..
[line][/line]
[[ المشهد الاول ]]
فتح الكمبيوتر ...
و دخل [ للمنتدى ] ...... وكلامه ما يتعدى ان الموضوع [ روعة ورهيب ]
و هو ما قراه و لا يعرف كاتبه ...!!!
بس يبي يزيد المواضيع موضوع ....!!!
ويزيد همومنا هم ....
علشان يصير صاحب [ الألف موضوع ]
و يتميز .....
والمشكلة انه يتميز ..!!
[ عادي ] [ طاح الحطب ] [ وحلوة الحياة ]
[line][/line]
[[ المشهد الثاني ]]
وحدة مزيونة بالحيل .. و حبيبة ...
[ بس تخون ] ...!!
وش اسوي بجمالها ..!!
بياخذها الزمان و تبقى عجوز ..
[ عادي ] [ طاح الحطب ] [ وحلوة الحياة ]
[line][/line]
[[ المشهد الثالث ]]
غني و ظالم ...!!
يطرد المساكين ...... و يستغل الضعوف
مغرور و فاسق ......
و مجلسه عامر .......
كلٍ يبهر له ........
و مع ذلك يجمع حسنات ....... من كثر اللي [ يسبونه ]
[ عادي ] [ طاح الحطب ] [ وحلوة الحياة ]
[line][/line]
[[ المشهد الرابع ]]
[ يكد ] [ يدرس ] و [ يشتغل ]
لاجل يبني مستقبله .......
تزوج و جاب [ عيال ] ...... ثم تقاعد
صار يسكن في مكان ..... وأم عياله في مكان
والسبب [ العيال ] ......
[ صار دار المسنين بيتهم ]
[ عادي ] [ طاح الحطب ] [ وحلوة الحياة ]
[line][/line]
[[ المشهد الخامس ]]
[ تغازل ] و [ تاخذ ارقام ]
و تطلع مع هذا ..... و تواعد هذاك ........
و يوم طاح الفاس في الراس .......
[ بكت ]
و راحت تشكي [ لامها غدر الزمان ] .......
طبطبت عليها امها وقالت:
ولا يهمك ..... سفرة لمصر .... وشوية سيولة
و [ ترجعين بنت ]
[ عادي ] [ طاح الحطب ] [ وحلوة الحياة ]
[line][/line]
[[ المشهد السادس ]]
[ قارورة مويه ]
ما تضرهـ ....... طايحة في السيارة
يناظرها بغضب ....... زعلان منها
و يفتح الشباك ..... ورماها وسط الطريق
واذا اجتمع مع الشباب قال:
[ متى بنتحضر ]
[ عادي ] [ طاح الحطب ] [ وحلوة الحياة ]
[line][/line]
[[ المشهد السـابع ]]
اهم شي الثوب نظيف ....... والشماغ مكوي ......
و القلم ماركة ...... والساعة تضوي ......
و الجزمة جلد ....... والسيارة عجب ......
و [ تلفونه ما يسكت ]
إما [ بنات ]
أو [ البنوك تبي فلوسها ]
.[ عادي ] [ طاح الحطب ] [ وحلوة الحياة ]
[line][/line]
[[ المشهد الثامن ]]
سطحية ....... ومغرورة
غبية ...... ومتكبرة ...... ويا ريتها حلوة
تبي زوج مواصفات ......
ما يقول لا....... ويكره الاستراحات
لازم وسيم ..... وانيق ..... ومتعلم ..... ودخله ممتاز
و يحب السفر .........
و بعد سنين ...... تلاقي نفسها في الانترنت
تدور واحد يقبل بها .......
[ عادي ] [ طاح الحطب ] [ وحلوة الحياة ]
[line][/line]
[[ المشهد التاسـع ]]
[ ملتزم ]
يصلي كل الفروض ........
و اذا [ تعب ] ..... فوت صلاة الفجر
واذا [ شبع ] ..... راحت صلاة العصر
و عنده دش ....... ويكذب كثير
و اذا صحى الصبح ..... مشط اللحية
[ عادي ] [ طاح الحطب ] [ وحلوة الحياة ]
[line][/line]
[[ المشهد الأخير ]]
الكذب [ أثم ] ......... ومع ذلك نستخدمه
و ندري ان هذا [ حرام ] ........ ومع ذلك نجربه
نتذكر السهرة والفرح والسفر .......
و ننسى [ الجالسين على كتوفنا ]
و نتناسى ان معهم [ كتاب ] يسجل افعالنا و نياتنا .......
[ عادي ] [ طاح الحطب ] [ وحلوة الحياة مـع مواضيع / !!. الـريـأض .!! ]
[line][/line]مـن روائـع الشـ‘ـأعـر / عبـدالرحمن بن مسـأعـد
[line][/line]
..