ماركات الأعضاء - الصفحة 5

موون نجد · 22-01-2007, 07:52 AM

اللة يوسع صدرك يالسبعين

مثل ماوسعت صدري

X-Ray · 22-01-2007, 12:47 PM

المشاركة الأصلية كتبت بواسطة السبعين

وقد بنشر من طنقر ..وقد هنقر من عنبر ..وقد بربر من قرقر ...يوووووووه قصدي وقد اعذر من انذر << اخيراً طلعت

الله العالم عودت لك متلازمة الشرق

ننتظر

القادم ..

تحياتي

$ سديراويه بحت $ · 22-01-2007, 04:41 PM

$ شفتو ياأهل المنتدى وش قال السبعين عني احم احم
يقول اني بنت ناس والنعممممممم
يعني اللي يبي ماركتي يروح للفيصليه ولاالمملسة<<<<<<عفوا المملكة نسيت اني تطورت $

ياالله عاد زدباي<<<<<<<عفوا مره ثانيه قدباي
والله مشكله فعلا اللي قروي قروي ولو طور نفسه

لهفة الخاطر · 22-01-2007, 05:23 PM

المشاركة الأصلية كتبت بواسطة قلبي المتيم

قلبي المتيم مشرفة مملكة المرأة وهو قسم جميل <<< موف

تجد فيه أخواتنا كل مفيد وكل جديد <<<<< وردي

وممنوع على تماسيح المنتدى ان يوطوطون هناك<<<موف

عشان كذا اشوفهم ماخذين راحتهم ويكتبون اللي يبون ولا نقدر نقول شي<<<<وردي

ومن هذا المنبر اطالب بوضع قسم اسمه مملكة التماسيح<<<<< اخضر

سطر وردي ..سطر موف...وردي...موف ..وردي ...موف ....تخلص ما قراية موضوعها وما تدري الا نابت في خشمك وردة

بس بجد ماركة حلوة ورايقة

[align=center]

خخخخخخخخخ يالسبعين بس ماركه مامثلها ماركه مو صح ياسبعينو

تسلم على الصيدات الحلوه والباقي أكثر واجمل [/align]

إهــــــداء

هرمنا · 22-01-2007, 06:36 PM

رد خاص لابو ريان وانتظر الرد منك هنا ...لاحظ ان الحرف الأخير ساكن

[poem= font="Simplified Arabic,4,black,bold,normal" bkcolor="transparent" bkimage="" border="solid,4,orangered" type=0 line=0 align=center use=ex num="0,black"]
كتابة بيت تصعب لي وتسهل عند ابو ريان =وتمنيت اكتب الابيات في صدام يومه شِنْق

أحاول والمصيبة ان قلبي للشعر طربان =ولا كل الذي حب القصايد قالها لو خِنْق

وأبياتك يبو ريان تطرب عاشق ولهان =وابياتك عن السبعين اعلقها انا في العِنْق

اطير من الفرح فيها مثل طير الهَدَد فيحان =اذا شاف الفريسة طار من وكره كما السبرِنْق

وأيام تصاحبنا انا وياك والخلان=ابذكرها يابو ريان وأذكر موتر الموستِنْق

وناسة في وناسة مالقاها راعي اليابان =ولا الهندي ولد راجو ولا الصيني اكا بن سِنْق

اظن القافية صعبة وناويها وانا الكسبان =يقوله جارنا هِنري سألته قال لي i think[/poem]

ولي عودة للماركات في الرد التالي وفيها

المهيدب

سقم ((سعد القاسم ))

القيصر

ومجموعة أخرى

القفوا تحياتي

لهفة الخاطر · 22-01-2007, 06:45 PM

[align=center]يووووه ياسلام يالسبعين على الأبيات

وننتظر الرد منك يابو ريان [/align]

مــقــلــع · 22-01-2007, 06:47 PM

المشاركة الأصلية كتبت بواسطة (( منسمة و X-Ray و مقلع ويزيد..بإذن الله تعالى ..ودام مخي الى الان ما بعد تفرمت ..بتشوفون ماركتهم في رد امخمخ فيه الى ان اصل الى درجة تنسيمية ترضيهم ...وبالمناسبة ...المنسمين عادة ماركاتهم تطلع بعفوية ولا فيها تكلف .. وايضا احس نفسي امون عليهم اكثر من غيرهم ....يعني ترقبوا ماركة المنسمين قريبا جداً ))

اقول احرص ان ماركتي تكون اوربيه ترى الصيني ما يمشي عندي

<<قايلك الوليد بس ما تصدق

نحتريك يا السبعين

ثاانكيوو

سديراوية · 22-01-2007, 07:07 PM

خخخخخخخخخخخخخخ

رهههههههههيب الموووزووووع يا ابو السبع طعشااات

عليك مسكاااات مهيب هينّه

احلى شي مسكه قلبي المتيّم خخخخخخخخ

بس رهيب ستايل ردها >> سريحه

ضحكتني في هالقايله والدنيا نص ليل

أبو ريان · 22-01-2007, 08:21 PM

هــلا بــك مـرحبـا واهلا وانا لمـنازلـك شفقان &&& وعلى المـيدان يا السبعين وابعطيك القوافي زنق

وكتابه بيت ما تـصـعــب وان ذيـب ولــد ذيــبـان &&& اصـيغ البـيت بأسلــوبي ولا ني من التحدي حنق

ابكــتـب من كــلام الشعر عذوب تروي العطشان &&& وانا في مجلس فـيه الــرجال احـرار ماهي طنق

ابعـــلق عـــلـى مــتـــني وســـام يــتــبـعـه نيشان &&& وابعــلـق عــلـى صــدري شــعـار معـتليه الونق

وانا لا من كـتـبت الشـعر اعـيد الماضي بألاذهان &&& ولا مـن يلـوي ذراعي ويعـيـشني بظـلام وضنق

وقلت وطلت يا السبعين ولا ني من اللقاء خسران &&& ولا نـي مـن وراعــين علــى الـملعب تجـيب البنق

وهاذي فـرصة جتـني وعلى الـمــيدان يا حميدان &&& وحـشى ما ينـثـني راسي ولا هي عادته بالدنق

لهفة الخاطر · 22-01-2007, 08:45 PM

[align=center]ماشاء الله على هالأبيات يابو ريان

صح لسانك

طيب ليش ماتحطون موضوع بيتي وردك

يعني تحط بيت ويرد لك اللي تختاره انت وتبيه

المهم نرجع للسالفه تسلمين ياسديراويه اكيد مافيه احلى من هيك ....خخخخ[/align]

يـــزيـــد · 23-01-2007, 08:39 AM

للجادين فقط : يوجد ماركات للبيع للمعزم الاتصال على رقم 0555 واختر ست ارقام مهيب تتشابة
وللي يمكن يعزم 0505 وارعص على اقرب رقم حول اصبعك الثاني من اليد اليسرى

تراني منيب استهبل فيه ماركات للبيع باسعار خاصة عند ادم دعبس لبيع الحب والبيزهـ هع
====

جاري التفاوض لحذف الموضوع مالم تصدر ماركتي وعلى هذا جرى الجاري

هرمنا · 23-01-2007, 01:46 PM

نعود لتكملة الماركات

ونبدأها مع المبدع دائما الأخ الغالي عبد الله المهيدب

يا مقاول تعال هنا

ابغى الارضية تكون بيضا..تسمع والالا..؟؟ والجدران ابها خشبية وابغها بلون ذهبي واربط صواميلها زين .. تسمع والالا؟؟

المقاول : لكن يا زنمة الارضية بيضا..هيك نحتاج بلاط ابيض..ونحتاج نستورد اخشاب ..وهيك غابات الامازون كلها راح تختفي.لأنك يابو عبد المحسن استهلكت كل الاخشاب الموجودة في الوطن العربي وحطيتها في منتديات سدير

اقول لك سو اللي قلت لك ..انا الان بروح لقناة المجد عندي تسجيل ..وبعدها بروح لمؤسسة تراتيل .مواعد اخوي سقم ((سعد القاسم )) هناك ..مابي ارجع الا وانت مخلص شغلك..

ثم ذهب ابو عبد المحسن الى عمله وهو يترنم هذه الابيات :

ياديرتي ياسدير ياغلى من المااس ..حبك مكن في خاطري والتجى به

وعندما رجع من عمله استقبله المقاول قائلا : الحمد لله انتهينا وخلصنا الشغل شوف شو رايك بشغلنا ؟ان شاء الله راح يعجبك ..

فدخل المهيدب الى المقر الجديد وقال

[frame="1 80"]ياسلام عليك يا مقاول

هذا اللي كنت ابيه ..ماشاء الله تبارك الله ..ارضية بيضا وجدران خشبية شكرا لك يا مقاول وشكرا للجميع ويعلم الله اني سعيد بكم[/frame]

ماركة المهيدب

مايكتب الا في هذا الاطار

============

على طاري س ق م (( سعد القاسم ))

شفته لآخر مرة في مخيم الأحبة ماسك الكميرا وماخلا شي ماصوره ..وانا اقعد اترزز قدامه ابيه يصورني وهو معيي يقول صورتك يالسبعين بتحرق الكميرا لان وجهك يصدر اشعاعات <<<عاد هذا كلامه مدري صادق والالاالسبعين :سعد يخوي صورني خلني اكشخ في المنتدى ..ترى برج ايفل مهب اغلى عليك مني

سعد :يا عزيزي ما ينفع تخرب الكميرا لو صورتك

السبعين : انت تصرفني ؟؟
سعد : وانت ((الصادص )) ما ينفع معك انت تصوير ..اذا تبي تسجيل ما يخالف
السبعين لا يخوي شكرا ما بي اسجل صوتي..من زين صوتي
سعد :عفوياتي..اخوي السبعين عافاك الله وانت الصداص ياعزيزي
الصادص (( الترجمة يعني الصادق )) عزيزي ..عافاك الله .. سعد القاسم

=============

تدرون من قابلت امس في الصناعية ؟؟

قابلت القيصر وهو مودي سيارته للورشة وقعدت اسمع كلامه مع راعي الورشه

القيصر : هنا نجد الابداع ..أعزائي في ورشتكم اسمع صدى آلام المكينة ..وينزف منها زيت المحرك ..ويصرخ القير مستنجداً بكم..دمتم بخير ..دمت عزيزاً ايها الميكانيكي ..دمت محباً ايها المهندس..لقد وضعت اصبع البطارية على الجرح ..مهلا يا مفك اربع طعش ...فلازلت انتظر همسات بوحك في البرغي الجريح ..دمتم محبين ..دمتم سالمين ..دمتم في حب ..لازال جرح الاديتر ينزف دما اخضرا..السيارة عطشى ..باحت لي بأسرارها ..ياسيارة ..دمتي طيبة ..يا راعي الورشة دمت معالجا ..يا حي الصناعية دمت مزدهرا .. يا راعي الليموزين بالله وصلني للبيت <<يعني سيارته في الورشة يبيلها شهر

دمت طيبا يالقيصر ..فقد نزف قلمي هنا نزفاً وبحت بوحاً ..لدرجة اني اتصلت على الاسعاف

الله يعطيكم العافية
==============

ولنا عودة لتكملة المشوار