النظام الغذائي المذهل اللي تفوق على نظام((دايت سنتر))25 كيلو بشهرين""

[قمر توب تن]

تجربتي مع الرجيم
زالله يا أخوان أني كنت سمينة بشكل رهيب ( بالنسبة لطولي وجسمي كان عندي زيادة 20 كيلو والسمنة كانت موزعة في كل جسمي وما عمري كملت نظام رجيم لكن الآن ما شاء الله نقصت 20 كيلو وثبت وزني من حوالي سنتين ما وصلت للوزن الأول كييييييف ؟؟؟؟!!!!!
والله بس أخفف أكلي على الريق الساعة 6 الصباح أشرب كاسة عصير ليمون بدون سكر ودافية ( ملي الكاسة واعصري فوقها نص ليمونة )
وانام وأقوم الساعة 11 وأفطر برتقالة أو أي فواكه مرة حبة مرة حبتين عادي
الغداء الساعة 2 العصر آكل من الغدا اللي أسوية بس كمية محدودة ( زي صحن المستشفى المقسم أحط جزء سلطة وقطعة لحم أو دجاج وشوية رز بس ( يعني آكل كل حاجة ( شورما أي شي بس لو باكل خبز آكل خبز بر صامولي واحد وأحشيه أي شي بنفسي
العشاء ما أتعشى إلا ساندوتش ومنزوع اللب
أكل عادي حلويات أي شي بس بقليل أول في اليوم طالعة نازلة أقش
الحين لا والله حتى الحمد لله معدتي صغرت أول يعني آكل صاروخ عادي بس الآن والله ماشاء الله آكل الصغير واحس أني بستفرغ وأحاول إني ما أزيد لأن المعدة مثل البالون ينتفخ بشوي شوي
والله يا إخواني إني نقصت والحمد لله ما عاد رجعت أخواتي دوم يسون رجيم وينقصن بس الآن ما قدرو يسوو أي رجيم وأوزانهم مخيفة يعني باختصار لا تدفع فلوس ولاهم يحزنون قلل أكلك علشان اللي تنقصة ما تزيدة
وعلى طاري أعشاب التخسيس والله ثم والله ثم والله إنها عندي في الدولاب سويتها وعهد الله ما شربت منها إلا مرة واللي يبيها مستعدة أقول خلطتها وأنا ما خذتها من دكتور عبد الباسط سيد أكيد سمعتوا به بس قولولي وأنزلها بالمقادير والطريقة واستخدموها كمساعد فقط اللي يبغى
انا جبتها لأني كنت حامل وعلى الحمل يصير وزني دبل والله أني يوم حملت كنت 64 ويوم ولدت صرت 88 والحمد لله ما صار لي ثلاث شهور والدة وزني الحين ماشاء الله 68 بتخفيف الأكل بس وما حرمت نفسي من شي بس اتحكمت فترة بكمية أكلي والحين يارب من فضلك ما عاد أهتم وأكلي مرة خفيف ودايماً أعوض بشي بدل شي يعني لو أكلت قطعة حلا في الليل أحاول ما أتعشى وكذا على طول لا رجيم ولا أعشاب ولا هم والله على ما أقول شهيد واللي على العموم تبغى أو يبغى أي نظام غذائي أنا عندي دفاتر عن الأنظمة بكتبه لكم بس والله مافي مثل طريقتي أسألوني عندي عقدة من الرجيمات والأدوية لكن ما نفعني إلا طريقتي هذه ياريت تجربونها وتذكرت أنا والله ما خليت شي في الإعلانات حق الترهل والتخسيس ما شريته آخرها سوارة بن سينا والله من الخراااااااااااااااااااااااااااااااااااااااط وادهن واشتري وكله حبيس الأدراج فلا تعبون أنفسكم وخذوا من غيركم عبر .

[دلوعة الكل]

السلام عليكم ورحمة الله وبركاته وشلون أتكلم بالخاص؟؟

[دلوعة الكل]

لو سمحتو كيف أحصل على مجموعة التخسيس المذهلة إلي تنزل 25 كيلو و شكرا

[فراوله]

[grade="00008B FF6347 008000 4B0082"] [gdwl]كيف حالك إن شاء الله دائما بخير ؟ ابي من اشتري منج بس شلون انا بالكويت شـكــ وبارك الله فيك ـــرا لك ... لك مني أجمل تحية . [/gdwl][/grade]

[بسمة فرح]

اخي حمد ولد ابو حمد
ماشاء الله عليك
اشكر لك حرصك على الاخوان والله ماقصرت

انا الحمد لله مانيب سمينه بس دخلت كذا وشفت عباراتك والله انك خايف عليهم وبس وش نقول ماعندك حد

تدري ياحمد ولد ابو حمد شكل حنين المومه تدخل بكم اسم عشان تسوي دعايه بعد كلامك ولو انها صادقه كان شفتها الحين بس شف
خرج ولم يعد


بارك الله فيك اخوي
والله انك احسن رد
الله يوفقك
بس وين الاخوان فيه واحد كاتب جواله؟؟؟؟؟؟؟؟؟؟؟؟؟؟؟؟؟؟؟؟

[ابو حنين]

السلام عليكم

انا شفت الموضوع هذا بالصدفه في قوقل وحبيت اشارك واطرح رائي

اقول لكم

ان الرجيم دائم يعتمد على نفسيه الانسان ودائم الانسان يتبع اسرع الخطوات وخاصه النساء

والله والله والله

اني خسرت اربعين كيلوا في مده قصيره

<<< قولوا ماشاء الله لاقوه الا بالله لا تحسدوني



بس شوي مجهود وحركه ومكونات بسيطه اعتقد الكل يقدر يوفرها وبأقل الاسعار


اذا حابين اطرح تجربتي واذكر كل شيء من رياضه ونظام غذائي بسيط

وراح تشوفون الفرق جدا بسرعه

انا تحت امركم

والامر لله وحده


اخوكم ابو حنين

[hem..]

هلا اخوي ابو حنين ...

ياليت تطرح تجربتك علشان الكل يستفيد منها...

ودمتم...

[شـمـ إمرأة ــوخ]

.
.
.


اللي وده بنظام عذائي تمام وطريقة تجعل القوام شئ خيالي

طبق حديث الرسول صلى الله عليه وسلم
(ثلث لطعامك وثلث لشرابك وثلث لنفسك )


والرياضه فقط لاغير وتشوفون النتيجة مذهله
لكل اللي حاب انه ينحف جرب وانت الحكم
كلامي هذا من منطلق تجربه
ولله الحمد نتائج مسكته اسم الله عليه

[نصراويه مووت]

المشاركة الأصلية كتبت بواسطة حنين الامومه   الموضوع باين من عنوانه... دائما ما نحزن عند خسارة أي شيء، ولكن الخسارة الوحيدة التي يفرح صاحبها وتتهلل أساريره عندما يكتشفها.. .هي خسارة الكيلوات الزائدة!! [فالقوام الممشوق أصبح صفة مشتركة في معظم جميلات ومشاهير العالم، وحلم مشترك عند جميع الناس، فاالكل أصبح شغله الشاغل هو الحصول على الجسم الرشيق المثالي و التخلص من الدهون، حتى ولو كلفه ذلك أموالا باهظة للقيام بعمليات شفط الدهون والتخسيس، التي باتت من أكثر العمليات انتشارا، أو حتى لو تطلب ذلك الحرمان التام من كل ما لذ وطاب، فهل أنتِ من هؤلاء ؟ هل أعياك البحث عن العلاج الفعال معي انا هو الحل.!! هل أصبح جسمك متعبا من العقاقير الكيماوية؟ الحل معي هل جربتي الأطباء فلم تجدي علاجاتهم نفعا ؟ لا تخافي برنامجي هو الحل لا تفقدي الأمل فإن العلاج لدينا والتجربة خير برهان وبرنامجنا بلا أثار جانبية لانها مستمده بكاملها من مصادر طبيعيه وتحسين عادات غذائيه تحت اشراف نخبة من الخبراء في التخسيس اليوم جبت لكم تجربتين في التخسيس التجربه رقم1 إقتباس: الرسالة الأصلية كتبت بواسطة ندى الهفوف » مساك الله بالخير والمسرات انا ندى الهفوف طلب مني ان اذكر تجربتي مع التخسيس ومن باب اني احب لكم ما احب لنفسي من الخير.. واحب الافاده لااخواتي...باقولكم تجربتي انا كان عندي وزن زائد..يعني ماهي دبابه ....انما وزن زائد انا ماخليت شي ماجربته خصوصا اني مااقدر اتحكم في نفسي من ناحية الاكل ,, اول تجاربي الي هي وضع حديد مثل التقويم على الاسنان ويتم به إغلاق الفم مدة شهر تقريبا ,, (حسب الرغبة ) يصبح أكل الشخص سوائل فقط ,, لكن مع الأسف لم ينزل وزني جربت ريجيم قاسي جداً مث الرجيم اللبن واتكينزوريجيم السعرات الحرارية وكلها ارجع اضعاف واخر شي دايت سنترولا فادخلصت منه رجعت مثل اول واردى يعني كنت مجربة كل أنواع الرجيمات الي ممكن تخطر على بالك.. و ما أحب الرياضة.. اسويها يومين واخليها.. اواخيرا قرارت اجرب برنامج التخسيس وهو برنامج متكامل من خمس مراحل النظام الوحيد ا المتكامل 1/ الرجيم الغذائي وهو قسمين هالنظام من اخصائيه يعني موب خربوطي 2/اعشاب التخسيس 3/القهوة 4/مجموعة زيوت 5/ الرده والحمد لله استخدمتة ونزل عليه وزني بشهرين ونصف 31كيلو وكان البرنامج مريح اتعدلت دورتي بشرتي تحسنت كثير جسمي انشد ماشاء الله بشكل خيالي شعري رجع لها صحته وبشرتي روعه ولم احس بالجوع او التعب يارب تكون فيه فائدة كبيرة لكم من هالنظام .. جزاك الله الف خير.. إقتباس: اقتباس من مشاركة Qok السلا م عليكم ياالغاليا ت كيفك حالكم ؟! حبيت ابشركم اني نحفت 25 كيلو خلال شهرين تقريبا وماكملته بفضل الله سبحانه وتعالى ثم بفضل وقفت بعض البنات معاي استخدمت نظام سهل وممتع من وحده جزاها الله خير تبيع النظام مع معداته وماكانت احس بخمول الآنظمه ولاصداع في الراس وكنت امشي يوميا ساعه واحيان نص ساعه حبيت انقل لكم تجربتي المتواضعه أطيب الأماني لكم وهذي تجربتين وش رايكم؟! من تبي تجرب ؟! وباقي التجآآرب باالطريق أعتقد بأن هذا البرنامج كفيل بـ جسم مثالي وكافي لـ معدة سليمة !! وجسم سليم تخفيف الوزن ، مفهوم وثقافه غذائيه قبل يكون وزن ونزل أشكر كل من جرب النظام وكل من كتب تجآآربه سواء في في هذا المنتدى او منتديات ثانيه واللي خلاني أنزل الموضوع إصرار بعض البنات لاعدمتكم يـآآرب واتمنى من البنات اللي استخدموا النظام ينزلون تجاربهم بنفس الموضوع واللي يقراء الموضوع يرفعه بدعوه صآآدقه نقية كصدقكم

السلام عليكم اختي انا ابغى اشتريه منك كيف وشلون لو سمحتي نتواصل
ارجو الرد بسرعه

[الهموم]

هلا ياختي قرات موضوعك وياريت اقدر احصل على العلاج والله تكسبين فيني اجر انا من جده

[بوتركي]

السلام عليكم
والله فرصة طيبة اني اشارك في منتديات سدير
(مع اني من اهل شقرا)


الوكاد


انا اقترح ان الموضوع يغلق


لأني الاحظ ان مضمون الموضوع "مريب" ومشكوك فيه .
معليش وش دخل القهوة بالتخسيس ؟
والرده حسب معلوماتي انها للعجايز وللي عندهم امراض خطيره بالجلد ومايتشافون منها الا بعد سنين !!
انا مو قصدي اقطع رزق احد
بس يالربع ماتحسون ان الموضوع هذا مريب بالحيل؟
ومساكين هالبنيات ماصدقن خبر .. على طوووووول ردو
تقول جا لها خبر يفرحّها
حتى الشباب يا ملا العافية على طول دخلوا بالموضوع ويبون تخسيس

شوفوا ياللي تبون تخسيس
اذا ودكم بتخسيس ناجح وبدون اي تعب
امر بسيط جدا ً ، بس خل عندك عزم وشديد بقرارك .. وكلها شهر او شهرين وتخس ، وتصير وش ملحك .

1- امش رياضة باستمرار .
(شف لك شارع طويل او مخططات فاضية مافيها عوايل وامش فيها ساعتين)
عشان ماتحس بتعب؟ اشبك السماعات على اذنك وشغل جوالك عالرادو.
حط اشياء تحسسك انك تمشي
لأنها "نفسياً" يشغلك الرادو عن التعب وانت ماشي .
يعني كأنك بالضبط تسولف مع خويك بكل حماس بسواليفكم وانتم ماشيين وناسيين امر التعب .
بس هاه !
مو تحط اغاني غربية كنك بسم الله رونالدو او مايكل جكسون وهو يتريقص
لا وانتبه لا شغلت لك شي يحمسك يجبرك ان تطمر وتفرح ومسوي نفسك بطل مشهور .. انتبه ترى يضحكون << قد سواها ولقط وجهه هههههه .






2- قلل الاكل .
يعني كل 10 ملاعق من رز .
و 8 قطع بحجم (نصف طول اصبع الخنصر)
وقطعتين خيار
حاول قد ماتقدر ان تشرب 4 اكواب موية ( قبل الأكل ) .
بعد الأكل اشرب (سفن دايت) .
وابعد عن اي مشروب غازي به سعرات حرارية كثيرة وفيها سكر ..ابعد عنها نهائي .
والا ترى بتهدم ريجيمك .




3- طبعا شي اكيد ان الغالب من الشباب والبنات يقللون من الصلوات .
ياخي صل لو في البيت عادي
تدري ان فرضك للصلاة تساعدك على التخسيس ...؟
خصوصا ً إذا طولت بالصلاة لمدة 20 دقيقة من قرائتك للقران في الركعة الاولى والثانية .
لأن تأدية الصلاة لها صلة بالرياضة .



4- امزح مع اي واحد تعرفه
اسطره كف وخله يلحقك ..
حاول ان تبعد ولو على الأقل اثنين كيلومتر وهو يلحقك .
واذا بالبيت؟ اجهد نفسك بالركض .
امزح مع اخوك الكبير مزح ثقيل
خله يلاحقك بعصا
شرط انك تخاف وتنحاش من مكان لمكان .




5- ابعد عن اي شي فيه سكر ودهون كثير .
اشتر من هرفي او اي محل وجبات سريعة نظيفة عندهم سلطة مشكلة .
كل منها صحنين (يومياً) وخلها وجبة عشا !





6- سواءا كنت موظف او عاطل او طالب
اي شخص يطلب من شخص ثاني يروح لمكان بعيد او قريب .
خذ انت مكانه وقل انا بروح .
يكون احسن لو بالشمس .
حاول تفتح ازراير ثوبك اللي حول فوق صدرك .
خل الحر يكثف على صدرك اكثر .






7- ( عاد هالبند السابع فسيولوجي ) وصدقني بتنجح
ناظر نفسك بالمراية .
وكلم نفسك وقل : "انا جاد اني راح انحف .. وبنحف"
فكر وانت تقول هالكلام بأخوياك ونظرة الناس عليك كونك دب وعليك كرشه
فكر بالاطفال اللي يقولون "دبا كريشه بريالين" وخصوصا ً قدام اللي يعزونك من خوياك !! .
فكر وهم اخوياك يضحكون عليك من كلام البزران .




7 خطوات ان نفذتها
بتتفل على ابليس

وتقول اعوذ بالله من هالموضوع بغى يعدمني ..








اقترح ان يغلق الموضوع بسرعة

(ترى هالموضوع بذمتكم يالادارة) من حيث دعاوي اللي ماربحو شي من هالموضوع الا الخسارة

[الهوى آحسآآآس]

مساء الخير..يالغلا انا محتااااااجة هالبرنامج ضروووووري زواجي قرب وابي انحف واشد جسمي ممكن اعرف وشلون اتواصل معك.. مع خالص شكري وتقديري لمجهودك الرائع..

[بدر ولد ابراهيم]

السلام عليكم ورحمه الله وبركاته

تم اغلاق الموضوع

لان الموضوع قديم