورهـ]

شكرا ياهنودهـ رايكــ واتمنى مايكون
امثالهم كثير وربك يعين
ودمتي عزيزتي

[نــــــورهـ]

مشكور اخ حزين على مرورك
واخي ابو كادي صحيح كلامك بس الاغلب يكون صح وانا لما اكون في حكم الزوجه ماراح اشتت العائله اللي تحتويني ومااحب اسمع الادعوة الام لي بالخير من جرب بيتعلم وشكراا جزيلا لمروركـ
بوركت اخي

[أم أسامة]

موضوع مهم وحساس لان جميع الاطراف (الام ،الاخت،الزوجه)مهمين وعلى العين والرأس بس لاحظت شئ من تجربه لوكل واحد انشغل بنفسه عن هذا وش سوى والثاني وين راح وعامل كل واحد الاخر مثل مايحب لنفسه كان مافيه مشاكل ولاكذب بالعكس بيصيرون احلى من العسل هذه ووجهة نظر .......
تقبلو تحياتي

[saddiq]

السلام عليكم ورحمة الله وبركاته
اشكر الأخت الي طرحت الموضوع، وهذا الموضوع سائر في جميع البلدان العربية بالخصوص، دول عرفت القرآن وعرفت حق الله,
المأساة نعيشها كلنا، اتمنى لو يدرسون مادة معاملة الأبناء للآبائهم بعد الزواج، وكيف تتعامل الزوجة مع الحماة والعكس,
للأسف مجتمعاتنا لا تفكر الا في الأفلام الي تخرب العقول وتنبه الغفلان عن السوء.
اختي *نوره* انتي نبشتي جرح عميق بقلبي والله مشكلة ماليها حل.