ودي اشتري كاميرا (وش تنصحوني فيه )

[جورية]

السلام عليكم ورحمة الله وبركاته

كان وكان فعل ماضي ناقص ماله سالفه لا بالواقع ولا بالحاضر ولا يسوي شي

عندي كاميرا وش زينه سوني سايب شت <<<<<<<<<< اظن كذا اسمها

بنت حلال وصورها واضحة وسعتها اربعه ميقا بكسل وتمام وتصور فيديو بعد

لكن ضاعت انسرقت طاحت في مكان ما المهم اني الان ما عندي كاميرا محترمة

وقلت بروح اشتري زها خاصة انها بالعربي وتعودت عليها

لكن حبيت استشيركم وشرايكم اجيب زيها ولا تنصحوني بشي زين ومعقول <<<<<<<<< قصدي مهوب حق محترفين

انتظر نصائحكم الثمينه بكل شوق

[ابو عبد العزيز]

والله انا اقول وجه تعرفه ولا وجه تنكره

[جورية]

والله شكل هذا اللي بيصير

[ابراهيم الرحيمي]

[align=justify]هلابك اختي جوريه
من وجهة نظري انك تشترين كميرا علي حسب نوعية تصويرك والمبلغ الي مخصصته انتي للكميرا
ومدام انك ماتبين كميرا احترافيه فلا تتعدين الشركات المشهوره والمتخصصه في الكميرات مثل نيكون وكانون والومبس
صح ان سوني حلوه بس مافيها مميزات مثلهن
وعني انا صراحه انصحك بكميرا اولنمبس مثل الي كانت مع ذيب سدير روحي شوفي صورها الي كان ينزلهن كميرا صافيه وسهله الاستخدام وفيها زوم حلو وسعرها مناسب اقل من 1800 والحين مدري كم يمكن اقل
يعني اذا تبين صفاوه وجوده في الصور فشوفي صورها ووميزاته واستشيري ذيب سدير بحكم انه مجربها
وانشاء الله تتوفقين في الكميرا الي بتشترين.....
شكرا لكي. [/align]

[TaMeeM]

[align=center].

.

أظن لو تحطين الميزانية ..

ومن خلالها نعطيك الراي المناسب ..[/align]

[شركرك]

ياليت اني اعرف للكمرات والله اخدمك

بس علاقتي بالكميرات مثل علاقه السبعين بالركاده >> مدري وش فيه يدور الحرش

[فهد المنيع]

انا انصحك تشتري مثل الكميرا السابقة سوني بحكم انك هاوية وتصويرك فقط للذكرى او التصوير العائلي ..


سعرها رخيص ودقتها عالية ومشاكلها قليلة .. تناسب الهواة



تحياتي ..

[ذيب سدير]

اذا كان حدك من 1000 وفوق انصحك مثلا ماقال ابو زاحم ...واذا كنتي تبين كميرات متواضعه يعني حدك من 1000 وتحت فعليك بكلام حالم ليل .. لان الميزانيه هي التي تحكم الكميره في مثل هذاا الوضع ...

ومن وجهة نظري ..كميرة اولومبس تعادل في نقاوة الصوره ودرجة الالوان ما قيمته 4000 على حسب التجربه فهي شركه رائده وتتعامل مع التصوير منذ اكثر من خمسين سنه .. وخاصه 7500c
4 بكسيل
زوم 10
وماعلى الرسول الا البلاغ المبين ..
وشكرااا

[فهد المنيع]

المشاركة الأصلية كتبت بواسطة ذيب سدير   واذا كنتي تبين كميرات متواضعه يعني حدك من 1000 وتحت فعليك بكلام حالم ليل

اخوي ذيب سدير الكميرات اللي اقصد فوق الالف وما توصف بكميرات متواضعه لكنها ما تحمل المميزات الشبة احترافية اللي تحملها اولمبس




معليش جورية شكلنا خبصنا الدعوى هع هع هع


استخيري ..

[جورية]

شااااااااااااااااااااااااااااااكره لكم كللللللللللللللللللللللللللكم

والله يخليكم لي ذخر ولا يخليني منكم

ونصايحكم على عيني وراسي

بس الميزانية التقريبية من 1200 الى 1500

لكن السوني مهيب شينه

وبعلمكم بالكاميرا الجديدة او ما اشتريها

ودمتم بكل الخير