وباء ينتشر في منتديلت سدير

[مفتون صيد]

انا مشاركتي بسيطه جدا جدا



ما تلاحظون ان فيه ظاهرة انتشرت في منتديات سدير اللي هي الاعتراضات الشديده على تعين اي

مشرف جديد

لا واللي يقهر ان الاعضاء ما يعارضون الا بعد تعين المشرف ...... تدرون ليش لانه مافيه استفتاء من قبل المشرفين على الموقع على هذا المشرف اللي بيحطونه

والمشكله الثانيه لله يهديهم بعض المشرفين اذا قروا انه بيحط مشرف جديد استلموه عذاريب

وقاموا يقللون من امكانياته وهم ما بعد شافو منه شيء

فأرجو كل من يقرأ هذا الكلام البسيط انه يكتب تعقيب بسيط موضح فيه الاسباب ( وان كانه متعيجز يكتب يناديني
علشان اكتب عنه......... ترى مافيه شي ببلاش والقهةه والشاهي يكونون متواجدين والفصفص)

[مفتون صيد]

عفوا فيه خطاء املائي في السطر الرابع ما قبل الاخير

................ بعض الاعضاء اذا





وشكرا

[مفتون صيد]

يا ناس يا عالم واحد يشارك يحسسني باهميتي


وراه ........ ليش.........


تراكم حطمتوني .......... لا تخلوني احلف ما عاد اكتب موضوع جديد

ولا تصدقون اني بأكتب عنكم والله لو فيه كابتشينو وملك شك ( ترى هاذولي احبهم يعني المح .... احم)

[رحّــــــــــال]

من اللي جاب طاري الكبتشينو والملك شيك

اطلب لي واحد يا مفتون صيد====> الله لايفتنا الا في طاعته

بالنسبه لهالموضوع ماود العالم يتكلمون فيه لعدة اسباب ====> والله القهروين الدكاتره عن هالحتسي عدة اسباب وخشه تنقط دبس

ايه ماعلينا نرد لوضوعنا
اقول لك الاسباب

اولهن / ان الاعضاء لو عطاهم وجه المشرف العام عشان يرشحون كل واحد يبي يرشح اللي جايز له
غريب الدار يبي يرشحني وانا بارشحه وخالد يرشح شقران وهو منقطع من زمان وصاجينا به ويوم كتب والا ما عندك احد وملك الظلام يبي يرشح سكني من اللي في الظلام واتيكا يبي يرشح سدير وام عبدالله تبي ترشح رجلها الا رجلها يكتب معنا والا ما يكتب
الا وش دخل اتيكا وسدير صدز ما عندك احد قضو الاعضاء

ثانيهن / فيه اعضاء مهتمين بالمنتدى ويكتبون ومهلتسين اعمارهم ويشوف المشرف العام انهم يستاهلون يصيرون مشرفين لكن يمكن ما جازو لي ولا جازو لك ولا يجوزون لخالد وام عبدالله وحبيب قلبي غريب الدار وش تبي ابن ماضي يسوي يقعد بس يلاغي هالعالم ويرسم عجرى ونتواعد كلنا عند مقص الجنوبيه والا في الجردانيه ونتلازخ واللي يسلم يصير مشرف هذا ماهوب حتسي

وبعدين وراك تقول اننا منحنب مهتمين بك تراك حبيب وجيد وتشارك قبل====> يعني دايم يالأسباني

[مفتون صيد]

كلامك على العين يارحال يابعد قليبي

وفعلا ان الدعوه بتصير حوسه لو كان المجال واسع .......... بس انا ودي اعقب على كلامك
بدل ما تصير واسعة النطاق اللي هي عملية انتخاب المشرف ... ليش ما تصير ضيقه بحيث ما تتعدى عدة مشرفين وعدة اعضاء نشيطين جدا مختارين من قبل المشرف العام .... ويقومون هذولي بدورهم اختيار المشرف الجديد او حذف مشرف او عضو يعني تكون عندهم مثل بعض هذي القرارات في هذا المنتدى ولاحظ ان المشرفين والاعضاء اللي قلتلك من شوي ايضا يخضعون لعدة مواصفات ولا يكون لهم ميول لاحد علشان نفتك من عملية
هذا ليش اخترتوه وهذا ليش ما اخترتوه وهذا افضل وهذا لا وانتم ظلمتم وووووووووووووووو......
لان لو تلاحظ ان هذي المشاكل التافهه السريعه هي اللي بتفكك الاعضاء وتبث بينهم التنافس الغير شريف


وبعضهم يمكن يقول اني مكبر الوضوع واني معطيه اكبر من حجمه ...... ولكن هذا غير صحيح في وجهة نظري لان لو ما شفت هذي الاشياء في المنتدى كان ما تطرقت لهذا الموضوع.

اشكرك يا رحال على هذه المشاركه الجميله اللي رفعت المعنويات للدور الثاني

[شاعر تميم]

قبيلتي وصدام

[شاعر تميم]

مشكور

[مفتون صيد]

اشكرك يا شاعر تميم على هذه المشاركة

يكفي انك دخلت وقريت الموضوع وهذا يدل على اننا الى الان اسره وحده

[شقيران]

انا برأيي ان الي راح ينجح المنتدى هم الاعضاء انفسهم

اما المشرفين فمسؤليتهم المراقبه بكل ما يكتب والله يعطينا واياهم العافيه