ألقاب دير سدير

[رميزان]

عشيرة : وصفها حميدان الشويعر بأنها ( دار السيف والمنسف ) كناية عن شجاعة وجود أهلها ؛ حيث يقول :
أهل عشيرة سيف ومنسف . . . أوي رجال بهاك الظهرة .

العودة : وكنيتها ( أم سدير ) ؛ يقول خريف الخريف ( من شعراء القرن الثاني عشر الهجري ) :
العودة أم سدير والمدن حولها . . . معاش وهي فوق المعاش إيدام .

المجمعة : تلقب بـ ( الفيحاء ) أو ( فيحاء سدير ) وهو الأشهر ، كذلك تعرف بـ ( ديرة عثمان ) ، ومن أسمائها ( مدينة الفصول الأربعة ) .

الروضة : ( عروس سدير ) وحينما يدللها العشاق يختارون لها أحد إسمين ( ماريبيا سدير ) أو ( باريس سدير ) .

تمير : هي ( عروس مجزّل ) نسبة ً إلى ( مجزّل ) الجبل الذي تقبع فوقه ، وشهرتها ( عاصمة الربيع ) .

الخطامة : ( القرية الأنيقة ) وهو اللقب الذي أطلقه الأستاذ / عبدالرحمن بن سعد السماري عليها عندما زارها عام 1418هـ .

التويم : ( سيبيريا سدير ) أو ( مدينة الثلوج ) .

وإذا معكم زود علم هيتوبه أهنا ويا عساكم سالمين وغانمين .

[margog]

يعطيك العافيه اخوي رميزان بس باقي قرى واجد
وهي الاساس اللي صارت المدينه عليها
مثل الجنوبيه ... العطار ...... الحصون ...... الجنيفي ...... الداخله .... الخيس ... جوي ... مبياض ... بوضه .. جلاجل...المعشبه .... كل منطقه من المناطق هذي مستقله لها مركز خاص
وبعدين ابي اقولك ان حدود سدير تراها كبيرة مرة
واذا كان على التقسيم الاولي كانت الزلفي من ضمن مناطق سدير والقري اللي وراء الزلفي بعد بس بعد التقسيم الحالي انقسمت المناطق وصار كل منطقه لوحدها
حتى الحسي كان من ضمن نطاق سدير والان صار يتبع الرياض حديثا
يعني بمعني اخر ان سدير منطقه كبيررررررررررررررررررة لابعد الحدود

تحياتي لك اخوي رميزان ويعطيك العافيه

[غويمض]

رميزان يعطيك العافيه على هالموضوع
وياليت كلآ يشارك بالقاب ديرته كون اهل مكه ادرى بشعابها

التويم:
اهل عوجا الطلابه
راس الحيه
ماعطين التحيات
رميزان امعط تحياتي

[بن جعيثن]

وبس...

وبعدين سيبيريا سدير ماجت إلا من تالي...

وأطلقها الله يرحمه اسز هاك السنة يوم تجي الثلوج...

[فهد المنيع]

المزيد من الايضاح ..

العودة سميت أم سدير لقدمها فكتب التاريخ والاثار الموجوده فيها تدل على انها مدينة جاهليه والله اعلم ..


شكرا رميزان .. دائما متميز في طرح المواضيع ..

[Sub_Zero]

تشكراااااااات يارميزان على هالمعلومات الزينه

[ابو دحيم]

تحيه طيبه


غويمض الله يهديك وش عوج الطلابه >>>>>> هذي بينا لاتعلم احد .





تحياتي

[غويمض]

ابو دحيم
ليش نخليها بينا هذي مدحه فاهل التويم دون حقهم ولو كانت طلايبهم عوجا فمن وطاهم نقل خطره
امعط تحياتي

[فهد الرشـيد]

شكلكم بتصفون حساباتكم في المنتدى

خلوا شغلكم بينكم والا ضامنينها يعني عندكم واسطة

والله يعطيك العافية يارميزان
جعلك تبني سبعين ثانية وثالثة بالعفو والعافية