لعبه تحدي للشعراء او انقش من الجوال ارجو التفاعل كبدايه%%

[أبو حمـد]

ياسلام ياسلام ،، ، ووالله مهي مجامله أبياتك لها معاني جميله للغايه ،،


ركني المحبوب في هالمنتدى &&& لعبة الشعار ما عنها احور

وصفهم لهفه مثل طل الندى &&& بللوا قلبي وزادوني حبور

[أبوعدي]

مرحبا للجميع ........


تكيت في مجلسي يــوم تعشيت .................وسارعت اسجل ابيــاتي وادونـها
وسرحت في خيالي وكم تمنيت ................لوالفكر له سجن للخواطر اسجنها


بدايت ردك ياحمد ر-ك وانا بدايه ردي ت-ك


ابيات حلوه ياحمد

[أبو حمـد]

ياهلا أبو عدي ،،

انا ودي اعرف وش حكاية حرف " الها " معي ،، جنني كل شوي ينط لي ،،

وشكرا للمجاملة اللطيفه يا خالي ،، وانت ابياتك ذوق والله وراقيه ،،


هات من در البحور الهادره &&& لولو أومرجان أو الي تبي

المهم ان العيون الساهره &&& ماتنام الين احقق مطلبي

[أبوعدي]

هلابك ياحمد .....ومبروك علينا وعليكم الخير ..الجو بالرياض تقول بباريس !!

المهم سالفتك مع الهاء ابغيرها لك..


بيت كتبته ياحمد لابد تقراه ............منشان ترده ويطول الحماسي

[أبو حمـد]

يا هلا أبو عدي ،،ومساك الله بالخير

ايوا الله ياخوك الجو ما شاءالله وش باريس وش لندن ،، والله يجيب الخير إن شاءالله ويغيث العباد ،، هو ارحم بعباده ،،


سير عليه هالمساء ننشد سويه هالقصيد &&& ونشب نار المنتدى من اوله ليا أخره

ويجيك راعي الأوله ويا عمر عبدالعزيز &&& يشيلوا معنا شيلة أهل معشبه والداخله

[أبو حمـد]

.



سير عليه هالمساء ننشد سويه هالقصيد &&& ونشب نار المنتدى من أخره ليـ آوله

ويجيك راعي الآوله ويا عمر عبدالعزيز &&& يشيلوا معنا شيلة أهل معشبه والداخله

[أبوعدي]

هلا هلا ياولد ابو حمد.. الجو اليوم مخقخق !!! ياسلام عسى الله يعطينا السيل


لهيت البارح في منتدى القمة ونسيتك.............الوقت مسروق والرد ياولد جــاك

لاصرت قاعد بغار شعلان لاشك نصيتك............نشب نار وابوعدي يجلس بيمناك

[أبو حمـد]

هلا أبو عدي ومساك الله بالخير ،،


عز الله الجو جو كشتات وبر وشبة سمر ،،الله يعين ،،



اكثر بروق الحيا يمة سدير &&& أخايله لين أول النور بان

ويفز قلبي يم هاك المغاتير&&& شمال دون ذيابة العتش فيحان

[أبوعدي]

ياهلابك الرياض ياولد امتلت شوارعه والسويدي غرق البارح
وشمال الرياض شفطون بالسيل بالوايتات..

المهم يابعدي


انا ياصاجبي لاشفت الجـو غيم وزان...........اطلبه سبحانه يغيث البلد والناس

حيث الموارد ناشفه مع جور الزمــان...........وفياض شهبا خاليه مـن الأجناس

عقبه يمطر السحاب وتفرش الشعبان...........وتشوف من واقـف عنده وجلاس

وتسيل املاك وعقبه وترتوي القلبان...........وتخضر ارض عقب ماهي بيباس


اقول ياشين الرياض

تحياتي لك ياحمد معطره برائحة شعيب اوراط

[أبو حمـد]

ياهلا أبو عدي ومساك الله بالخير ،، الله يغيث العباد والحمدلله على منه وفضله ،،

الناس فرحانه فرح شديد بالخير والأمطار ،، وما سبق شفت هالفرحه العامه عند كل الناس ،،

صغيرهم قبل كبيرهم ينشد عن اخبار الحيا ،، والحمدلله على فضله ،،



أسلم ويسلم من حبل لي بوده &&& والله يديم الود ما بين الاصحاب

عسا السحاب الي نشا طريف مده &&& وعسا هماليله سقت كل الاعراب

[أبوعدي]

هاااااااي حمودي !!!!!!
ههههههههههههههه

وشلونك يابعدي عساك بخير ..عسى الله ينفع بالسيل ...,,الظاهر انا وأنت بها المنتدى تقل دوام وشغل شفتات انا اذا دخلت انت تطلع !!! هههه

جاك

ابرقت ياحمد ثم امطرت ثم سالت ..........نخيل لها السيل دوم محتاجه

ورعدت سحابة الــوسم ثم ساقت..........يم ديـار مـن الدبـورتقل داجه

[أبو حمـد]

ياهلا وغلا أبو عدي وصبحك الله بالخير ،، وشلونك وبشرني عن علومك



جهرت الصوت يا بو عدي صوت ٍ ينقله شعري &&& على الي شافته عيني تناقض شاسع البوني

إذا حطيت لي رابط قراءة سورة الحشري &&& بصوت الشيخ أبن باسط ثواني له يحذفوني

وإذا حطوا لهم رابط حمارٌ طاح في النهري &&& تشوف الناس ملتمه على الرابط يونوني

هذيك تقول يا ربي وذاك يون يا قهري &&& على حمار ٍ تبلل شعره الفضي ينوحوني

تناقض شافته عيني ولا قالوا وش العذري &&& عسا الله ما يعاقبنا من الي هم يسووني


وسلامتك ،،

[أبو حمـد]

نيرين هبت رياح البين &&& وزادت هبوبه هواجيسي

ماهيب مره ولا ثنتين &&& تنوين هجري وانا احوسي

[لهفة الخاطر]

مساء الورد بعبق من زخات المطر ..

حياكم الله وإن شاء الله تكونون تمام ...

الموضوع شكل مافيه أحد يسير عليه كثير وأعذرونا على القصور ...

[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

سيرت على من في قلبي حبهم = لقيتهم اهجروا ديارهم
قلت ياقلبي خلك عنهم = الهجر هو دربهم وأنسى ودهم
[/poem]

[أبوعدي]

مساء الخير .. آسف على التأخير ........ايام الخميس والجمعه خاصه


نهايه البيت هـ- م


همٍ صابني الصبح بأسباب ناقــه ..........ناقته مملوحه وناقتي لاشك مجروحه

عافت كل زادها وفحولها شبعانه..........مـدري وجع فيها اوبجنبـها مرموحـه



تقديري للجميع ........