احذروا الملاهي النسائية

[شذى العبير]

صدقت

[مهره]

اول شي يسعد لي مساك اختي شذى

ثاني شي انا معك ان الملاهي النسائيه فيها خراب لكن مالك حق انك تخصصين ملاهي ********؟؟
انا احترم رايك لكن بدون ذكر اسماء..

الملاهي هذي *********** لها سمعتها واظنك شفتي المشرفات اللي عند الباب؟؟ واللبس العاري ممنوع لكن البنات الله يهديهم ماعليهم من احد؟

اما موضوع البنات المسرجلات تلقينهم بالمدارس والجامعات مهو بس *******؟؟


كل اللي ابي اقوله ان كل مكان فيه خراب



تحياتي

[مرهف الإحساس]

عذرا لتعقيبي مرة ثانية بس للايضاح فقط !!

اللي ( مقطعين الملاهي ) ودايم يروحون لها طبعا ما راح يستغربون هالشي !!

لكن بعد مهما قالوا انهم حاطين مفتشات والى آخره >>> أجل كيف طلع كلام شذى ؟؟ يا ان المفتشات اصلا ما يفتشون

على طريقة اللبس .... أو انهم عن قولة فتشنا وهم بس يقولون اهم شي جوال الكاميرا واللبس يهون ( عادي حريم مع

بعض ) !!

لكن ابيكم تطلون بس على البراجون >>>> صحيح هي مو متطورة وقوية زي *******لاند لكن اللي يتكلمون

عن المفتشات خليهم يجون ويشوفون مفتشات البراجون >>> قمة المحافظة ما شاء الله عليهم بس !!


تحياتي ،،،

[ملك جنوبية سدير]

الله يجزاك بالخير اختي شذى
ومشكورة على التنبيه
وبالنسبة لهذولي البنات يسمونهم===>الجنس الرابع

[مهره]

يسعد لي مساكم

اخوي مرهف كثير احترمك واحترم غيرتك

انا شخصياً اخاف من التصوير علشان كذا انا مقاطعه هالأماكن النسائيه والحمد لله عندنا بالمدمام مافيه الا عوايل وما اروح لها


اللي حبيت اقوله ان المفتشات فعلا يفتشون لكن البنات شي ما تتخيله يعني ممكن تكون لا بسه بلوزه عاريه وفوقها بلوزه ساتره واذا دخلت تفصخ اللي فوق..
مرهف المجتمع صار يخوف بس لا تخاف على بنات سدير ماعلينا خوف والسبب تربيه اهلنا بس مانقدر نغير احد

تحياتي

[مرهف الإحساس]

مهره

السديراويات أصيـــلات وين ما كانوا ..

تشكراااات لاهتمامك بالتوضيح ..

بس سالفة بلوزة محتشمة على عارية >>>>> هذي قوووووية !!

مشكورة ،،،

[شذى العبير]

السلام عليكم ورحمة الله وبركاته




أختي مهره فعلا انا مالي داعي يوم كتبت ملاهي ********** انا آسفه وبصراحه توني أدري انها ****** أما عن التفتيش الي قلتي عنه فيه لاكني لاحظت أنهم فتحو باب ثالث هماهم بس بابين حقات تفتيش طيب فتو باب ثالث ودخلو حاريم منقبات طبعا فتشو وجيهم شوي ورجعو تنقبو بس مالمسوهم زينا طيب نقول هذي واسطه بقولك شيء ماذكرته أن الملاهي فيها أولاد طوال وش جابهم علما أن من 10 سنين فما فوق مايدخلون وهذولي والله أعطيهم 15 و 14 سنه ليش وش معنا
طيب نقول دخلو واسطه







أختي خلاص انا آسفه اني علمتكم بس حبيت أنصحكم مو قصدي أسب أحد بعينه



شكرا مرهف الأحساس فعلا كلامك صح ميه ميه بس بزيد علا كلامك فتشو على الجوالات من قال ؟! وين الجهاز الي اخبره يمرر على الجسم ؟؟ مافيه ..؟؟؟؟ وشكرا لك مره ثانيه



ملك جنوبية سدير شكرا للرد بس انا سمعت بالجنس الثالث مو الرابع


انا شخصياً اخاف من التصوير علشان كذا انا مقاطعه هالأماكن النسائيه والحمد لله عندنا بالمدمام مافيه الا عوايل وما اروح لها مهره هذا أزين شيء ملاهي عوائل .. محد من الحاريم تقدر تطلع بلاويها وبصراحه الهيئه مليانه بالملاهي العوائل واذا قلتي لا بقول ماصدقتي يمكن ماتلقين الهيئه بقلعة الثلج حقت الحريم بس صراحه هناك ساترين ويين فرق .. عشان الي تلبس عاري بتحس بالبرد



















وجزاكم الله خير ويعطيكم العافيه ... وشكرا مرهف لأني وصللت مراحل كثيره بعد ماعطيتني الحل الكامل ..

[ابو هاجر]

الأخت الكريمة شذى العبير

أسال الله ان يجعل ما كتبتي في ميزان حسناتك ..

اما عن موضوعك وتخصيصك للملاهي فهو عين الصواب وهذا من باب التحذير والنصيحة بغض النظر عن صاحب ملكيتها

بل الواجب نصح صاحبها منا جميعاً وخصوصاً القريبين له..

..................

ليس الذهاب الى مثل هذة الأماكن واجب علينا اذا علمنا ما فيها من معاصي ومنكرات ولاشك ان الخيارات والبدائل كثيرة مما فيها ترويح عن النفس وارضا لله عزوجل..

بارك الله فيك أختي الكريمة وجزيتي خيرا

[عبدالله الفـارس]

المشاركة الأصلية كتبت بواسطة   وشفت أستغفر الله بنت ماسكه بنت مع خصرها كأنها

[GRADE="DEB887 D2691E A0522D"]أولا ً احيي فيك غيرتك اختي شذى لكن ما شفتوا الي صاير عندنا في مدارس العيال الي في الرياض تشوفين الهوايل لكن الحمد لله كلنا عيال وبنات سدير محافظين على ديننا وعاداتنا وتقاليدنا ....[/GRADE]

[بن جعيثن]

شئ صاير في كل محل فيه تجمع نسائي ...

أجل خبرتوا وحدة تلبس عباية وسيعة وتمر قدام المحلات اللي تطلع هوا قوي عشان يطير العباية ويطلع المستور ...

لا ومستانسة تروح وترجع ...

وتنادي اللي معها يسوون مثلها ...

الله يخلف بس ...

[شريك المشاكس]

معليش

بس خمطه على كلام عاشق ديرتي يوم يقول :

المشاركة الأصلية كتبت بواسطة   لكن الحمد لله كلنا عيال وبنات سدير محافظين على ديننا وعاداتنا وتقاليدنا ....

ترى كل الديار يقولون هالكلام حتى لبنان بعد !!


ياحبيبي لو قلنا هالكلام وسكتنا شفت المصايب الي جت


لازم ننفذ كل شي ولا نحط يدينا على خدنا ونقول حنا اهل عادات وتقاليد ومدري وشو أجل الي يطلع يمين ويسار وشو ؟؟ مجنسين يعني ؟ كلهم من عيالنا الله يستر علينا


الكلام ما ينفع بس

لازم العمل ..


سلاموو

[شذى العبير]

السلام عليكم ورحة الله وبركاته








أخوتي / أخواتي فعلا كلام شريك المشاكس صح 100%

الكلام ما ينفع بس

لازم العمل ..


وأشكركم لتفاعلكم الطيب


...................


لاأستطيع الى قول



لاحول ولاقوة الى بالله انا لله وانا اليه راجعون .............................

[قروية اصيلة]

المشاركة الأصلية كتبت بواسطة بن جعيثن   أجل خبرتوا وحدة تلبس عباية وسيعة وتمر قدام المحلات اللي تطلع هوا قوي عشان يطير العباية ويطلع المستور ... لا ومستانسة تروح وترجع ... وتنادي اللي معها يسوون مثلها ... الله يخلف بس ... ...

ههههههه
ههههههههههههههههههههههههههههه
اتخيل اشكالهم
هخخخخخخخخخخخخ

[هرمنا]

تعبت وانا اعدل ردودكم

اشكر اختي شذى على غيرتها ..واعتذر لكل من عدلت له رد

ياجماعة مانبي نخصص شركة معينة والا محل معين بالكلام

وانا شفت رد اختنا ياسمين شافت غير اللي شافته اختنا شذى


عموما اكرر اعتذاري

[شذى العبير]

ههههههههههههههههه الله يجزاك خير