شريك العاقل (قصة من الخيال العلمي) (مكتمله)

[أمير سدير]

شريك شريك هو هو

شريك شريك هو هو

يالله شجعوا شريك خلوه ينزل الجزء الثاني تراه يتحمس كذا

[شريك المشاكس]

امير سدير:


تسلم على التثبيت والله الله بالمسمار الزين علشان ما يطيح


وبعدين الظاهر انك ما انتبهت على الكلمة الاولى إلا من واحد >> وجه يغمز يقول دور مسيلمة منا والا منا

[شريك المشاكس]

روح سدير


حياك الله يا بعدي واحتر الجزء الثاني هاليومين


مشكور على المرور والتعليق

[شريك المشاكس]

بدر:


حياك قلبي


خلينا نشوفك امااااااال

[شريك المشاكس]

عاشق ديرتي:


تسلم والله وماعاش من يحذف موضوعي لاحذف المنتدى بكبره >> ترفق الله يرحم والديك لا تتحمس


وانتظر الجزء هاليومين

مشكور على الحماس >> وجه نذل يقول باجره اسبوع

[شريك المشاكس]

الصحراوية:

وفي رواية السبعين باشا ديرزت كوين

المشاركة الأصلية كتبت بواسطة   ههههههههههههههههههههه اما اخوك ادم اهنيه على الاسم

حتى هو يقولك دااااااير تشكرها لي >> قاري الموضوع من يومين وتوه يرد

المشاركة الأصلية كتبت بواسطة   وبعدين حرام عليك وش ذا التشبيه اجل ابوك كنه كرتون تايد له يدين ورجلين

وش نسوي هذه الحقيقة المره >> وجه واحد يقول لو تشوفين خشه السبعين قلتي كلوركس طايح غطاه

المشاركة الأصلية كتبت بواسطة   متاكد انه موب ايرلندي ؟!

كمان انتي برضوه >> يبيله موضوع بلحاله ظلال مسيلمة

المشاركة الأصلية كتبت بواسطة   يله بسرعه حط الاجزاء الباقيه تراني مره تحمست لاتصير مثل غيرك وتنزل بالقطاره

والله ياخالتي انها والمه بس يبيلها شوي تنسيق وما غدى الا جزء واحد وبس منيب مثل بعض الناس الي يكتب الجزء ويتوهق في الجزء الثاني >> وجه يغمز يقول وش اخبار رامي

مشكوره ديرزت كوين

بس هاه نبي الرد الجاي موضوع من طوله وتحليل وفصفصه


اوكليشن ؟

[shakspeare(h]

ههههههههههههههههههههههههههههههههههههههههههه هعع هع هعععع هعع قطعت ستبدا

يااااااااااااااااهووووووووووووووه والله انك فناااان انت تعاني من الخطاااره الشي الكثييير تسللللم خييوووووو عالموضوع ونستنا الجزاء الثاني !!
اول ما اشوف موضوع لك على طول احط ""العمل دون اتصال ""عشااان امخمخ عليه وسواليفك ماتنمل وعيد قرايتها كل شوي
لا عدمناك وهبالك خيووووووووو

طعياتي

[شريك المشاكس]

ولد الشيوووخ

المشاركة الأصلية كتبت بواسطة   أجل ناوي تسير عاقل يالذيب

كني المح تعليق في ردك ما كتبته تقديره : أبطت


مشكور ولد الشيوخ وخلنا نشوفك ترى الجزء الثاني بيجوووووز لك حييييييل

[شريك المشاكس]

السبعين !!

مو معقول !!

الحين من نصدق السبعين خاش لموضوعي المتواضع والا شريك يوم طلع عاقل >> وجه واحد يقول الاول ممكن والثاني انسسس


هلا وغلا بشيخ المنتهين ، وزعيم المحششين ، لقد اشرقت الانوار وتشقشقت الطيور فرحا بمقدمكم الكريم

>> دبكه شاميه ياوليك يالي تعادينا ياوليك ويل

المشاركة الأصلية كتبت بواسطة   اجل حسين هادي ماله حظ في هالدنيا

اجل تبيه محظوظ مثل اوهين كيندي الي لو يطيح وسط الملعب دخلت الكورة قول >> وجه مشعوذ افريقي حاط دنبوشي في صروال ليتانا

المشاركة الأصلية كتبت بواسطة   لا تعليق ...بس فاك كشرتي واضحك

صك اثمك لا تحوم كبودنا

المشاركة الأصلية كتبت بواسطة   كل انواع النفضة اذا قال زاهد قدسي : ماجد يدخل في مربع رقم 7

الله على ذيك الايام ما كنت احب الا مربع ثلاثة واثنين ليش مدري

المشاركة الأصلية كتبت بواسطة   ذهب الذين يُعَاش في اكنافِهم

اي والله وقعدنا على معلقين ما غير يزاعقون حتى للهندي الي يجمع الكور

المشاركة الأصلية كتبت بواسطة   واسمه رامي بعد؟؟؟ قد مرت علي هالاوصاف ..بس مدري وين

تأكد من مراية ملحقكم المكسور >> وجه واحد يلمح يقول البتزا ذاك اليوم تهبل

المشاركة الأصلية كتبت بواسطة   تكفون احد منكم يدق على المكافحة الان

وش مكافحته وش حشيشه ، خذ لك كيلو وابلع العافية

المشاركة الأصلية كتبت بواسطة   ترانا نحتريك عجل يادب

تراني مثل عبدالله الجمعان اطنقر علطول ياتقولي رامي عياش والا بهون >> وجه واحد يقول مافي أمل تصير لو صحن عيش

[شريك المشاكس]

مثل النخيل خلقت:


معليش عارف اني مساقط بس اذكر احسن من اسحب

المشاركة الأصلية كتبت بواسطة   بس احلى شي انك حاطني مهندس !!

ما تبي احطك فراش عادي >> واحد نذلللل

المشاركة الأصلية كتبت بواسطة   استاد الملك فهد انا اللي صممته .. يمديك على الخيام !! حتى ملعب برلين حق نهائي كاس العالم انا صممته .. ماتشوف ايطاليا فازت !!

والله الاوله نبلعها اما الاخيرة فقلبي يقرصني من عقب سالفة العزبه خخخخخخخخخ

المشاركة الأصلية كتبت بواسطة   بس الصدق حبيب ربي .. مهوب انا اللي حطيت عصا هتلر !!

لحظه وش عصا هتلر ذي يبيلها جلسة على الخاص تراني احتريك

المشاركة الأصلية كتبت بواسطة   الف شكر اخوي شريك لرسمك الابتسامه على شفاهنا .. ابداع جديد غير مستغرب على موضوع يتصدره اسم شريك المشاكس .. وبانتظار الاجزاء القادمة ..

يالبا خشمك والله وتستاهل من يحطك وكيل رقباء >> مسوي متهور الحين


باقي الجزء الثاني وترانا ما نسيناك

[شريك المشاكس]

A_I_O
عضو مشارك >> ما سوى قص ولزق


هو جزئين يعني فحم اما الجمر ففي قصة ثانيه >> واحد قاعد يشوي كباب على طاري الفحم



حياكم الله وخلونا نشوفكم

[شريك المشاكس]

الجزء الثاني

جيت البيت ذاك اليوم ولاحد جاب خبري كالعادة تليت شنطة خلاقيني ودسيت فيها صراويل الرياضة وشراب الكورة الطويل وكل شيء مما خف وزنه ورخص ثمنه وربطتها وطلعت كنها شنطة تكرونية تبيع في الحرم

ويدق علي رامي ويقول تراني عند الباب واطلع له إلا معه رجال أول مره أشوفه، قالي هذا المترجم حقنا لان اللغة الاسترالية ما نعرفها، وشوي يعرفني عليه طلع (العميد) واسلم عليه وش علومك عساك بخير ، رد علي: بخر يا شرك مشكس >> والله ما تنبلع يابو بس وش نسوي




وسيييده على المطار، طبعاً انحن جاين قبل موعد الطيارة المحدد الساعة 10 في الليل ، فجينا من الساعة خمس العصر علشان لا يتلكعون علينا
ورحت للمطار جايبن معي التلفزيون والبلي ستيشن عاد رامي مستغرب يقول : وش السالفة يابو ؟
قلت: ما قد شفنا خمسة أشياء مسخرة في هالكون إلا ثلاثة .. المنتخب والخطوط ، أما الأول مسوي زحمه وتأهل للمونديال والله الله وهم اصلا فايزين على منتخب سواويق اندنوسيا سواق جيراننا يحلف أنه مدخل كبري في تكر
والثاني هالخطوط يقولون لك الرحلة تسع في الليل ويحلفون حلف ما حلفه مسيلمه يوم ادعى النبوه ومع ذلك يلطعونك إلى الفجر همن ما تقول شي ، ابو هالحاجة بس

علشان كذا فكرت انا يا شروكي مشاكساتي ـ بدون ذكر أسماء ـ أني استغل هالوقت فيما ينفع ، فقررت أجيب التلفزيون والسوني وخذ دوري ياباني ، فهز رامي رأسه موافقا وقد اخذ مساكة وقعدت ألعب انا وياه دوري ، المهم وأبدى ألعب لي كم مباراة لين مليت أنا ورامي همن حطيت دوري كاس العالم وانا مجهز كرت الذاكرة لو تقلع الطياره فجأة أن أخزنها ، المهم والعب والعب والعب ، وافوز بكاس العالم ، همن شيكت على كل البطولات القاريه الثانيه ، همن حطيت لي دوري مع البشكة الجالسين معنا على الكراسي والي ينهزم يطلع ، شوي ويجتمع المطار علينا ، لدرجة أن خالد الملحم جاي مسوي فيها زيارة مفاجأة للمطار وشاف الزحمة جاء وحاكاني:
الملحم: وش قاعد تسوي هنا؟
أنا: أشوي كباب ؟ وش انت شايف
الملحم: وش هالفوضى يا مدير المطار يا الخايس !!
مدير المطار: أأ أ أ أ
أنا: يارجال نقضي وقت
الملحم: الحين وش يقولون الاجانب عننا وهالفوضى .. حلاة من خذ على لعبكم رسوم<< للحين الاتصالات تسري في دمك
أنا: يا رجال لهو بريء
الملحم: هالحين ندفع ملايين علشان نتحضر ونطلع بشكل حضاري قدام الاجانب
أنا: عاد انا وش مسوي ؟؟ شايفني أطير شراب على خط سريع ، قاعد اقطع وقتي بلعب سوني
الملحم: أها بس حط لي فرنسا وخل تري أونري يلعب أساسي

>> الظاهر انه يتعاطى من الفاخر عليه من الله ما يستحق

طبعاً ما أقلعت الرحلة الا وحده في الليل بعد ما واعدونا على الساعة عشر>>يعني 5 بطولات كاس عالم ، 23423 مباراة دوري بين حقين الانتظار ، ويوم جيت باركب الطيارة نشبوا لي الناس يبون اخلي التلفزيون، عاد قطوا على عشرة ريال كل الموجودين طلع معي فوق 4000 وشوي << والله المكسب أحسن من اسهم الخشاش الله يجيركم >> لا يشوفها السبعين


المهم ويشيك الجندي على جواز رامي وطلع اسمه رامي بن ثامر السبعين !!!! قلت له لا يكون انت الي في منتديات سدير

قال: الله يرج مندوبك تشابه اسماء بس

واقتنعت !

واقلعت بنا الطائرة ولم تضعنا الا في مطار استراليا >> الديره الي بنشتريها




وننزل عن الكونتر حق الجوازات، وينط لنا حق الجمارك واقز أسمه وطلع (الصيدلي) ، عاد قلت ذا بعد وش يرشيه ؟؟ نرشيه ببندول والا ؟ المهم ويلكلك فينا شوي يوم درى اننا جاين من السعودية الظاهر انه شاك اننا موزين ار بي جي في فنيلتي ام علاق

إلا تصن مع أبو السقاف >> يدلعه ، أنه يسوي تفتيش ذاتي ، وأنط في حلق العميد ابيه يترجم لي وش السالفة، رح رطن معه شوي لين ذاك بغى يجيه شلل خماسي ورجع لنا يقول:

ـ يقل ان شنط شرك مشكس فها منوعات >> جلسة روتانا الاخيرة >> يقصد ممنوعات

المهم ويفتح شناطنا ويفتشها قطعة قطعة لدرجة أنه طلع أشياء أنا والي صاف شنطتي ما شفتها !! المهم ويدقر على صروال السنة !؟ يقول: وت زس !! وش أفهمه ذا أشرح له عملي زقطوني هيئتهم !! والرجال مهب معترف إلا بابو سبعه<< السبعين يغمز يقول يا ليت توضح هالنقطة


المهم بعد الطقاق والرشاوي افتكينا منهم ، واطلع من المطار وانا اتمتم ضاحكاً : إما ما رفعت عليكم الاجار يا بجم والله لاخليكم توقعون طياراتكم في سطوح بيتكم همن اطلعكم من بيوتكم واهدم البيوت علشان ما توقع همن تدور تدور وتروح لديرة ثانية >> قد شفتوا مثل هالحقد

المهم وتصن معي اني اقوم بجولة على الجزيرة الي باشتريها ، وأزعجت رامي وانا اقول له باغير هالشارع وباحط هنا واشيل هذا وباسوي وبافعل الي يشوفني الحين كني بابيع متر الارض بالف ، والعميد الله يحييه يسولف سواليف تجيب المغص يصلح يوظفونه في الجرايد قسم الكلمات المتقاطعة

عاد ونتمشى في الطبيعة الاسترالية، الي من زينها ودك تصير تيس على قولة رامي السبعين قدس الله سره وجبت لكم كم صورة علشان تتفرجون عليها بعينكم وتتأكدون اني صادز ..



هذا كنغر شفناه في الخط وحنا جايين منسدح ، الظاهر انه من الكناغر السائبه الي تنط في وجيه السواويق << تراه يطري سالفة مزايين الكنغر جايزتن له
يقولي العميد : هو مرتح علشن يعلب مره ثنيه >> يرتاح علشان يلعب مره ثانيه



وهذا الجسر المعلق حقهم ميزته ان مافيه احد يبيع عسكريم حوله >> معقدينه



هذا المبنى اشوفه دايم وما سالت وشو ، علشان لايعرفون الاستراليين اني سديراوي >> طراه اللقافه، بس على كلام مثل النخيل ان كانه صادز انه هو الي مصممه لانه يشبه استاذ الملك فهد، حكيت اذني ابي اصدقه عا عاد انا كنت راكب الباخرة الي على اليسار اما القارب الي على اليمين حمار قاطع الاشاره وهي حمراء




عاد ذا كنغر يا حبيله مملوح قمت استهبل عليه انا ويا رامي ، حتى تلاحظون هذي يد رامي السبعين هماه اطخم شوفوا يدينه ما فيه منبت شعر اهببب ، يا حليله والله ذا الكنغر حلاة من جابه للرياض وصممه بوك دراهم



عاد بعد نهاية الجولة قمنا نتسبح في البحر حقهم الي اصرف من الشرقية ما تلقى فيه حفايظ ولا وصاخة >> عاد السبعين في اليمين مسوي فيها ثقل وانا في النص مغبي راسي وامير دمشق اخر شي يقول وخروا علشان اطلع في الصورة، عاد العميد معيي نصوره يقول: اخف اصر فنته<< يصير فتنه الاخ




عاد ذا قرش يستهبل معنا بس ابن اليهود مركب تقويم >> براااا





المهم وحنا نمشي نشوف لنا مقهى غريب ؟ والي زاد في غرابته اننا شفنا وحده بوهتها بوهة خليجية ويوم قربنا من المحل وتسمع سواليفنا ، زعقت وقالت هو هو عرب !! ومسكت طرف فستانها وغطت وجهها !! ، ذكرتني بالي ركز على الهجوم ونسى الدفاع وخلا الباب مفتوح ، مشيت في طريقي بدون ما عبرناها

عاد أحلى شي في استراليا ان الحشيش يباع في اخيس بقاله << فاهمين التتن غلط
الموهيم وأطق لي كرز حشيش فاخر عاد تصدقون ما امداني اطق لي صاروخ الا اني اهرج مثل الخواجات >> فاهم فاخر غلط ، والعميد صار يرطن زين


ونتوجه إلى شقة خايسة صحيح انه فندق خمس نجوم ومع ذلك يظل خايس لاني ابي القصر الرئاسي لان الدولة صارت ملكي بحكم ملكيتي على الارض >> لا يزال تأثير الحشيش موجود

شوي الا أمير دمشق ورامي يفردون لي خريطة استراليا الي اكبر من الصحافة بمئات المرات وش مئاته بعد تقعدون تهزون روسكم بس !! الا نصف والا ربع السعودية بلا مبالغة ، الي شايلن همه اني اقد اويدز عليها من قوقل ايرث واشوف وش اخبار الرعية والي ماسددوا << خبث ودهاء

الا يقولون لي هذا المخطط ونبيك تسميه من جديد وتقسمه لنا ، عاد استحيت منهم وقلت الشكوى على الله بنقسمها ، وقسمتها اقسام كبيرة على احياء رئيسية

الجهة الفخمة والي فيها الخدمات سميتها حي الهوامير

همن في النص الاعلى شفت نفس رامي فيها علشان يقول ان الشاطئ زين وفيه واحد يبيع بليله كويس قلت باسميها حي السبعين اكرامية مني له
عاد اشوف الي تحته لونه اخضر قالوا لي بسبب انتشار الحشائش وقبل ما يكملون قلت باللهي الصادرات تجيني قبل لا تروح اسوي لها اختبار وسميت ذاك الحي بحي الحشائش الخضراء >> وجه واحد كاتم الضحكة على التصريفة البايخة

همن التفت على نفسي قلت يا ولد انت ما خليت لك في الطيب نصيب ، واشك لي الجزء الثاني كله باسم : حي أبو الشرايك ، همن شفت المقاول والسمسار أمير دمشق يرمقني بعين الاستعطاف قلت يا ولد باسمي الحي : حي الأمراء ، عاد توني باوقع الا ينط لي المهندس جنون شابتن معه ليش ما لي وفاء ومدري وشو وين الرجولة ومن ذا الحتسي لين فهمت انه ليش ما يسمي سدير ، فقلت وبراسك هالقطعة الارض الصغيرة بنسميها سدير بعدين يكفي اهم شارع في الرياض شارع سدير << يسمع بالمبالغة

ولعل الصورة ادناه تقوم بالواجب للكراتين الي ما يفهمون >> طب في جمهوره

طبعاً العميد ضايقن صدره ليش ما عبرناه ، قلت خلاص ولا يهمك يا بو العمد الجزيرة الثانيه باسميها باسمك وش تبي بعد ، فانفتحت كشرته مبتسما مبن موفقته << عاداه




[IMG][/IMG]


طبعاً والاهم في الموضوع انهم دفعوني القيمة في خانة الملايين بحكم ان الاراضي داخلتن عليهم في الغالي وبعد المكاسر سلمونا قطعة ورقة تدل على ملكيتنا للاراضي، عاد انا اكثر ما جاز لي في الموضوع السهولة وعدم الروتين في الاجراءات يعني ما يحتاج كاتب عدل ومواعيد علشان عقد تسويها وتوقعها وتمشي امورك ..

المهم بعد التورتات وانتهاء الصفقة قالي رامي انه راح يرجع للسعودية يخلص الاجراءات وانا ابدأ اشتغل في تأسيس الدولة << وش رايكم فيني تحسون فيه امل اصير عاقل؟

أما أمير دمشق يقول عندي سمسره على دولة ثانية تماطل في تسديد الإيجار << وجه واحد كاتم الضحكه

المهم بعد ما حطيت راسي على الوسادة الخايسة الي ما بقى خال والا سوري الا ونام عليها متأملا النوم من باتسر على مخدة من ريش النعام ، باشوف وش المميزات الي فيه مخلية الناس تحلم به

وبعد ما اقوم نطيت لي على اقرب عمارة واطق الباب ويطلع لي دختور المنتدى الله يذكره بالخير بروب ويقولي: خير خير يا فذر وت از ذا سالفة ؟
قلت له: من بكرة تشوف لك دولة ثانية تراني شريت هالجزيرة وبنرممها علشان نبيعها بسعر اعلى

قالي: اقولك توكل على الله بس لاتقعد تحشش علي منيب رايق لك
قلت: اطلع قبل لا اطلعك من الامارة >> تحسون الولد قوي والا ؟
المهم مسكني مع رقبتي وقال: ترى بسوي ديليت واحذفك من راسي !! انقلع احسن لك

واحمق عليه واروح للشرطة ازاعق ومن زود الثواره قلت لهم والله ان ما تحركوا لاصك لكم وزراة الداخليه الي فرحانين فيها ، طبعا ما بدهاش زقطوني من رقبتي على التوقيف على كم كف اعترفت اني مفجر طايرات نيويورك قالولي يا الثور ما نبي هالاعترافات الجامدة عطنا على قد الكفين ، قلت لهم اني مهرب حشيش في فنيلة العميد ، قالوا لي : حلو هذا الي نبيه مشكوووور

وياخذوني لمحكمة قريبه منهم علشان يحكم على القاضي، واثره شايب سمح قعدت اتميلح عليه افرج علي مقابل خدمة المجتمع لمدة سنتين بتلقيح وخرف شجر حي البطحاء<<لاعبن عليه قايل له الأشجار واجد وراشيه بفحل سكريه
المهم من قاعة المحكمة على المطار ما لقوا طيارة والمه حطوني في الشحن الجوي كانت فيه اقفاص حمير ـ تكرمون ـ بتروح لحديقة الملز حطوني في واحد من الاقفاص اوسع صدري مع الجرجير والجزر

وصلت للرياض، ويمتحني موظف الجمارك (ولد الشيوخ) يقولي معصي تطلع رح دق على كفيلك ياخذك ، قلت له : أنا سعودي الله يحييك وش كفيله

قال: لا يكثر أنت عندي بفيزة حمار ، وبعد الوسايط وحب الخشوم والمرمطه أطلع والا سكرتي طويل كرشه تقل بطن حامل بتولد حتى الحزام حاط له توصيله ابن اللذينا ، ويوقفني هالسكرتي مسوي ذيب لاعبين عليه جماعته قايلين له ان معي مخدرات ، وأقز اسمه الا (حالم ليل) ، قلت لاحوووول وش يبي ذا النشبه اخاف اتبيثر عليه القى اسمي برى المنتدى ، والا الاطخم مسوي زحمه ومقلق البشرية وموقف حركة الطيران والدايري زحمه والاكل مخلص والامطار تنزل والرعود تقصف واسرائيل وقفت عن ضرب لبنان واثره يقول:

يقوووول !

يقول: أبكْ معك جوال بو كميره !

طبعاً قبل ما أتكلم التفت عن اثنين فلبينيين كانوا كفار اسلموا علشان يقولون الحمد لله ثم رجعوا يكفرون << عليك من الله صاعقة يا بندروه
وأقعد أشرح للادمي انه خلاص صارت الدعوة فري، القهر انه يقول ممنوع ومعه باندا خااااااايس >> ما يقصد احد ، يمكنه مصادره من احد والا شي

المهم واطلع من المطار واشوف الدعوه مختبصه، أشوف عمي منصرع ، لان اغلب حلاله راح في ذي الصفقة ورامي كل ما شافني هز راسه وهو يقول: يا حرااام ، وابن الـ طوووط طوووط هو الي موهقني ومع ذلك مفتن على عمي يقول انه يسوي ذاك وما ذاك وراح يبربس في دراهم عمي !!!

شوي الا اني بديت استخف وانهبل وتركت ابو العقل والرزه للبشرية ورجعت لهياطي المعتاد ، صرت معطي الدنيا الخامس وانغف بأصبع رجلي الكبير، وانا اقول يا سفاب العقل والرزه الي على هالخشه >> قاعد يكلم نفسه قدام المرايه

بالله ذا وجه !

ذا شكل يصير عاقل ؟

شوي .. إلا الصورة الي في المرايه تتفل علي وتقول: الله ياخذ ذا الوجه شوهت سمعتي

صرت امشي زي المجنون في الشارع البس ثوب شتوي في عز الصيف واشرب موية رديتر و صرت ادخل منتديات سدير الملاذ الوحيد لي للهياط والعباطة لاكتب لكم قصتي للعظة والعبرة لابوكم لابو الي جابكم >> لا تتحمس الله يرحم والديك


وعموماً

هذي قصة للفايدة والعبرة وعلشان محد يلعب عليكم ، قاعد اكتب لكم القصة علشان ابيعها على هوليود يمثلونها في اوسكار الجاي ويطلع اسمي مشهور ، وانا في غمره انهماكي في كتابة الموضوع يجيني اتصال على البيجر حقي >> خبل وش تتوقع يجيه الاتصال في بيالة الشاهي الي معه !!!

الا حقين المطار داقين علي يقولون فيه واحد يبيك إلا ويطلع العميد يعرم له جزر ويقول: تعل طلعن من قفص لحمر حبسوني << تعال طلعني من قفص الحمير حبسوني

قلت له: خلص اجلس بجب ونش يقلك لبيت >> خلاص اجلس بأجيب ونش ينقلك للبيت > ترجمه عربي عربي ..


ستااااااااااااار



ومشكورين على الانصات وخلونا نشوف ردودكم >> خشه واحد يغمز ويقول على كل رد كيلو حشيش


مع تحياطي



شروكي مشاكساتي




خمطه في الاخير


كل الشكر والتقدير لدختور المنتدى على جهوده في هالجزء بعد تزويدنا بجزء كبير من الصور ، واتمنى له التوفيق والنجاح والعودة سالما من ديار الكنغر

[روح سدير]

هههههههه

يعطيك ألف ألف ألف عافية

يا المبدع

على المجهوود الجميل منك

ههههههههه

شريك حلووه أجل استراليا؟؟

[عبدالله الفـارس]

المشاركة الأصلية كتبت بواسطة   يعرفني عليه طلع (العميد) واسلم عليه وش علومك عساك بخير ، رد علي: بخر يا شرك مشكس >> والله ما تنبلع يابو بس وش نسوي

خخخخخخخخخ

المشاركة الأصلية كتبت بواسطة   شوي الا اني بديت استخف وانهبل وتركت ابو العقل والرزه للبشرية ورجعت لهياطي المعتاد ، صرت معطي الدنيا الخامس وانغف بأصبع رجلي الكبير، وانا اقول يا سفاب العقل والرزه الي على هالخشه >> قاعد يكلم نفسه قدام المرايه

الأخ عبسي ........هههههه

عموما ً ما تدري وش تاخذ وش تخلي من القصة ابداااع يا مبدع بس لعد تحشش .....

تراي أول واحد رد عليك في الجزء الأول وثاني واحد يرد عليك في الجزء الثاني هع هع هع هع

[أمير سدير]

هههههههههه

والله انك منت صاحي يابو الشرايك

بس وش رايك بامير دمشق رجال ولا لا ؟؟ (( تراي اشوف التثبيت (( انتبه))))