¨° بوح القوافي °¨ خاص بشعراء المنتدى النبطي والفصيح (يمنع المنقول) . |
|
أدوات الموضوع | انواع عرض الموضوع |
06-02-2011, 02:34 PM | #1 | ||||||||
شــــاعر
|
أسف يا جدة
أسف يا جدة [poem=font="Simplified Arabic,6,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] أسف يا جدة وأدمحي كل ماصار=مكتوب لك شيل العناء والمصيبة أسف يا جدة وأقبلي كل الأعذار=السيل ماله غير مجرى شعيبه أسف يا جدة صورة اليوم .. تكرار=من عامنا اللي من شهورٍ سري به أسف يا جدة قلتها : سر .. وجهار=من للمريض أليا تقاعس .. طبيبه؟ مجروحةٍ من عام .. والجرح بك جار=وقل الدواء .. خلاّ جروحك .. عطيبة ضعتي مع الأمطار .. من لعبة كبار=كسبوا وصرتي من يشيل الغليبة بأسمك طلع .. مليار .. يقفاه .. مليار=بالعملة الصعبة .. وراحت نهيبة ورحتي ضحية محفظة .. أوهي أمطار=مدري ولكنك .. دفعتي الضريبة وشعار جدة غير .. عبرة .. وتذكار=ولكل شيٍ غير .. هي مستجيبة من للعروس أليا اشتعل جوفها .. نار=جمر الغبن يحرق حشاها .. لهيبه ومن حدها تبكي . وتشكي . وتنهار=ومن فصل ثياب الحداد .. الكئيبة من يكشف الأسرار .. عن رووس الأشرار=اللي فعايلهم عليها .. مريبة المسأله ماهيب .. تعويض الأضرار=والوضع عدّى قول : هذي .. غريبة المسألة أعظم من الجار .. لا جار=وأعظم من فراق الحبيب .. لحبيبه وش عقب موت الدار .. وأهالي الدار=وعودٍ يصيح .. ولا لقى من يجيبه وأمٍ .. تشق الجيب .. والفكر محتار=وطفلٍ .. ينازع يوم .. فارق حليبه ولكل فعلٍ .. رد فعلٍ .. يجي .. حار=والطين من قبل المسلح .. بني به والثار .. يبقى ثار .. لو كان .. ماثار=مثل اللغم .. والأرض .. هي تعتني به وللحلم تفسيرٍ .. وللعلم .. مصدار=وللحق رووسٍ فالصمايل .. مُهيبة رووسٍ تحل رموز .. وتبيّن أسرار=وتجتث .. قبل العايبات .. المعيبة وتبيّن الفاجر .. من النافع .. البار=وكلن بما قدم .. يحصل نصيبه وتصير مصلحة المواطن .. هي شعار=فعلٍ مثبّت .. نفتخر ,, ونحكي به وندعِ الإله .. الخالق .. النافع .. الضار=يبعد وطنا .. عن دروب .. المصيبة [/poem] عبدالعزيز الدحوم ـــ راعي الروضة
|
||||||||
مواقع النشر (المفضلة) |
|
|