صور هيكل عضمي لانسان في العودة !!

[فهد المنيع]

السلام عليكم ورحمة الله وبركاته

سأتحدث لكم عن قصة الهيكل العضمي الموجود في عودة سدير ( جماز ) وما سر وجود هذا القبر في هذا المكان خارج البلدة ..

كان هناك شخص يدعى ( العجمي ) كان يعمل راعياً لغنم اهالي العودة وفي يوم من الايام وهو خارج البلدة ويرعى بالغنم انشقت قربة الماء التي كان يحملها معه فعطش عطشاً شديداً وضاع عن البلدة فأراد ان يذبح من الغنم ليشرب منه او ما شابه ذلك .. فهربت الاغانم ورجعت للبلدة فاستغرب الناس ان الاغنام رجعت بدون الراعي !!

فخرج اهل الديرة للبحث عنه فوجدوه ميتاً في احد البران القريبة من الديرة فدفنوه هناك ..

والصور القادمة هي لقبر العجمي المطوي بالحجارة وقد تهدم جزء منها ..

اترككم مع الصور ..


-
-
-
-
-
-
-













تحياتي ..

[بن جعيثن]

شكلها مهيب مبطية مرة...

يعنى يمكن في هالسبعين إلى مية وعشرين الظاهر...

ممكن الأفادة...

[وراءالكواليس]

وقصه مؤثره بصراحه...

حرّ وشمس...وبدون ماء....ويضيع في البر...؟؟


مسكين

الله يرحمه

ومشكوور يا حالم على هالقصه

وهالمعلومه الجديده بالنسبه لي


تحياتي

[سعود الخليل]

قصة غريبه أخوي حالم ليل ،،،

والأغرب ليش ما دفنت الجثه بالشكل الصحيح حتى الآن ،، وأنا قريت قبل اسبوع تقريباً ان في منطقة في القصيم تم دفن مجموعه من الهياكل العظمية واللي وجدت في بعض المناطق القريبة من القصيم بتوصية من أمارة المنطقه ؟؟!! ،،،

تقبل تحياتي ..

[فهد المنيع]

فارس الظلام


بصراحه ما ادري بالضبط عن تاريخ هالقصة لكن اتوقع والله اعلم انها من 100 سنه وفوق ..


مشكور على الرد وان شاء الله راح ابحث عن تاريخ القصة ..


تحياتي ..

[فهد المنيع]

اخوي فارس لم استطع ايجاد اتفاق على تاريخ هذه الحادثه ولكن هناك من قال بأنها عام 1386 هـ وهناك من قال بأنها اقل من هذا التاريخ وأن الشخص ( عتيبي ) !!


والله اعلم ..

[سعد القاسم]

اقول حالم انا جيت ذيك المره بس ماقدرت اشوف شي... وشلون انت شفتها.؟....
وبعدين هل هي ورا الشبك المحوط .... ولا وشلوووون ؟؟؟!!!

وشكرا على هذا لموضوع والله يرحمنا برحمته بس....

[السم الهاري]

ولي تعليق بسيط ...

يقال أنه لم يوجد الا بعد أن مات بسنه بعد أن جف وبالتحديد في الصنع الى عن القبر جنوب . وبالتالي قام جماعة من أهل العودة بالصلاة عليه في نفس المكان وقبره في جال التلعه .وهو قريب العهد جدا والدلاله نعاله . هذا والله أعلم .

[ابو دحيم]

تحيه طيبه




يعطيك العافيه اخوي حالم ليل على هذا الخبر .



بس عندي مداخله بس اخاف تقول وشتبي تبي تحجر لي بس هالقظيه مهبله بي ....



انت تقول انه راح يرعى بالغنم وانشقت القربه ورجعت الغنم .

وش درى الناس ان القربه انشفت وجاء يبي يذبح واحده من الغنم الخ
والرجال مات ؟؟؟؟؟؟؟؟؟؟؟؟


هذه القظيه كنها الي يقولون واحد في سيارته وقاعد يصلح المسجل وانقلب ومات او ضرب عليه كفر وانقلب ومات
وش دراهم انه مات هذااااااااااااااااااااااااااااا الي فاقع قلبي ؟؟؟؟؟؟؟؟




لك تحياتي

[فهد المنيع]

وراءالكواليس


حياااااااك الله

[فهد المنيع]

راعي الأوله يقولون ان اهل الديره تركوا جثته الين يجون عياله ويتأكدون انه ما ذبح لكن ما ادري هم جوا والا وش صار بالضبط .. لاني حاولت اجمع معلومات عن القصه والروايات مختلفه ..

والله اعلم ..

[الوحش]

الله يرحمه ويغفر له ويسكنه فسيح جناته

وياليت يتم دفن القبر بالشكل الصحيح لأن أكرام الميت دفنه

مشكور حالم ليل على هالصور .

_________________

ابودحيم (برايفت) يخوي لاتصير نشبه وتدقق في أي شيء <<<< مافيه آمل يسلك

[فهد المنيع]

معليش ابطمر الشباب وارد على ابو دحيم


ههههههههه خذ راحتك يا ابو دحيم تمون ..

اللي دراهم ان القربه انشقت انهم يوم راحوا يدورونه لقوا القربه مشقوقه ----> لا تقول وش لون دروا انها قربته


اما بالنسبه للغنم فأنهم استغربوا أن الغنم جايات للديرة وتركض وهذي مهيب من عوايدها وجايه في غير وقتها وتخبر الاولين فيهم فطنه ومعرفه بالامور ------> شكلك منتب مقتنع من هذي


هاه اذا عندك استفسار لا يرد الا اصابعك ..

[فهد المنيع]

س ق م 666


مالك لواء مهوب عند الشبك ..

اذا جيت لسدير وديتك له ..


تحياتي ..