بيت القصيد للتعمير

[كـل ـآلغلـآ]

يامطول الغيبات وش ذنب الاجفــــــان
تشكي لجمر الهجر بعـد الموانـي

تغيرت بعـدك مقاييـس الازمـــــــان
حتى الثواني دهـر ماهـي ثوانـي

كن الحزن عرش وانا فيه سلطـان
وكن السعاده شعبي اللي عصانـي

أحزان اودعهـا وتلفينـي احــــــزان
لاراح وفد(ن) زارنـي وفـد ثانـي

ويحيط بي من كل هاجوس يقظــــــان
يمنع عن عيوني الكرى لو غزانـي

وشلون اقول النوم سلطان اذا كــــــان
النـوم متوطيـه هـم(ن) وطانـي

ياصاحبي ماجاش في صدري اشجـــــان
ولا خفـق قلبـي وهـز المحانـي

الا لخوفي لاتكـون انـت نسيــــــان
عهد(ن) مضى واحلامنا والأمانـي

تدري بدونك شارد الفكـر حيـــــران
مااغروا عيوني المترفات الغوانـي

ياما تمنيتك تجـي طيـف ندمـــــان
وتمد لي كف اعتـذار(ن) نسانـي

ترى الندم توبـه ويعقبـه غفـــــران
إن خفت ربك فـيّ تعـرف مكانـي

[كـل ـآلغلـآ]

لا تشتكـي مـن جـور الايـام للنـاس
وادفن همومك في ثرى الصمت كله

اسـرار عمـرك خلهـا تحـت الانفـاس
لا صــار هــرّاج القـفـا فـاطـنـن لـــه

هذاك يفرح لا لمس جرح الاحساس
و هــذا مـنـاه لا لـقـى فـيــك عـلــه

جـو الربيـع بعـجـة الصـيـف ينـحـاس
لاجت هروج(ن) ما تجي فـي محلـه

داعب هموم الليل لا هب نسنـاس
وعطها الخبر من قلب خل(ن) لخلّـه

قلّـه حبيبـك مـا وطـى قلبـه الـيـاس
حتـى عذابـك بالـهـوا جـايـز(ن) لــه

تعيش بالوجـدان مـا عـاش هالـراس
لـولاك قلـي وش انـا عايـش(ن) لـه

إن زانـت الايــام يــا شــوق لابــاس
ولاّ صـبـرنــا لــيــن ربـــــك يـحــلّـــه

[صافي الود]

لو كان لي قلبان لعشت بواحــــد **** وتركت قلبا في هواك يتعذب

لكـــن لي قلبا تملـــــكه الهــوى **** فلا العيش يهنولي ولا الموت أقرب

كعصفورة في كف طـفل يضمها **** تذوق أنواع الموت والطفل يلعب

لا الطـفل ذو قـلب يحن لما بها **** ولا الطير ذو ريش يطير فيذهب

أحقا تسميت بالجنون من ألم الهوى **** وصارت بيا الأمثال في الحي تضرب

[كـل ـآلغلـآ]

ياللي مــع الايام تنشــد عــن الحـال
الحــال تلعب بـه صــدوف الليالــي

هــذي هــي الايام ماطـاب ماطــال
كــلٍ بعــد حــلِــه يجيــه الــزوالــي

دار الزمــان وبدَل الحــال بأحــوال
وانا اشهــد ان الوقت مابه عــدالـي

حدتني الايــام غصبٍ علــى الجـال
حتــى بـحالــي مشغلتنـي انشغالــي

واليوم انا ياصاحبـي فأشهب الــلال
واقــع حياتــي مابدعـت الخيــالـــي

رحَــال وابقى لآخــر العمر رحــال
وعـزَي لمن حــاله غدا مثل حــالي

مال الزمان ومال حظــي معه مـال
غــربه وبعد وهــم وإفــراق غالــي

ومادام راســي يافتــى الجود مازال
مــاينحنـــي الا لعــزيـز الجــلالــي

حتى ولو اني شرحت الك الإشكـال
يبقــى مــرام النفـس صعب المنالي

[كـل ـآلغلـآ]

يا خالق الدنيا عليك التياسير
استلهمك و استرشدك و استعينك

و ابدا بذكرك يا ولي التدابير
و اسجد رضاً لك و العطا في يدينك

و اخلاف ذا يا سامعي ما بها غير
علم ٍ يفيدك في بقايا سنينك

سطرتها بالنصح و الخير تسطير
و اعلنتها ما قلت بيني و بينك

ثنتين يعطنّك معزه و تقدير
دينك و فعل البر في والدينك

و ثنتين منهن يكثرن المخاسير
درب الضياع و صحبةٍ ما تعينك

و ثنتين عنهن ما تجوز المعاذير
سترك لاهل بيتك و مكسب يمينك

و ثنتين لو طال الزمن ما بهن خير
هرج القفا و مجاملة من يهينك

و ثنتين يطلقن الوجيه المسافير
ترديد ترحيبك و ضحكة جبينك

و ثنتين يسون التعب و المشاوير
مواصل ارحامك و فزعة قرينك

و ثنتين نار و عار معنى و تفسير
ترضى الخنا و تخون مستامنينك

و ثنتين لا تقبل بهن الاشاوير
الجار و الصاحب ليا قال وينك

و ثنتين يشرن بالذهب و الدنانير
حشمة ابن عمك و نصرة عوينك

و ثنتين جنبهن و احذرك تحذير
فعلٍ يشنّع بك و هرجٍ يدينك

[مطلبي الجنان]

تتوب عن الذنوب إذا مرضت

و ترجع للذنوب إذا برأت


إذا ما الضر مسك أنت باكٍ


و أدهى ما يكون إذا شفيت


و كم من كربةٍ نجاك منها


و كم كشف البلاء إذا بليت


و كم غطاك من ذنب و عنه


بدا الأيام جهراً قد نُهيت


أما تخشى و أن تأتِ المنايا


و أنت على الخطايا قد منيت


و تخشى فضل ربٍ جاد فضلاً


عليك ، فلا إرعويت و لا خشيت


و كم عاهدت ثم نقضت عهداً


و أنت بكل معروفٍ نسيت


فذلك قبل نقلك من ديارٍ


إلى قبرٍ إليه قد نعيت

[صافي الود]

حبك سرى بالدم ويصعب البوح
بعض المحبة توقف القلب وتشلة

[عبدالرحمن الفهد]

اداوي جروحك وانا كلي جروح
واهتم في جرحك وجرحي تركته

كذا بدون اسباب ما ينفع تروح
عطني سبب واحد وش اللي عملته!

ما كنت اقصر يا بعد قلب مذبوح
اللي تبية يجيك واللي طلبته

اضحك معك سوالفي ضحك ومزوح
ممشي معك جدي وش اللي فعلته

جيتك سكني هم والامي تفوح
ثوب الحزن بسباب فعلك لبسته

دمعي من اسبابك على الخد مطروح
مقدر ارجع دمعي اللي طرحته

كلن درى عن علتي صرت مفضوح
واضح على شكلي ولا شي قلته

ماهو صحيح اقولك روح مسموح
عطني سبب اهمال قلبا" ملكته

يعني عشاني بانين لجلك صروح
واللي بنيت بداخلي ما هدمته

لاصرت راسمني حبيبي على لوح
لاتمسح اللي في يدينك رسمته

مظلوم يا دفتر على طول مفتوح
اغرقتة بحبري ولا جيت شلته

خل الجروح تعيش مع شلة جروح
الله كريم يعالج اللي جرحته .

[كـل ـآلغلـآ]

اضحك ولاكل الوجيه احترمها
بعض الوجيه اهينها بابتسامة

واطوف الزلة وانا مغتنمها
يستعجل اللي عاد عندهـ غشامة

ناس احتشم منها وناس احشمها
ونزعم اللي يستحق الزعامة

ناس تعلمك الكرم من كرمها
وناس ترويك الردا والرخامة

[بقايا الذكريات]

يا بنت الاصول ليتك ترجعين

ويعتلي بك بيت القصيد ويرتفع

ويفرح بك هنا بنات مع بنين

في مكان اسمك به قد لمع

تكفين منور في غيابك لا تطولين


-----------شوفي بقايا صارت من بعدك شاعره >من جنبها والله

[كـل ـآلغلـآ]

ناس توفر لقمة العيش بالدين
وناس مفارشهم حرير النعامه

وناس مطالبهم كثير الملايين
وناس مطالبها الستر والكرامه

وذكرى تهز القلب وتبكي العين
وذكرى تمر إبنا مرور السلامه

ودمع ذرف من جاير البعد والبين
من حرقته في لجون خدي علامه

دمع ذرف من حر فرقى المحبين
دمع الغرير اللي ماكمل فطامه

وصمت الرحيل اللي فقدناه يومين
الله عليم ينزاح عنا ظلامه ؟!

وحلم الفقير اللي له ايام وسنين
ماضنتي بيصير حتى بمنامه!

ماهوب حلم املاك ولا بلايين
ولا هوب حلم هياط ولا زعامه

حلم حلمته وأحلمه حد هالحين
والظاهر اني بحلمه للقيامه

حلم غرس في صدر الاحلام سكين
حلم حلمته فوق متن الغمامه

حلم حلمته في رجاء داعج العين
اللي قسم قلب المعنى حسامه

طرنا من الواقع بليا جناحين
في كوكب مكسي من الزيف خامه

عشنا خيال وغيرنا واقعيين
لين انصدمنا فالالم والندامه

الله يسامح من حداني على البين
اللي قطع حبل التواصل سهامه

صديت مثل اللي على غاربه دين
يوم الزمن باخل علينا إبتسامه

[كـل ـآلغلـآ]

ينتابني احساس رائع لطرياك
وافرح وكني بين ايديني حظنتك

وشلون لو شافت عيوني محياك
لشهق واصوت سيدي لاعدمتك

مثل الحلم كان انتظاري لملقاك
ومثل الحلم طيف بحياتي رسمتك

ان جيت رايح ضاق صدري لمسراك
ودي اصارح حظرتك يوم شفتك

هي كلمتين ٍ تاصلك ما تعداك
انت الغلا وانا جنوني بصمتك

وان مرت الايام بعشق بقاياك
كافي علي اجمل خيالٍ عرفتك

[مطلبي الجنان]

الجمهره
مشكلتي إني ماعرفت أحسب لصدتهم حساب ***** قلطتهم صدري علـى ذكـري قصيـد وحنجـره
صوت ٍ يصول بمنبره واخطاب مامثله خطاب **** والطيبه اللي زعزعت صوت الخطيب ومنبـره
مافيه دمع ٍ صوبوه أحبابي بوجهي وخـاب **** ولازرق حزنـي علـى غالـي ولافـج انحـره
كل الزهاب اللي معي ذكرى من أصحاب الزهاب **** واللي بقالي من عذاب اشرس طريقي وأخطره
لأني تجنبت الغرق.. عديت من فوق السحاب ** **لأن أكثر أصحابي ورق..ماشفت للطيـب إثمـره
والله ماحطيت بين الحقد والخوه حجاب **** حتى غدوا ربعـي يحدونـي علـى الضيـق أشكـره
أثر المصايب ماتجيك إلا من الناس القراب **** وبهالزمن حتى الخـوي اللـي تثـق فيـه أحـذره
لابارك الله في رفيـق ٍ تزعلـه كلمـة عتـاب **** ولاجمـع الله الرجـال اللـي تفرقهـم مـره
الصاحب اللي مايجي من صحبته غير العذاب **** نذر ٍ علي إن ماهجرني وإلا أنا اللـي بأهجـره
من يفتح لفرقـاي بـاب أفـك لـه عشريـن بـاب **** وأذا خويـي مايقـدر خوتـي ماأقـدره
عقب أكتئاب البارحه ماعاد انا حمل إكتئاب **** الطيب جرجرني وانـا مانـي بناقـص جرجـره
اللي يخاف من الظما يترك لنا طرد السراب **** واللي ماهـو بقـد الظـلام ووحشتـه لايسهـره
انا تجرعت الظما لين أحترق وجهي وذاب **** انـا كسـرت بخاطـري قبـل الصداقـه تكسـره
انا أكثر (أنسان) تعلم من كثر ماأخطأ وصاب **** انا أخر (لسـان) يتكلـم فـي زمـان الثرثـره
جفني وجرّحه السهر ، حيلي وهدّت الصعاب **** دمعي هدر،ضحكي ندر،عمري وضيعت أكثـره

شيبت بعقول العرب..هيبت روس ٍ ماتهاب **** جمهـرت نـاس ٍ عمرهـم مايعرفـون الجمهـره
ماصرت ذيب إلا لأن اللي تحدوني ذيـاب **** مـا كنـت أغيـب إلا لأن العفـو عنـد المقـدره
ترى حلاتك لاحملت لصاحبـك كلمـة عتـاب **** أن مانطقـت بهـا بوجهـه ماتذمـه بظهـره
ودك اليامن جاتك الغلطه من الناس القـراب **** الصاحـب اللـي ماكسبـت محبتـه ماتخسـره

حامد زيد

[عبدالرحمن الفهد]

قصيدة الجوهره مجاراة لجمهره


. دامك سترت اخطائهم تلقى الأجر حسن الثواب
ودام الطمع في دمّهم ما ينتهي لو تهدره
ما ينفع المخطي عذر إلا إذا أصلح وتاب
من ما ترك طبع الحسد .. صعب العطايا تجبره
اللي بدايتها خطا لازم نهايتها عقاب
والضربه اللي ما تأثر في عدوك تنذره
ذنبك ترى لو جاتك الطعنه على يد الصحاب
بس القريب اللي يحاول يغدرك لا تغدره
مثلك انا في وسطهم عايش ولكن باغتراب
ازرع لهم زهر الوفا واسقي دروب ٍ مزهره
شوق ٍ سكن في محجره يحمل عشق كله رحاب
والدمعه اللي اشعلت خدّ العشيق ومحجره
ما ينطلق سهم الغدر صوب الصدر إلا واصاب
وصدري لهم درع ٍ وفي بس ما لقى من يشكره
طول الطريق اللي مشيته ما نفع فيه الأياب
امشي تعب واجلس على وجه السنين المجبره
لنّه ذبحني ه العطش صبيت من مُر الشراب
ولنّ آخر اقلامي انكسر مانيب حاجة محبره
كم خاطري عاف الحكايه واكتفى منها وطاب
وكم خافقي عانى الكدر لكن ابد ما يظهره
وكم في غيابي بالخيانه يكتمل ذاك النصاب
كيف الصدف دايم تطلّّع بالغدر ما يضمره
أفاه يا قوم الغدر دام الدليل أصبح غراب
لو يرحلوا أستر لهم دام الخيانه مُنذره
في ه الزمن شفت العجايب والعجب كل العجاب
شفت الأخو يطعن أخوه وأسم المصالح خنجره
شفت الردي أصبح لناسه يشتري وامره مجاب
كم صفقوا له لو كلامه يهدره بالمسخره
وشفت الغشيم اللي نكر أصله ورى زيف الثياب
كل ما تبخّر يحترق ثوبه بجمر المبخره
وشفت الولد ينسى عمامه من أجل بعض الصحاب
وينسى عطى أهل العطا رغم العطايا تغمره
لا وفق الله من سلوكه في حياته ك الدواب
وما يستر الله من يجاهر بالخطايا مفخره
لو يسترق شيطانهم أطلق لهم صمتي شهاب
وان فكروا لمس المجد ما طاولوا لو اظفره
مثلي أنا مثل النهر وأمثالهم مثل الحِراب
وان حاولوا طعن النهر فاض العفو من أغزره
خلّيتهم في ظلمهم للخالق الفرد الوهاب
ربي عسى يغفر لهم كل الذنوب المُحضره
ما كنت أفكر بالشوامخ كيف أفكر بالهضاب
دربي مشيته بالعواصف والليالي مُمطره
لو ينسحب آخر أمل لا ما افكر بانسحاب
باقي على ذاك العهد حتى تحين الغرغره
اللي غصونه يابسه غير الكسر ماله عقاب
واللي عزومه ليّنه تلقى الحوادث تعصره
أنا الحزين اللي قضى ليله هموم ٍ واضطراب
وأنا العليل اللي جروحه بالمواجع تقبره
وأنا الصديق اللي يدافع عن صديقه بالشعاب
ترخص حياته له ثمن وقت الظروف المعسره
وأنا العلاج اللي لزم حين الحزن به يستطاب
وقت الشدايد بسمتي فوق المحيّا مبهره
وانا البعيد اللي بقى في مهجره يشكي مصاب
وأنا السعيد اللي ضحك رغم المصاب اب مهجره
كثر العنا اجهد خفوقي بالشجن .. راسي وشاب
عمري صبر/ دربي خطر/ حلمي مسافه مقفره
ربّ المشارق والمغارب ينفرد ب اسم المهاب
لو كانت الشهره ذهب يبقى التواضع جوهره
اللي حياته من وهم لابد يعيش الأرتياب
واللي يسامح صاحبه كل البشر تستذكره
لو صاحبك أطلق لسانه في غيابك بك وعاب
سرّ الصديق اللي غدر لا لا تحاول تنشره
ما ينفع المخطي عذر إلا إذا اصلح وتاب
ولاّ اللبيب اللي حسب دايم حساب الآخره
ولو جاتك القصه سوالف غامضه مثل الضباب
كفّ الغموض اللي بدا سيف الحقيقه يبتره .

[كـل ـآلغلـآ]

لا تقطع ارحامك ويشملك الوعيد
ولا تخسر الغالي ولا ترخص غلاه

واخوك لا تخسره لو انه عنيد
يخطي مية مرة وتسمح له خطاه

وان كان شد الحبل حاول ما تزيد
ارخيه قبل الشد يوصل منتهاه

ولا تنصحه وقت الزعل ما يستفيد
واعرض عليه النصح في ساعة رضاه

وليا طلب رايك عطه رايً سديد
وان ما طلبك الراي لا تبحث خفاه

واعرف ترى قرب المنازل ما يفيد
واحيان يبدي شي ما ودك تراه

لكن لا تقرب ولا تنزل بعيد
خلك على قول المثل حذفة عصاه

واحفظ حبال الود حفظك للوريد
اللي معلق فيه موتك والحياة

ترى الاخو مهما حصل يبقى عضيد
وترى عيال العم ما عنهم غنااااااه

الناس دايم ما تهاب اللي وحيد
اللي ليا منه وقف محدً معآآآآه