خلطتي الرآآآآآآآآآئعه لتعيم اليدين..

[عذبة الصفات]

السلام عليكم ورحمه الله وبركاته..

كيفكم ياحبايبي ..

بما انا في الشتاء فما يخفى عليكم الجفاف في البشره

وبصراحه لي فتره طوووووويله وانا استخدم خلطه بسيطه جداا ليدي والله يابنات خطيرره تخلي يدك ناعمه وتلق
والله لدرجه بابا لاحظها كنت اصب لك قهوه ولما مديت الفنجال له قال يدك ناعمه بزياده

عاد انا من عرفت نفسي وانا احوس في عمري دايم خلطات للبشره واليد والرجل مسويه نفسي حقل تجارب
بس وجهي لا اخاف اطبق عليه ومااحط عليه الا اشياء مضمونه
بس جسمي عاااااااااادي
واخواني اذا دخلوا غرفتي يضحكون يقولون كنها صيدليه

المهم الخلطه الي استخدمها ليديني هذي ..
علبه جلسوليد وطبعا اكيد الكل يعرفه..

عصير ليموونه ..
وكريم فازلين الصغير حق اليدين


ملعقتين كبار كلا من..

زيت الجلسرين..
زيت اللوز..
واذا كانت يدك مسمره من الشمس اضيفي للخلطه كريم افالون او اي كريم تفتيح ترناحين له ..

تخلطين هالمكونات زين وتحطينها في علبه فاضيه ودهني منها مرتين في اليوم بس لازم تسوين ليدك صنفره مره في الاسبوع
انا اذا كنت مرووقه دهنتها بزيت زيتون وافركها بسكر..
واذا كنت مستعجله اصنفرها واقشرها بصنفره ستفيز مررره رووعه وهذي صورتها
واهم شي اذا حطيتي الخلطه لاتتعرضون للشمس
وحاولي تغسلين يدك بصابونه اللوز الي من بدي شوب حلووه..

والعجازات الي مايحبوون الخلطات يستخدمون هذي مجموعه العنايه باليد من بدي شوب ولقيت لكم صورتها


الموضوع انا الي كاتبته يعني مو منقوول وانا مجربه هالخلطه بيدي ومناسبتني ودايم العلبه بشنطتي وين ماارووح..


فديتكم يااحلى سديراويااااااااااااااااات

[رحيق الياسمين]

[QUOTEوالله لدرجه بابا لاحظها كنت اصب لك قهوه ولما مديت الفنجال له قال يدك ناعمه بزياده

][/QUOTE]
اجل بابا حسيت للي كاتبه مو سعوديه وين <<<ابوى>>>
هههههههههههههه
المهم انا راح اجربها بس لو ماتطلع مثل ما قالتى لاتلومين للي نفسك<<قويه
ماراح اقولك شكرحتى اشوف النتيجه

[عذبة الصفات]

ههههههههههههههههههههههه

الحين وش الفرق بين بابا وابووووي
كلها وااااااااااحد

اوكي جربيها واهم شي لاتتعرضين للشمس عشان ماتسمر يدك

[نقــآء]

آهـآ حـلـو مـآشـآءالله ..

طيب كريم افالون وين احصله ويـآليت تحطين له صوره آذآ عـآدي..

عــوآفي يالـغـلآ ..

[عذبة الصفات]

كريم افالون تحصلينه في كل الصيديليات
وحصلت لك هالصوره

[بنت عشيرة]

ماشااااءالله عليك ياقمورة
والله باين من خلطتك ان نتيجتها مضموووونة

كلن يمدح فيه وإلى يومك ماشريته
بس حمستيني أستخدمه: )


كريم أفالون قد مرّ علي..أعتقد هو أحد مكونات خلطة وصفها الدكتور جابر القحطاني

يعطيك ألف عافية قمووورة

[عذبة الصفات]

هلا بك بنت عشيره ..

اي كريم افالون مادحه الدكتور جابر القحطاني وتراه ينفع للوجه والمناطق الغامقه في الجسم
في خلطه تخلطين افالون + الدوكين فور+اي كريم مقشر
وتحطينها على المنطقه الي تبين تفتحينها (بس مانتفع للوجه))
بس هالخلطه فتحت وحده من اقاربي كانت ركبها فحمه
بس للامانه انا ماجربتها بس اعرف كثيرين مجربينها
واختي بعد جربتها في ركبها وماشاءالله فتحت مررره
والي يبي يفتح وجهه يستخدم بس افالون لحاله
انا كل شي اغامر واستخدمه الا وجهي مستحيل اقربه
هذا روووووووووووووووعه لايفوتك انا اقشر كل جسمي به من رجولي الي رقبتي
وش زينه وينعم مررره وريحته مو شينه عاد انا اهم شي عندي الريحه
ايه نسيت نقطه مهمه
ترى افالون له انواع انتم اختاروا الي يناسبكم

[دلع بس على سنع]

مشكوره يالغلا
يعطيك العافيه
بجرب خلطتك ان شاءالله

[سمحة الخاطر]

يا مال العافيه قموره

الجلسوليد معروف انه رهيب للبشره


مشكوره

[شامخة بوجودها]

قمورة مشكورة يا الغاليه ..

الليمون والسكر رائع لليدين..

وفقك الله ..ودمت بخير وعافيه..

شـــــــامخة ..

[عذبة الصفات]

مشكوره يالغلا
يعطيك العافيه
بجرب خلطتك ان شاءالله

هلا بك يادلع ..

اوكي جربيها واذا نفعت معك لاتنسين تدعين لي *_*

[عذبة الصفات]

يا مال العافيه قموره

الجلسوليد معروف انه رهيب للبشره


مشكوره

هلا بك ياسموووحه..

ايه الجلسوليد روووعه للبشره بس انا مااحبه لحاله لانه ثقيل
احب اخلط معه اي شي
منوووره ..

[عذبة الصفات]

قمورة مشكورة يا الغاليه ..

الليمون والسكر رائع لليدين..

وفقك الله ..ودمت بخير وعافيه..

شـــــــامخة ..

هلابك ياشمووختي ..

اليمون حلوو والسكر احلى
انا احيانا اصنفر جسمي بسكر

وترى يابنات السكر حلوو بعد للشفايف

ادهنوها بفازلين وجيبوا حبه سكر مكعبات وافركيها على شفايفك لما تذووب السكره..

او ادهنوها بفازلين وجيبوا فرشه اسنان وافركوا الشفايف بس مو بقووه لا بخفيف عشان تتقشر طبقه الجلد الميت
وبعدها ادهنوا الشفايف بزبده الكاكاو او زيت اللوز او اي مرطب
وتطلع شفايفكم ورديه ومايحتاج تحطون ارواج يكفي جلوس ملمع

[شامخة بوجودها]

المشاركة الأصلية كتبت بواسطة قمر الزامل   قمورة مشكورة يا الغاليه .. الليمون والسكر رائع لليدين.. وفقك الله ..ودمت بخير وعافيه.. شـــــــامخة .. هلابك ياشمووختي .. اليمون حلوو والسكر احلى انا احيانا اصنفر جسمي بسكر وترى يابنات السكر حلوو بعد للشفايف ادهنوها بفازلين وجيبوا حبه سكر مكعبات وافركيها على شفايفك لما تذووب السكره.. او ادهنوها بفازلين وجيبوا فرشه اسنان وافركوا الشفايف بس مو بقووه لا بخفيف عشان تتقشر طبقه الجلد الميت وبعدها ادهنوا الشفايف بزبده الكاكاو او زيت اللوز او اي مرطب وتطلع شفايفكم ورديه ومايحتاج تحطون ارواج يكفي جلوس ملمع

ما شاء الله عليك يا الغاليه ..

وصفة يجب ان تجرب .. والفازلين رائع للجسم ..

جعل الله حياتك ورود دائمه ..

تقبلي أجمل الامنيات قموره ..

وفقكِ ربي .. ودمت بخير وسعاده..

[عذبة الصفات]

تسلمين ياشمووووووووختي...

الله يوفقك ويسعدك وين ماتكووووونين..