يوم من حياتي (موضوع يكتبه الأعضاء) ,,,

[سمسومه]

هـــلا حبيبتي السنبله ...

إن كانتس مشغوله مره فأنا اليوم مشغوله ألف مره!!

الله لايشغلنا إلا بطاعته بس..

وعندي موعد بالمستشفر لإجراء عمليه بسيييييييييييييييييطه <==خافت تقولين وش هي خخخخخ

وبصراحه مستشفى دله جنب أهلي ومريتهم وانا تافلتن العافيه !!!

وهكذا دواليك !!!

وتوي أدخل ويم أرد على مس سدير ورجلي على راسي!! لأن موعدي قرب وقته ...

وموضوعتس تقريبا نفس اللي بغيته ...

يعطيتس العافيه عليه وأكرر الي قلته لتس إن تسان ودتس تعيدين دورتس إذا خلصو الأعضاء ماعندي مانع .....

وتقبلي خااااالص اعتذاري وتحياتي ....

[السنبلة]

[frame="2 80"]يا عمري يا سمسومة. ما تشوفين شر إن شاء الله..

ومتى عمليتس؟؟ والله ضيقتي صدري يالغالية؟؟؟



ومدام موضوعي حسب ما هو مطلوب خلاص وشوله أعيده.. <--- مدري شلون يفهمونتس..


* السنبلة * 1426هـ[/frame]

[سمسومه]

هلا السنبله ..

الله يسلمتس ويبارك فيتس ..

وعمليتي ماتذكر ومتى ماخلصت مسويتها علمتس إني خلصت لأني ماودي أنقطع ولو إني متعوبه بأجي!!
<===من جد ماتستغني ...

حبيبتي أشكر لتس تفاعلتس والتزامتس بالموعد نوبتن أخرى ...

وتقبلي خالص دعائي وتحياتي ....

[جورية]

هلا عيوني سمسومه


والله مدري وش اقوووووولتس


بس يصير خير لاني جد حابه اكون مستمعه ومعلقه





تسلمين يا احلى سمسومه بكل المنتديات

[سمسومه]

هلا جوريه ...

يعني كيف ؟؟<===بتنجلد خخخ

بصراحه مافهمت ياليت توضحين أكثر هل أسجلتس وإلا لاء؟<==تبيتس تقولين إيه خخخ

ومشكوره يالغاليه وماقصرتي ..

تحياتي..

[عبدالله المهيدب]

[align=center]الأخت سمسومه

اتمنى إن كان لي حظ بالمشاركة معكم بهذا الموضوع الرائع أن يكون في أيام الأسبوع ، وإذا مالي نصيب فليس لي ال الصبر .

عبدالله المهيدب [/align]

[سمسومه]

هلا فيك أستاذنا الغالي عبدالله المهيدب

أســـــفرت وأنـــــــورت

وإنه مما يدعو للسرور والأنس أن تتقبل دعوتنا لتتحفنا بروائعك ..

وأبشر لك إن موضوعك راح يكون في وسط أيام الأسبوع لأن الموضوع سوف ينزل كل سبت وثلاثاء يعني راح يناسبك بإذن الله ...

بإنتظار يومياتك الشائقه على أحر من الجمر ..

ورقمك (20)

وياليل ما أطولك إلين يجي دور المبدع (عبدالله المهيدب)!!

تمنياتي لك بيوم حافل متميز ..

تحياتي واحترامي وتقديري ..

[وراءالكواليس]

فيه قطه...؟؟؟؟؟؟؟؟؟؟

انتسانها بلاش سجلوني

منهو عليه العشا الاسبوع الجاي..؟؟؟


فيه جوائز والا شيء


ولو حلاو برميت

او حتى حلاو بقر انتاج بولندي



وش السالفه

لقيتكم صافين جيت اصف معكم

[ربى الجنان]

سمسومه
بليز حطي اسماء االاعضاء بالدور بنشوووف كم باااقي!!ومن باااقي!!

[سمسومه]

هلا وغلا وراء الكواليس ...

ماتجوز عن حركات السديراويين خخخخخخ <==وأنتي وشو هههههه

إيه فيه قاتوه هديه لأحسن يوميات!!

وفيه عشاء بس للي جو من بدري <==بتحسره هههههههه

وفيه حلاو بس إنه منتهيه مدته !! تبيه وإلا لاء!!

أمزح أمزح والله هه إني قلت أبجرب أمزح معك ,,,

وأبشرك مافيه قطه ههههههه <===ودي أشوفك وأنا أبشرك ههههههه

بأعطيك رقم واقضبه إلين يجي دورك سم (21)

بإنتظار يومياتك الرااااااائعه .... <==مستبشره خير مادامه ببلاش هههههه

تحيااااااتي ...

[سمسومه]

هلا ربروبه ...

أبشري أبحط الأدوار بموضوع جديد ولكن مهوب قبل لاتشاركين تكفين خليني أسجلتس!!!

وش قلتي ؟؟؟؟

أحس بتبدعين ماشاء الله أنتي وأطفالتس ...

أتمنى ماترديني ....

تحياااااااتي ...

[عزيز]

[align=center]
أختي الغالية

سمسومة

تحية ود وتقدير

وأنا أقول وين الأعضاء ما عاد شفناهم في المنتدى الأدبي أثرك ضافتهم

وياغافل لك الله !!!

والله منتيب هينة ياسماسم جايبتن الفكرة من حراج بن قاسم .

يالله وش زودي إذا تقبلوني أبسجل معكم وجايب معي صورتين

وملف أخضر علاقي وشهادة حسن سيرة وسلوك ومؤهلاتي

وتعريف من العمل مصدق من العمدة والشرطة ومشهد عليه شاهدين

ومزكيهم أثنين بعد والأهم من ذولي كلهم خطاب واسطة من واحد مهم

يشتغل في منصب رفيع شوفيه مع الأوراق أول واحد مكتوب فيه مايلي :

سعادة المشرفة على منتدى الفكاهة وسعة الصدر حفظها الله

الأستاذة سمسومة بنت سمسم السلملم

السلام عليكم ورحمة الله وبركاته

أعتمدوا ( يعني ما فيه أرجو والا لو سمحتوا والا الكلمات اللي ماتوكل

عيش) إعتمدوا قبول حامل ( حامل !!!!! قصدي شايل ) هذا الخطاب

المدعو !!! ( قصدي الاستاذ ) عزيز اللزيز في المشاركة معكم في

الموضوع المطروح ( والا المجموع ) من قبلكم ، والله الله خلوه

أول واحد وإلا خلوه يختار الرقم اللي يعجبه ، المهم لا تزعلونه

وتضيقون صدره وتخلونه يمسك سرا زي باقي البشر ترى أمره يهمني ،

وياويلكم لو قال لي أنكم مزعلينه تراي أبخليه يكتب فيكم قصيدة حش

وأبسكر منتداكم وقد أعذر من أنذر .

تحياتي الهوت قصدي الحارة

أخوكم إن كان ودكم

fgjufoiejy7o8h8eyonfeyfo( هذا توقيعه )

هاه سمسومة وش رأيك في الخطاب ردي علي بسرعة والا علمته

يشوف شغله معكم وبعدين أبي رقم مميز زي (22) خلاص .

أخيراً آسف على الإطالة لكن لقيت نفسي فاضي قلت أوسع صدري

الله يوسع صدوركم بالعافية .

واللي يبي خطاب واسطة يعلمني وأنا برسم الخدمة

أخوكم : عزيز [/align]

[راعي الروضة]

الأخت / سمسومه

طخيني بموعد معكم زين

لاتقولين نست أو جيت متأخر أو جب واسطه .

وعلميني في حالة قبولي معكم من عدمها بوقت كافي على شان يمديني أدبر نفسي بواحد من الهوامير يتوسط لي .

وسلااااااااااام جــــــزل للجميع ؛؛؛

[سمسومه]

هلا بالغالي عزيز هههههه
<===ضحكت من ردك ههههه

أسفرت وأنورت ,,

وأنا أقول وش في الفكاهي منور أثر ربع الأدبي هنا!!!!

يالله تحييهم وتسلمهم!!

بلا واسطات وبلاهم وشهادات أهم شي عندي (شهادة أن لاإله إلا الله وأن محمد رسول الله) وبس!!

وأكيد إنها عندك!

فإذاً ضف رزمة عالي المنصب واستلم رقمك المميز لقدرك مهوب عشان ورقته!! (22)

وعقبال ماتولد لنا يوم رائع مثل شخصك الرائع ,,,
<===تراك أنت اللي قايل إنك حامل!!!

وأخيراً أخيي أتمنى ماتطخنا بقصيده هجاء!!!
<===زبدة الهرج!!

هاه سمسومة وش رأيك في الخطاب ردي علي بسرعة والا علمته

يشوف شغله معكم وبعدين أبي رقم مميز زي (22) خلاص .

الله يحييك وخل عنك الواسطات تراك ([glint]عزيّز[/glint]) !!

الله يحييك ويبارك في خطاك اللي قادتك للفكاهي تشرفنااااااااااااا

تحيااااااتي واحترامااااااتي

[سمسومه]

هلا وغلا بالغالي (راعي الروضه)

تشرفنا والله ,,

وهاك رقمك أخيي (23)

وماهي سمسومه اللي ترد أحد ,,

كل الأعضاء على العين والراس ,,,

يعني إزهلها وموعدك تم إن شاء الله وقدامك وقت تكتب لنا فيه من تحفك الرائعه ,,,

ونبغى مثل إبداعك بالأدبي هااااه ترى مانتنازل ,,,

ومثل ماقلت لعزيز مايحتاج واسطات ولا أوراق يحتاج شهادة أن لاإله إلا الله وبس!!

تحياااااتي وتقديري واحترامي لك ,,,