معجناتي الخوقاقية

شوشة بس أخلاق · 18-01-2011, 07:18 AM

سلام عليكم يالسديراويين ,,,مبطية عنكم ,,,,

عدنا والعودو معجناتن
هنا لي وقفة مع عالم المعجنات

المعجنات بقد ماتعطينها تعطيك

تعطينها تعب وشوية مجهود واتقان

تعطيك احلى معجنات لذيذة وتواجه

وتطير عيون اللي يذوقها من اول قضمة

هالمعجنات ,,,كل يومين ثلاثة اسوي للعائلة الكريمة منهن
وفي الاخر توفرت عندي هالمعجنات
فجبتها لكم

نبدأ معكم رحلتنا في عالم المعجنات

هنا صورة العجينة ......

العجينة ذي
تقارب عجينة الخبز القرصان وبالدقيق الاسمر سويتها

مقاديرها بسيطة شوي خميرة وشوي زيت وعجنتها بموية دافية لغاية ماصارت متماسكة
فردتها وعلى الصاج ,,وماتركتها تطول على الصاج يدوب تتماسك

وسويت حشوة شاورما دجاج مع خضار

وعقبة بالشواية وهذا الشكل النهائي

شوشة بس أخلاق · 18-01-2011, 07:20 AM

عجينتي اللي معتمدتها من سنين ورهيبة ونفاشية

كوب حليب بودرة

كوبين موية دافية
ملعقتين خميرة دافية
ملعقة بيكنج باودر
نص كوب زيت
ملعقة صغيرة ملح
فنجان سكر
3 اكواب دقيق ويمكن زيادة شوي
الطريقة :
نذوب الحليب والخميرة بالموية الدافية
وبعدين نضيف المقادير بالتدريج
الزيت ,,والسكر والملح ,,ثم البيكنج باودر ونص مقدار الدقيق
ونخلط تمام
تمثن نضيف باقي الدقيق
ونعجن حتى تتكون عجينة لينة ورهيبة ومنفوشة مثل ماقلنا

هنا فطايرالشواية :
طبعاً ماقدرت اسويهن بالشواية بس حسيت بتصير طعمها عجين
فمثلتهن دوائر ودخلتهن الفرن
حتى انتفخن ونضجن بس بدون تحمير
طلعتهن
وحمرتهن بالشواية
وبعدين قصصتهن انصاف
وحشيتهن هنا بالبرجر ومخلل ومايونيز
وطعم رهيب
وحقيقة تستحق التجربة

وأليكم الصور

شوشة بس أخلاق · 18-01-2011, 07:22 AM

:::فطائر دودة القز :::

نجيب فلفل بارد اللي يجي لونه فاهي مو اخضر قوي
ونفتحه بشكل طولي ونحشيه بأي حشوة نبيها
هنا حشوة الدجاج كالعادة لأن الجماهير تفضلها..
وحطيت بهارها كمون بس وصلصة وقليت بطاطس ..وخلطته معهم,,

ونجهز عجينتنا ونفردها ونقصصها بهالشكل

وبعدين نبدأ بلفها زي الكرواسان او بشكل حلزوني
وتطلع النتيجة كذياااااااا:

شوشة بس أخلاق · 18-01-2011, 07:24 AM

اق معجنات -- :

فطيرة الجبن والدجاج نسويها بشكل رولات جنب بعض بشكل دائري

شوشة بس أخلاق · 18-01-2011, 07:26 AM

هنا::: قوالب الباشميل ::

نجيب توست ونقطعه دوائر,,او عجينتك المختارة ...ونلبسها في القوالب تماااااااام
ثمين نسوي حشوة محبوبة عند العائلة الكريمة
ونحشيها كما هو موضح في الصورة التي هي امامكم
وبعد مانحشيها تماااااااااااام
نكون مجهزين باشميل الرفلا ,,,قشطة وجبن سايل
وخاضينه خض مبرح
نقوم نشقها تماااااااااام
وعقب مانشقرها نطلعها
ونرش عليها جبن تشدر مبشووور تماااااااااام

والصور تكفي عن الهذر الزايد

وهذه واحدة فلحناه من النص عشان تشوفون الحشوة من داخل

شوشة بس أخلاق · 18-01-2011, 07:28 AM

توست نقطعه دوائر وبعضه نفرغه من الوسط نلزق وحده فوق وحده وندخلها الفرن بس عشان تقرمش

ونطلعها ونحشيها اللي نبي

الصور تفي بتوضيح الصورة

شوشة بس أخلاق · 18-01-2011, 07:30 AM

::فطائر الغيرة ::
وسبب تسميتها انها تشبه الدرايش الخشبية اللي فيها فتحات وتترصد من خلفها اعين الغيرة

عليهم تسميات هالغرب ,,,اعجبني شكل العجينة وحسيتها بتطلع حلوة
بس مااش ثقيلة وماهيب ذاك الزود مدري عاد من حوفي او انها فعلاً مو حلوة
بس انا اتوقع انها ماهيب حلوة
::اليكم المقادير ::
بس للأمانة انا حاسة ان فيها شيء ناقص ,,بس مدري وشو
3أكواب دقيق.
ملقعة كبيرة خميرة
ملعقتين او اكثر سكر
نص كوب حليب دافيء
بيضة
ثلاثة ارباع اصبع زبدة
للحشو::
شوكليت ,,,جبن ....مربى ,,,,
::الطريقة ::
نذوب الخميرة مع السكر بالحليب الدافيء ,,نتركها خمس دقايق
وبعد نضيف باقي المقادير ماعدا
الزبدة ونبدأ نعجن تمااااااام
ونعجن ونعجن
وعقبه ..
نضيف الزبدة على شكل قطع وتكون الزبدة ذايبة بدرجة حرارة المطبخ ونعجنها حتى تتكون عجينة لينة وطرية ..

ونبدأ الشغل نفرد ونقص بالشكل ذا

ونحشي البعض جبن والبعض شوكليت ..
وبعضهن سويناه بشكل مربع والبعض بشكل دائري
وفي النهاية
ندهن الوجه بصفار بيضة مع ملعقة صغيرة نسكافة ,,وملعقة حليب
واليكم باقي الصور

احلى البشر · 18-01-2011, 10:51 AM

لالالالالالا

حاقه مش معئووووووووووله

خ ط ي ر ة..............خطيرة

تسلم يدياتك

ماودك تصيرين ام جيراننا

أمورة سدير · 19-01-2011, 03:34 AM

مشاءالله تبارك الله

معجنات رائعهـ

يعطيـكـ الف عافيـهـ أختي

وتسلــم ايدينــكـ،،،

بنت عشيرة · 19-01-2011, 03:42 AM

حرااااااااااام علييك
اشتهيييت معجنات هالحزة

الحشووووة تشههههي ماشااااااءالله

ماشاااءالله عليك وربي سننننعة الله لايضرررك

تسلم لنا هاليديات..الله يحرمهن عن النار