بيت القصيد للتعمير

[بنت الاصول]

صدر الحزيـن يطاوع الضيق و يضيق

من كل صوب .. و تصبح العين ديمـه


ينزل مطر .. و يلوح برّاق .. و تفيـق

كل الجـروح .. المبطيـات .. القديمــه

و أنا .. علـى الـدنيـا قـليـل التوافـيـق

ما غيـر أساوقهـا بـ رأي و عـزيمـه !

يا فـوح قلبـي مثـل .. فـوح الاباريـق

عليـك ياللـي لـك .. عروقـي محيمـه

أقبلت لي و الحـب .. حـظ و توافيـق

و أقفيت عنـي .. و النتايـج وخيمـه !

علّقـت نفسـك فـي .. زوايا المعاليـق

و حطّيت لك بين الحنايـا .. وسيمـه

و أصبحت عندي فوق كـل المخاليـق

تخطي و لا لك غيـر قـدر و حشيمـه

و انا و ربي .. مـا نقضـت المواثيـق

لا زلت أشوفـك راس مـال و غنيمـه

دونك سحاب الدمع و مشـارق الريـق

و عقبك ضياع و جرح قلب و هزيمـه

وان بعتنـي بالسـوق بيـع الصناديـق

عـز الله انـك بـعـتـنـي .. دون قيــمـه

لـيـتـك تشـوف ابـواب قلبـي مغاليـق

ما هيـب لا و الله ( عـادة حليمـه ) !

ما همنـي و النـاس جمـع و تفاريـق

ما دمـت منت بـ فيـه روحـي يتيمـه

يا صاحبـي تبكـي عليـك الطواريـق

جزل البيوت .. الفاردات .. العديمه

ارحل و طيبك فوق روس الشواهيق

لا تلتفـت لـي يـا قـــويّ الشكيـمـه

و أنا علـى خبـرك وريـث المطاليـق

راعي مواجيب و شجاعه و شيمـه

مثل الجبل و أقرب مثل عندك طويق

شامخ لو ان الريح تنحـت صميمه !

يالله عسـى فالـك .. معـزه وتوفيـق

ياللي جعلت أهـداف عمـري عظيمـه

عقبك لي الله ثـمّ شمـس المشاريـق

و الشرقـي و هبّـة هـواه و نسيمـه !

و الشوق و هموم الجـروح المفاتيـق

و البرد والحـزن وشـوارع رحيمـه

يالغالـي الـلـي كنّـك بـ قلبـي اتـويـق

جرحـك كريـم .. و ذكرياتك كريمـه !

أنت و أنا .. نشبه حضارات الأغريق

القوم راحوا .. و الحضاره مقيمـه !

مما راااق لي

[مذهل]

الله يعين المبتلي في بــــلاويه
والله يعين الي بلته البـــلاوي
والي زمانه يجرحه مايداويه
يرفع يدينـه للرحيـم المداوي

[بنت الاصول]

وانا من احفاد الرجـال المشاكـيل

بني تميم أهل الصفـات الكريمـه

إليا حدرنا وادي(ن) ضاربه سيـل

وإليا تسندنـا جبـال(ن) مريمـه

والمرجله لوهي ورا الجدي وسهيل

نسعالها سعـي الغريـم لغريمـه

[مذهل]

ياصاحبي عسا الرجا فيك ماخاب
وتبقى رفيقي باقي العمر كله
وتذكر هوى اللي خاطره منك ماطاب
اللي خذاه البعد عنك وشله
ياصاح انا قلبي من الهم منصاب
وانت بغيابك زايد الطين بله

[رحّال]

تقول انسى
واقول آهين لو اقدر
رغم طول النوى
انسى..



تقول اقسى
واقول اللى شرب من عينك الاحساس ما يقسى

أحبك يا بعد هالقلب
أحبك .. أحبك .. أحبك

أبا أتأسف وأنا ما اخطيت
لأنى بالفعل حبيت
أنا سمعتنى الايام
ياليتك تسمعي
يا ليت..

صعب أصبر على الحرمان
صعب أنسى ولو لحظه
لأنى عاشق وانسان

كفاية قسوة العالم .. تعالي
أنا محتاجلك دايم قبالي

تعالي من ورا حزني
تعالي من خيالي

وتقول إنسى..

أنا لفيت حتى تعبت الدنيا من أسفاري
ولا لقيت في عز الشتاء مثلك
دفى وإخلاص .. يا ناري

نهاري والسهر انتِ
و أحلام العمر انتِ
ولو بان لي صوتك
عرفت السر فى سكوتك
انا عشقك وا نا موتك
وانا داري

و تقول إنسى..!

نواف بن فيصل

[بنت الاصول]

جرح الصداقه ما تداويه الايام

لمن جرحني صاحبي وش بقالي

لصار اعز الناس بزيدك الام

من ترتجي يا قلب تشكيه حالي

عزي لقلب دايم الدوم منضام

ما شاف في هالدنيا رفيق موالي

ياحظ من مثلك هنا العمر له دام

يا حظ منهو قاسي ما يبالي

ابكي على جرحي وداويه بوهام

والقلب لزادت همومه شكالي

دمعه ورا دمعه والاحزان قدام

والحب كلمه عشتها في خيالي

[مذهل]

كيف اعبر والحكي مني يضيع
اسعفيني يا قواميس العرب
وش ابكتب فيك يالحر الرفيع
وانت وصفك من اعاجيب العجب

[بنت الاصول]

ان من اصعب المواقف ان تودع من تعشقه
وانت تراه يفارق الحياه حبيب قد ملئ
عليك الدنيا بطيبته وحبه الصادق ..
وكأنك تشعر بأنك هو ..
لايريد لك الا السعاده والتوفيق
ويتبسم لك حتى لو هو في اشد واقسى
الظروف لكيِ لاتشعر بضيق منه
وفي قمة الوفاء

وعلى الفراش الابيض
بعد مازاد عليها المرض زرتها
لاننظر ماذا حدث

........................ تهلي بي عيون الحب من اخر ليالـــــيها
*
تقول ارجوك لاتهتم انا في احسن احوالي
........................... تبسم لي وهي تمسح دموع العين بيديها

*

تقول الدنيا وش تسوى اذا ماشفتك اقبالي
........................ ابيع الكون لعيونك لجل لحظه معي فيها

*

تموت من الالم لكن تبي ماينشغل بــالي
....................... الا ياناس ياعالم وربي من يســــــاويها

*

وهلت دمعة عيوني بعد ماضاق بي حالي
...................سجدت ادعي بدون شعور الا يارب تشفيها

*


وقالت لو يشيلوني وعنك شدو ارحالي
......................... امانه يابعد روحي ابي روحك اوصيها

*



ابيك اجمل من الاول ابي كل ماتهيالي
......................... بعد موتي اشوفك مهتني روحي تهنيها


*


الاياطـــيبة الدنيا الاشـمسي وظــــلالــي
....................... نهاية روحي من قبلك عسى ربي يبديها


*

وشالوها بسرير ابيض وزاد الهم غربالي
........................... وضاقت فيني الدنيا وانا نفسي امنيها

*
وراحت تنتظر رجعه ودمع العين همالي
........................ الا لو العمر يعطى قسم بالله لاعطيها

*

وطاحت وردة من كفي وانا ماشي على فالي
...................... لقيت الشال في يدي يضمه قلب مغليها


*

جلست اراقب الساعه واانا ادعي ربي الوالي
.................... عسى ياربي يارحمن ياقادر تنجيـــــها





*

انا من لي بالهدنيا واعيش اشلون بحالي
............... . .بعدها ماابي نفسي وحتى الـناس مابيها


*
قسم بالله لو موتي يجيني قبلها اشــــوالي
............... ولاابي تبعد و تـــرحل وانا مــااقدر اوفيــها






*

وجو لي اربع اطباء وقلبي مشتعل صالي
............ امانه هاه قــولو لي امــــانه وش حصل فيها

*

وقالو
وقالو
وقالو
وقالو
وقالو
وقالو
وقالو
وقالو البقاء براسك وصاب الارض زلزالي
............ تزلزل كل مافيني بكــــــت نفسي وامانيها



*

ولاكني بهالدنيا صرخت بصوتي العالي

......... الا يامصعب الفرقي وروحي من يواسيـــها

*


عسى الرحمن يرحمها ويغفر اول وتالي
.........وعسى ياربي بالجنه بعد موتي الاقـــــــــــيها

[مذهل]

الله يا محلى بيوت القوافي
دام الشعر في وصف الاحباب مطبوع
بهديك عمري لو غدى العمر كافي
وآمر وانا لك يالغلا سمعٍ وطوع
اهواك يا عمري وهذا اعترافي
والحب ماهو للمخاليق ممنوع

[بنت الاصول]

تعبت أبني معا هذا الزمان المُفتري صُحبه
مدام أن البحر ماله خوي , وأستامنه ميناي !!

تعبت أرسم ملامح وجهي الشاحب على التربه
وألوم الريح وأتجاهل قبل هذا فعل يمناي !!

تعبت أكذب على نفسي وأقول أن السما رحبه
وأنا أشوف المدى ضيّق , وياصبري على بلواي !!

أحسّ أن الحياة بكبرها ماهي سوا لعبه
خسرت بكل جوله وأرتفع صوت الشجن والناي !!

[مذهل]

يحزّ بخاطري حلمٍ رسمته في حنايا السور
ووصيت القدر يحيي عروق الحلم بغيابي
كبرت وزارني حلمي عقيم وخاطره مكسور
يقول إن القدر عيّا يدق بفرحته بابي

[بنت الاصول]

الشاعر بديوي الوقداني

أيامنا والليالي كم نعاتبها
شبنا وشابت وعفنا بعض الأحوالي
تاعد مواعيد والجاهل مكذبها
واللي عرف حدها من همها سالي
إن أقبلت يوم ما تصفى مشاربها
تقفي وتقبل وما دامت على حالي
في كل يوم تورينا عجايبها
واليوم الأول تراه احسن من التالي
أيام في غلبها وايام نغلبها
وايام فيها سوا والدهر ميالي
جربت الأيام مثلي من يجربها
تجريب عاقل وذاق المر والحالي
نضحك مع الناس والدنيا نلاعبها
نمشي مع الفي طوع حيث ما مالي
كم من علومٍ وكم آداب نكسبها
والشعر مازون مثقالٍ بمثقالي
اعرف حروف الهجاء بالرمز واكتبها
عاقل ومجنون حاوى كل الأشكالي
لكن حظي ردي والروح متعبها
ما فادني حسن تاديبي مع أمثالي
إن جيت ابي حاجةٍ عزت مطالبها
العفو ما واحدٍ في الناس يا والي
قومٍ الى جيتهم رفت شواربها
بالضحك واقلوبها فيها الردا كالي
وقومٍ الى جيتها صكت حواجبها
وابد ت لي البغض في مقفاي واقبالي
ما كني إلا حال مغضبها
والكل في عشرته ماكر ودجالي
يا حيف تخفي أموراً كنت حاسبها
واللي على بالهم كله على بالي
الجار جافي وكم قومٍ محاربها
والأهل وأصحابنا والدون والعالي
والروح ويش عذرها في ترك واجبها
راح الحسب والنسب في جمع الأموالي
نفسي تبى العز والحاجات تغصبها
ترمي بها بين أجاويد وانذالي
المال يحي رجالاً لا حياة ابها
كالسيل يحي الهشيم الدمدم البالي
عفت المنازل وروحي يوم اجنبها
منها غنيمه وعنها البعد أولا لي
لا خير في ديرةٍ يشقى العزيز ابها
يمشي مع الناس في همٍ وإذلالي
دارٍ بها الخوف دومٍ ما يغايبها
والجوع فيها ومعها بعض الاحوالي
جوعى سراحينها شبعى ثعالبها
الكلب والهر يقدم كل ريبالي
عز الفتى راس ماله من مكاسبها
يا مرتضي الهون لا عزٍّ ولا مالي

[مذهل]

لم يبقَ في العالمِين مِنْ ذهبٍ،
وإنّما جُلُّ من ترى شَبَهُ
دَعهُم، فَكَمْ قُطِّعَتْ رقابهم جدْعاً،
ولم يشعروا ولا أبَهُوا
قَدْ مُزِجوا بالنِّفاق فامتزجوا،
والتبسوا في العيان واشْتبهوا
وما لأقوالِهم إذا كُشِفت
حقائقٌ، بل جميعها شُبهُ

[بنت الاصول]

راح البراد ولا بقا الا تواليه

والطير قفى عنه وقت الهدادي

وراع الولع قامت تكاثر طواريه

وقام يتذكر له علوم(ن) بعادي

قام يتذكر فالقنص يوم يدعيه

والا على الجره خويه ينادي

ياشين فرقا الطير إن كان تغليه

يربط ثمان شهور وتقول غادي

ويعد صقاره لتمت مواسيه

وليا جهز والريش كله جدادي

والوسم قالوا تونا في حراويه

توه من المنشا بداء له بوادي

وقالوا نشوف البرق سبحان منشيه

وشدو قطين العد يم المنآدي

والليل طال وشبت النار تحليه

وأول وحش مطروح يم الحمادي

[مذهل]

الجو بارد واستل الليل جنحه
وبديت افكر فيك حاضر وماضي
فكري بغيرك جرم ماهي بجنحه
حبك محامي وانت خصمي وقاضي