تبي تتحدى شاعر ؟؟ تعااااااااااال ..

[من يفهمني]

يخاطبني السفيه بكل قبح واكره ان اكون له مجيبآ فادعه.....دعه يزيد سفاهة فازيد حلما كعود زاده الاحراق طيبا

[فهد المنيع]

[align=justify]

يا حليلكم


ابو ريان كلمة ( دعه ) بتسكين الهاء كلمه عاميه واسأل الشياب يعلمونك


دفين الجرح اسمح لي الابيات اللي حطيتهن ماش ما تحس انهن قويات يعني شكلهن تركيب وانت عجل عشان كذا ما تحسب لكم النقطة لان من شروط التحدي ان تكون الابيات قويه وجزله والبيتين حقاتك مهنا زود وهذا رأيي واذا ما اقتنعت فتعال عندي المغرب نتقهوى وافهمك


خلاص ما راح نختار اسم الشاعر ونتحداه اي واحد يجي بنسوي عليه هجمه مرتده لاني اشوفهم بدوا يخورون


دفين الجرح هتها من الشبكة


اشكر الاخ السبعين على الايضاح والنتيجة [blink] 5 التحدي 4 الشعراء [/blink]

السبعين قم سخن الله لا يهينك وش هالمدرب اللي ما يفهم ومطلعك من الملعب !!

بس اسمع هالمره نبي كوبري خخخخخخخخخخ

سلااااااااااااااام وهدوا اعصابكم يالشعراء ترى النتيجه مهما قلتوا لنا [/align]

[سعود الخليل]

دفين الجرح طف نورك يا بعدي وأعترف بخطأك ولا انتب اول واحد يخطي ويا مالك من الطيحات في هالمباراة هذا وأنا ما بعد طبيت !!!! ،،

السبيعن والله انك تصلح مع النصراويين في التحليل ،،، كان البطولات كلها لنا ،،!!!!

استلموا يا فريق الشعار هذي أول كورة استلمها ،،،

أبي بيتين من الشعر ((الموزون والمقفى )) وترى أي خلل ما راح نقبله في هالنقطه من أي واحد منكم ،،، والكلمة هي : شوال بحيث تكون مشدده(بمعنى شهر شوّال) في أول الشطر الأول من البيت الأول والثانية تكون بدون شد بمعنى الكيس (شوال) في آخر البيت الأول ثم تأتي في آخر الشطر الأول من البيت الثاني بمعنى (شوّال ) الشهر ،،،،،

يالله ،، ورونا شطارتكم ،،،،

[فهد المنيع]

تسديده قوووووووويه من راعي الاوله اتوقع بتقطع شبكة الشعراء !!



ويا قربهم للانسحاب -------> بيقولون فيه افلام هنديه


في انتظار النقطة السادسة

[عبدالله الصالح]

لعنبو شيطانكم تسرقون الكحل من العين زي سلام عليكم

المهم انا مصر على موقفي اني ما كسرت البيتين بس النقطه لكم زكاااااااااة تستاهلون مدام في الدعوى قهوة

بس ما تلاحظون انكم زودتو في النتيجة حبتين وسكتنا لكم

يالله ماهي مشكلة مدام فريقي واحد يلعب بنعال الله يكرمكم والثاني ما قص اظافيره وشققن البوت والثالث جايبينه حارس وفالاخير يطلع دهان

لا وعندكم معلق عيني عليه بارده

انا ابطفي النور واشوف اخرتها مع فريقي لي ساعه فاتح المسنجر ابغششهم كانهم ماعرفوا بس ماعندك احد

العوض في ابو ريان عساه بس ينقذنا

[صاحب الفخامة]

كفو عايك يا حالم ليل ..

وبعدين يا ابو ريان .

حالم ليل طلب انكم تجيبون الكلمه بالمعنيين اللي لها في بيتين او بيت اللي تبون..

يعني ( دعه ) بمعنى = اتركه ..

( دعه ) بمعنى = الراحه

وبارك الله بك ..

وانا تراني الورقه الرابحه .. اذا عقدوكم هاللي يقولون انهم شعراء ،، علموني عندي كلمة وحده بس .. تخليهم يحرمون يقولون شعر

مع تحياتي لجميع فريق التحدي

والشعراء لا يزعلون

[صاحب الفخامة]

معليش خطأ مطبعي

[فهد المنيع]

العضو السري

ريح بالك ما بعد جاء وقتك مخلينك للمهمات الصعبه وتوها ما بعد جت لان الشعراء لك عليهم ينحتون في صخر اما حنا نغرف من اللزا خخخخخخ

خلك لابس الثوب ومشخص ومعك سبحه واضحك !!

وحنا في انتظار من يقدر يرد صاروخ راعي الاوله ------> الشعراء الحين قاعدين يدورون دركتل خخخخخخ

[أبو ريان]

ابشر بسعدك يا ابو ميار ولا تتوقع اننا راح نتساهل مع الفريق الخصم ويعلم الله ان هالبيتين ما خذت معي اكثر من خمس دقايق يعني لو في الوقت الضايع بنهزمهم وهاذي على طلب راعي الاولة وحسب شرطه وخله يقول انها مخالفه او فيها خلل

شــوأل شهــر وفـيه افـضال &&& افـضـال ما تـنجـمع بشوال
ومن صام ست بشهر شوأل &&& نال الفــضـايل بـدون جـدال

[عبدالله الصالح]

كفو كفو كفو كفو والله يبو ريان


هذا الكلام والا بلاش تصدق اني على اعصابي وشوي وادور من يناديك اخاف انك منا والا مناك


صحححح لساااانك وخل راعي الاوله يقول غير ذالحكي


المهم النتيجة هي كما يلي


الشعراااااء : 5، التحدي 5

وخلو عنا خرابيطكم واللعب بالنتايج


وجالسييين ليه ماتقومو تروحوااا


راعي الاوله >>>>>:f


هههههههههههههههههههههههههههههههههههههههههههههههههه هههه

[بن جعيثن]

متلاعبين في النتيجة...

النتيجة الحقيقية...

هي

3 لفريق التحدي...

و5 لفريقنا...

عدلوها...

بلا تحليل سبعين بلا هم...

[عبدالله الصالح]

وينكم يافريق التحدي ؟؟؟


:f :f :f :f :f :f


ترى فريقنا ملوا من التسخين والتمارين

[أبو ريان]

غريبة معقوله من امس الى اليوم ما دخل احد من فريق التحدي الموضوع فيه ان يا شباب شكل الخطط تدار عن طريق المجال الثاني الجوال بس حتى لو يديرونها عن طريق الاقمار الصناعية وراهم وراهم لين يعلنون الانسحاب ويقدمون اعتذار لفريق الشعراء

[عاشقة سديـــر]

خلاص..... يكفي تسخين يافريق الشعراء ...

عطونا ثلاث ابيات فيها اسماء القمر في ثلاث مراحل ( هلال ، بدر ، محاق ) بحيث ان كل بيت من هالثلاثه يحتوي على اسم واحد من هالاسماء وتكون كلهن قبل الكلمه الاخيره من كل بيت ...يعني قبل القافيه ...

بشكل اوضح : ..

يعني البيت الاول مثلا فيه كلمة هلال ، والثاني محاق ، والثالث بدر ...وكلهن تكون مواقعهم قبل الكلمه الاخيره من الشطر الثاني من كل بيت ( قبل القافيه لكل بيت ) ....<< اعتقد واضح الحين والا ...!

وبعدين ...اعتقد السبعين صادق وخلونا حقانيين شوي ...

يعني انتوا كفريق محاسبين ككل وليس كجزء ....يعني اذا واحد منكم غلط وما جاب الشرط او ما فهم وش القصه
نعتبرها نقطه لصالحنا حتى لو جاء شاعر ثاني بعده وطبق الشرط ....يعني ناخذ بالتعقيب الاول من فريق الشعراء ...<< على كذا النتيجه بتتغير

بنتظار الابيات ...

تحياتي

[سعود الخليل]

ههههههههههه


أبو ريان تبي الصدق ما قصرت وجبتها بس وين هاللي يكسر في الأبيات وهو يتصدد ما يرد ،، وعدك بعدين يا ابو ميار ،،

يالله ردو على عاشقة سدير وانا أشوف لكم وحده تفحطون ما تجيبونها ،،،

تحياتي...